قصيده في الشيخ منصور بن مانع ال جمعه

[(عـ ـديـ ـل الـ ـروحـ ـ)]

السلام عليكم ورحمة الله وبركاته
......

هنا أقدم لكم أسماً لامعاً في مجال الشعر...
شاعراً قوي السبك , جزل المفرده , بارع التصوير ...
شاعراً متمكن الي حد الأبهار...
هاذا هو أبوراشد يتلذذ بكتابة الشعر في ربعه وأبناء وشيوخ قبيلته..



هنا يرحب شاعرنا بعودة أبومانع من رحلة علاج الي المانيا

أترككم مع الأبيات:


مرحبا بألي الا جات النوايــــــــــــــــــب
شال حملٍٍ ما حدٍ غيره يشــــلــــــــــــه
قلتها عن لابتك غمرٍ وشايـــــــــــــــــب
نحَسب الأيام ونعد الأهلِـــــــــــــــــــــه
الغلا والطيب من ربي وهايـــــــــــــــب
والله اعطاك الغلا والطيب كلــــــــــــه
حاظرٍ في قلوبنا لو كنت غايــــــــــــــب
هكذا طبع الكِرام بكل ملْـــــــــــــــــــه
عند وجهك تصغر كبار المصــــــــايب
كل عقدٍ في يدك ياشيخ حلـــــــــــــــه
كم يتيمٍٍ جاك ودموعه سكايـــــــــــــب
في طرف بيتك سكن وانزاح حِملـــه
وكم سجينٍ حملوه من الطلايـــــــــب
أنتخى بك وأنتشلته من محلــــــــــه
منهو الي مثلك يفك النشايــــــــــــب
لا قبسنا والفِتر خطوات عِلــــــــــــه
ياسلايل من خذى العٌليا غصايـــــــب
سطر التاريخ فعله في سجلْـــــــــــه
ايتجلد من على ظهور النجايــــــــــب
لين شيد في الطويله منزلٍٍ لــــــــــه
خلفه فهودٍ يبوجون الزرايـــــــــــــب
المراجل والوفا فيهم جِبـــــــــــــــلْه
لانتخوا بأسماء حسينات الذوايــــــب
هدة فهودٍ على الصيده مغِلــــــــــــه
يــِرخصون العمر في سوق الجلايب
من قرأ التاريخ يقنع بالأدـــــــــــــله
كل ماضيهم وحاظرهم عجايـــــــــب
أعتلوا فوق النجوم الي مطِلـــــــه
ينهبون المجد من عرشه نهايـــــب
طفلهم كسب المعالي عادةٍ لـــــــــه
عاش من عينه على كل القرايــــب
في محله للنشاما كل فلْـــــــــــــــه
مرحبا عن لابتك والكيف طايــــــب
وسط روضٍ لابسٍ من كٌل حٌلـــــه


الشاعر:ذيب أبن راشد ال ذيب

[أبن الشدقاء]

صح لسان الشاعر ذيب بن راشد ويستاهل المدح أبو مانع

والشيخ منصور بن ما نع بن جمعة يحفظه الله يستاهل المدح وكثر

ويا ليت يثبت الموضوع . ومشكور على النقل .

[(عـ ـديـ ـل الـ ـروحـ ـ)]

يامرحبا بكـ ابن الشدقااا

والله لايهينك علي مروركـ وتواجدكـ الكريم

واما بالنسبه للتثبيت فأمره راجع لشباب المراقبين والاداره


تحيااااااتي

[عاشق العليا]

صح اللسان ابن الذيب
وقصيدةكفو
من شاعرٍ كفو
في شيخٍ كفو
والشيخ منصور ابن جمعه علمه غانم ويرفع الراس
ولاهنت ياعديل الروح
على المطروح
اللي بالطيب يفوح
ومثل البروق يلوح

[(عـ ـديـ ـل الـ ـروحـ ـ)]

ارحب ياعاشق العلياا
منور ولاهنت علي مرورك الكريم

تحياااااتي