لابتي مرية من سلايل صلب يام=مسندي في ساعة الضيق لا بار العميل

[سقام]

عقب ذكر الله باثني التحيه والسلام=عد ما ينشي من النو همال المخيل
السلام نقدمه للكرام ابن الكرام=كاسبين المدح والطيب والمجنا الاصيل
هل بيوت من نزل في حماها ما يضام=تنفع المضهود ومنجي فيها الدخيل
لا يداس لهم كرامه ولا يوخذ جهام=ما يهج لهم ضعينه الا طار الشليل
لابتي مرية من سلايل صلب يام=مسندي في ساعة الضيق لا بار العميل
ضربهم في قمة الراس وجلال العظام=يوم ركب العصر الاول على هجن وخيل
لالتقى جمع بجمع وجا يوم الزحام=فازهم اللي فالملاقى يجرون الذليل
في نحاهم كم عدو عليه الطير حام=بالرماح والخنجر والسيف الصقيل
ساعة بالعز تسوى لها خمسين عام=وعيشة في موقف الذل ما لها زبيل
من وقف في موقف العز جاتبه العلام=يرتفع شانه وينقاد بالسلك الجليل
الشجاعه عز والذل ما يبني سنام=جعل نفس تتبع الهون للسقم الطويل

الشاعر : عامر بن حمد بن نوطان المري

[عبدالله آل عامر]

صح لسان قايلها وناقلها
ونعم ياعيال العم صلب يـــام
تحياتي لك ياسقام

[ضيدان بن مترك]

مشاركة...... لابتي مرية من سلايل صلب يام##مسندي في ساعة الضيق لا بار العميل]]]]]]]]]
الشجاعه عز والذل مـا يبنـي سنـام ##جعل نفس تتبع الهون للسقم الطويـل

ألأخ..سقام....
لأهنت ونستنا الله يونسك يابن العم.......عزالله قول وفعل.........

[بنت ابيها]

والنـــعم بآل مــره ويستاهــلون كــل خيــر ...

وصــح لســان شاعرها وتســلم يمينك اخي: سقــام على نقــل ذا القصيده الطيبــه
والله يعطيك العافيــه..

[فيصل أل هتلان]

لابتي مرية من سلايـل صلـب يـام -- مسندي في ساعة الضيق لا بار العميل
ضربهم في قمة الراس وجلال العظـام -- يوم ركب العصر الاول على هجن وخيل


كفــو كفـــو والله .

تسلم سقام على ذا النقل .. وصح لسان شاعرها

[عنـَـاد]

كفووو والله بآل مرة صلب يام

ولاهنت والله وال مرة معرووفين حتى عند لابتهم يام

ومثل ماهو معروف عن ال مرة انهم طحاطيح يام

ولاهنت اخووي

[البدوي]

والله وسبعين نعم بال مره بنى عمنا صلب يام

[شامان بوحدين المري اليامي]

ماعليكم زود يالربع وفعولهم من فعولكم يايام وأشكر سقام على القصيدة الجزلة لبن نوطان ولاهنت ياوجه سلمان

[البدوي]

والله وسبعين نعم بال مره بنى عمنا يكفى ان شامان منهم

[شامان بوحدين المري اليامي]

ماعليك زود يالبدوي وما أنا الا عود من جيز حزمة أنت من جيزها يامحزمي.