كفـــــــــــــــــاح مهندس ...

[القرناسة]

لووووووول اميره

شفيج يمه ~_^

لايكوون صكيناج عين

كملي ،،

[أميرة الإحساس]

أسفه صار خلل فني من دون قصد ..

نكمل ..


ابو محمد :: شهالدرجات ! .. ليش جذي !! .. وين إلي بيدرس وشدحيله ! .. هذي هندسة مو لعب يا ولدي ! .. شووف ربعك ويين وصولو ! .. وشووف إنت ويينوصلت ! .. باجر كلهم بيتخرجون ويشتغلوون .. وانت لحد الحيين مجابل كتبك ! ..

محمد :: يبه .. شدييت حيلي ودرست ! بس شسوي الأمتحانات كانت صعبة ! ..

:: يعني ربعك إلي خلصو احسن منك! ..

محمد :: مو سالفة احسن مني .. ماني قادر اتحمل الكلية ! انا مو متعود اقعد اجابل كتب 24 ساعة ! ..

:: كيفيك سو إلي تبي هذا مستقبلك وانت حر فيه ! ..

ليش جذي قاعد إصيرلي .. استغفر الله رب العظيم .. كل شي قاعد اسوي غلط ! ..

محمد :: الوو فلان ..
:: هلا والله ..
محمد :: ها وينك ..
:: موجود عسى ماشر ..
محمد :: لا بس بغيت آخذ رايك بشغله ..
:: شنو خير ؟
محمد :: خلاص قررت باخذ مواد علوم إدارية ..
:: زييييين .. وأخيرا اقتنعت ..
محمد :: قولي شنو المواد إلي لازم آخذها عشان احول ؟؟ ..

سجل اول كورس مادتين علوم اداريه .. بس المشكله إنه لازم يرفع معدله ..
ومعدله على حسب درجاته وايد نازل تقريبا 1.3 ! .. هممم .. بينه وبين نفسه ..

ليش جذي قاعد اسوي بنفسي .. الكل عنده طمووح إلى انا ! ..
الكل عنده اهداف إلا انا ! .. ليش الكل عارف شقاعد يسوي ..
وانا ضايع مادري ويين ارووح ... يارب مالي غيرك ادعوه .. ولا لي غيرك ارجوه ..
يارب انت الوحيد إلي تدري بحالتي .. يارب إنت الوحيد إلي تقدر تساعدني ..
يارب ساعدني على اختيار طريجي وكون معاي .. يارب توكلت عليك وما خاب من توكل عليك ..

ثاني يوم ..

محمد :: يمه .. خلاص قررت ! ..
:: شنو قررت ؟ ..
محمد :: بكمل بالهندسة ! ..
:: الحمدالله .. والعلوم الإداريه ..
محمد :: خلاص غيرت موادي الكورس الأول ماراح آخذ مواد علوم ادارية .. وخذيت مواد العلوم ..
راح ابتدي هل مره دربي .. وابييج يمه تدعيلي .. إنه الله يوفقني ..
:: موفق يمه .. وعساالله يسهل دربك ..
:: محمد ! .. شهالحجي مو قلت بتحول ..
محمد :: بس خلاص هونت بكمل بالكلية ! ..
:: شلي غيرك فجأة .. ترى مو زيين كل شوي مغير رايك ! ..
محمد :: هذا آخر قرار .. وراح اتحمل مسؤوليته بنفسي ! ..

اول شي سواه عشان يبتدي صحمن جديد قام وعدل بخطته القديمه ..
وسوى له Back Up حقها .. يعني إذا صار له بهالكورس لاقدر الله جذي ..
شنو راح يسوي في الكورس الي بعده !.. ودعم الخطة مالته بهدف واضح ..
حطه جدامه .. إنه يتخرج من كلية الهندسة والبترول ! بهلوقت .. بالتحديد 2006 ! ..
وماراح يغير التاريخ .. وقمت أقسم السنين .. وكل سنةعطيتها مرحله من حياتي ..
وكل مرحلة سميتها بإسم .. أول سنتين ضاعو منه حطهمبمرحلة ..
و سماها استراحت المحارب !! ..
عشان إذا تذكرهم لا يتحسف ..
ولايحس باحباط في المستقبل ...
وثالث سنة سماها مرحلهالأنتفاضة !! .. لأنها راح تكون انتفاضة بالدراسة ! ..
لازم يشد حيله كثر ما يقدر .. يغير طريقة دراسته .. ويواصل لين النهاية ..!
والسنه الرابعة عطيتها سماها مرحلة .. الإصرار ! .. راح يصر على رايه مهما يصيير ..
سقط .. نجح .. زفت .. !! تخرج يعني يتخرج !! ! السنة الخامسة سماها مرحلة الأنجاز ! ..
راح ينجز الهدف إلي حطه في باله ..
ومع آخر سنة .. نبدأ قصة الكفاح ..

أول يوم بالكورس الأول ..

عاد فيزيا 1 لأنه سقط فيها و ماخذ كالكلس B وانجليزي .. وجم مادة اختياري ..

مرت لأيام .. ودخلنا بأول مدتيرم ..

:: بشرني شلون الدراسه ..

محمد :: الحمد الله .. إدعي لي بس انت ..

:: الله يوفقك يامعود ! .. عرفت حل المسألة لفلانية ترى وايد مهمه ! ..

محمد :: إي فلان ماقصر عطاني ال آيدل سليوشن حق كل المسائل ..
وحليتهم كلهم الحمد الله ! ..

:: زيين الله يوفقك يا رب ..

الدكتور :: يا شباب .. راح اوزع عليكم الامتحان .. اقرو كل المسائل اول شي ..
وحاولو تجاوبون على إلي تعرفونه .. بعدين ردو حق المسائل إلي خليتوها ..

بسم الله الرحمن الرحيم .. اللهملا سهل إلا ماجعلته سهلا وأنت تجعل الحزن إن شئت سهلا ..

مرت ساعة ونص ..

الحمدالله حلييت 7 مسائل باجيلي ثلاث ..

الدكتور :: شباب نص ساعة وراح آخذ لوراق ..

يارب .. يارب .. ابلش بهذي .. هممم .. إيي ذكرت القانون ! .. باجيلي ثنتيين ! ..

شلون تنحل هذي .. همممم ..

الدكتور :: باجي من الوقت 10 دقايق !! ..

OK ذكرت جذي تنحل عدل ! ..

آخر مسأله .. كتبت القانون ! ..

الدكتور :: خلص الوقت ! عاطوني اوراقكم ..

:: ها بشر ؟؟ ..

محمد :: الحمدالله سوييت إلي علي والباجي على الله ..

مر جم يوم وصار وقت توزيع درجات الامتحان ..

محمد كان حده مرتبك مع انه حال زين

الدكتور :: محمد .. تفضل ورقتك ..


>>للقصة بقية

[عبدالله آل عامر]

<<<< عساه ينجح ويتخرّج ويفرّح أهله <<< حدّه أندمج مع القصة
:
واصلي أختي اميرة
:

[أميرة الإحساس]

بسم الله الرحمن الرحيم

:: ياشباب كل واحد يشوف درجته .. ويريد لي ورقته ..

محمد كان مرتبك مع أنه حال زيين بس هم خايف ! ..

:: محمد .. هاك .. !! ...

يسسس !! .. الحمدالله أخذت 17 من 20 !! ..

وتمر لأيام .. والدراسة مستمرة .. والأنتفاضة مستمرة .. والمعنويات عالية ..

:: شرايك باجر انروح المكتبة ندرس حق امتحان الفاينل مال الكالكلس ..

محمد :: Ok .. شوف انا ادرس جابتر وانت جابتر ..

وكل واحد يشرح حق الثاني بعديين ..

وتمر الأيام .. وندخل بامتحانات الفاينل ..

وتعدي الامتحانات على خير ..

وصار وقت الدرجات ..

محمد :: الو يبه .. الحمد الله طلعت النتايج ..

:: ها بشر ؟؟

محمد :: الحمدالله رفعت معدلي ! ..

:: مبرووك ! شلون درجاتك ..

محمد :: الفيزيا B الكالكس ماسوييت في زيين أخذت D

:: ليش يبه ماسوييت زيين ..

محمد :: لأني يبه ركزت عالفيزيا وايد ..

وكانت ماخذه أغلب وقتي .. وباقي المواد الحمد لله زين ..

:: شد حييلك يبه بكل المواد لاتخلي معدلك ينزل .. جم وصل معدلك الحين ؟

محمد :: 1.6 ! ..

:: وايد نازل !

محمد :: إي ادري .. انشاالله بالكورسات الجايه يرتفع ..

:: متى راح اتخصص انشاالله .. ؟

محمد :: بالصيفي إذا الله سهل ..

:: الله يوفقك ..

بعدها بجم يوم ..

:: الو محمد الفلاني ..

محمد :: إي نعم ..

:: معاك عمادة الهندسة .. بس حبينا انبلغك انه نزلك انذار اول معدل .. و راح يكون مرشدك دكتور فلان ..

عشان يتابع وياك الموضوع .. يرييت تمره بأقرب وقت

محمد :: انشاالله ..

عند المرشد ..

محمد :: السلام عليكم ..

:: وعليكم السلام .. حياك تفضل استريح

محمد ::معاك محمد الفلاني ..

:: إيه ونعم .. عندك انذار معدل عدل ..

محمد :: إيه عدل ..

:: إيي كاهو اسمك .. همممم .. انت كنت موقف قيدك ؟ ..

محمد :: لأ كنت ساحب اوراقي عشان اكمل بره ..

ورديت مره ثانية الجامعة ..

:: اها .. طيب عندك خبر انه بالهندسة نعطي ثلاث انذارات .. وبعدين فصل من الكلية ؟

محمد :: إي عندي خبر ..

:: درجاتك ماتبشر بخير ..!

محمد :: ادري ..

:: شبتسوي ؟ ..

محمد :: بسوي إلي علي والباجي على الله ..

:: ناوي تشد حيلك ؟ ..يعني راح ترفع معدلك الكورس الجاي ؟

محمد :: باذن الله ..

:: شنو ناوي تسجل الكورس الجاي ..

محمد :: الاكيد فيزيا 2 عشان اتخصص وبسجل مواد من الهندسة ..

:: موفق إنشالله .. و شد حييلك ..

(بعد ثلاث سنوات .. سنة 2003) ..




للقصه بقية ..

[القرناسة]

يعطيج العافيه

انا اقترح تسمين القصه كفاح عبدالله العامر وقرناسه خخخخخخخخخخخخخخخ

متابعين بذمه وضمير

[m!ss-83]

السلام عليكم

اسموحو لي اكمل لكم باقي اجزاء القصه لان أميرة الإحساس مشغولة شوي بدراستها هاليومين

وما حبت تعلقكم فأرسلت لي القصة وأنا بنزلها لكم إنشالله

(بعد ثلاث سنوات .. سنة 2003) ..

:: صراحة إلي سوييته إنجاز ! ..
محمد :: الحمد الله رب العالمين هذا كله بفضل الله ..
:: بس تكفا قولي شلون سويتها !! .. يعني شي مايتصدق ! ..
محمد :: ليش مايتصدق .. أنا إذا حطيت في بالي شي أسويه أسويه ! ..
:: ماشاالله علييك ! .. تدري إنه فلان طلع من الكليه..!

(هذا كان واحد من ربعه إلي سابقينه بالمواد)..

محمد :: لا والله لييش ! ..
:: ماقدر يتحمل ونزله انذار ثالث بعد ! ..
محمد :: عاد كان شاد حيله وسابقني بوايد مواد ! ..
:: إيي ادري الله يعينه..
محمد :: الله يعين الجميع ..

(نرجع حق وقتنا .. سنة 2001) ..

:: محمد محمد !! ..
(دخل غرفته وسكر الباب) ..

:: بطل الباب يمه ! شفييك ؟! ..
محمد :: يمه عفيا اكلمج بعدين .. مالي خلق احد الحين ! ..
:: شسوييت بامتحانك ..
محمد :: زيين زيين ..
:: الله يوفجك ياوليدي ..
محمد :: وهو قاعد بغرفته ضايق خلقه ..
بطل النوت إلي كاتب فيها خطته ! .. يبي يشوف
إذا سقط بالفيزيا 2 هل كورس شراح يسوي ..
متى راح يتخصص ! .. ومتى راح يتخرج ! ..
يوم شاف الخطة لقى انه إذا سقط بالفيزيا2 ماراح يقدر يتخصص ..

وراح يتأخر سنه كامله .. يعني 2007 !! ..
وطبعا بالخطة المفروض إنه يتخرج 2006 ! ..


(ويمر جم يوم .. (بكلاس الفيزيا

.. Brothers today i will give you your exam .. honestly i was shocked the average was very low !! although the exma

was easy But you didn't do well ..

:: شكلنا كلنا تحت الآفرج ..

محمد :: فال الله ولا فالك .. !

نادى إسمه الدكتور .. وأول ماعطى لورقه قاله انت ماسوييت زيين ابيك بعد المحاضره !! ..

اول ماشاف ورقته ولا ماخذ 5 من 20 ..

(بعد ساعتين .. عقب ماكلمه الدكتور) ..

:: ها شقالك الدكتور ! ..
محمد :: نفس الحجي إلي قالك إياه ! .. انه لازم اتشد حيلك واذا ستمريت جذي راح تاخذ F .. ! شكلها ماراح تعدي على خيير هالماده ..
:: طاف زيين !!..
محمد :: الحيين هذاوانا شاد حييلي ودارس أخذت هالدرجة !
لا وهالامتحان اسهل من الامتحان الثاني !
اجل جم باخذ بالثاني .. تدري شلون بالطقاق خلاص ماني دارس !! ..

(ويمر يومين) .. (بالسياره راد البيت) .. (مشغل الراديو) ..

(.. إن الصبر هو مفتاح الفرج .. وهوصفة من صفات الأنبياء والمرسلين ..
انظر إلي نبي الله أيوب وصبره على مرضه اذ قال (ربي إني قد مسيني الضر
وانت ارحم الراحمين) .. وانظر إلى الرسول صلى الله علي وسلم وصبره على الكفار ..
بل إنظر إلى الناجحين واستمع إلى قصصهم .. سوف ترى ان الصبر لابد ان يكون سمه من سماتهم ..
ضاقت فلما استحكمت حلاقتها فرجت وكنت اظنها لاتفرجو) ..

قعد يفكر بالكلام إلي اسمعه .. قام وحط هل الشعار هذا في باله ..

(ضاقت فلما استحكمت حلقاتها فرجت وكنت اظنها لاتفرجو) ..!

وتمر الأيام .. ويقعد يشد حييله ويدرس زياده حق امتحانات السكند مدتيرم ..

بس هم ماكو فايده .. أخذ 7 من 24

قرب امتحان الفاينل ..

:: الو .. محمد شلونك الحين ؟ ..
محمد :: الحمدالله ماشي الحال ..
:: راح تدرس حق الفاينل ؟ ولا بتاخذ FA ؟؟ ..
محمد :: مادري بروح اكلم الدكتور بشوف إذا في أمل إني انجح ..


عند مكتب الدكتور

محمد :: dector this is my situation .. i need to pass this course to choose my major

:: hmmm .. am sorry you didn't do well in your midterm's and am afraid that you will not gunna pass this course .. unless you get full mark in the final exam or 48 out of 50 !! ..

:: من صجه هالدكتور !! يبييك تاخذ فل ماركبالفاينل عشان تنجح او 48 !!
انسى الموضووع !! .. جنه قاعد يقولك إغسل إيدك ..
شراح تسوي الحيين ؟؟ ..

محمد :: راح أقدم الأمتحان ..إيه راح اقدم الأمتحان

وللكفاح بقية

[القرناسة]

الله يوفق اميره باختباراتها

مــس
تسلمين ماقصرتي
وخليج معانا ع الخط

[فهيد الكفيف]

:: hmmm .. am sorry you didn't do well in your midterm's and am afraid that you will not gunna pass this course .. unless you get full mark in the final exam or 48 out of 50




حاله مرت علي والحمد لله قدرنا عليها

متابع

[m!ss-83]

بسم الله الرحمن الرحيم

قبل لايبتدي الأمتحان ب10 ايام

اول يوم

محمد :: يمه انا رايح المكتبة تبين شي ..

:: لا يا وليدي ابي سلامتك .. دربالك على نفسك وشد حيلك يمه ..
لا تخلي اليأس يتملكك ..

في المكتبة

:: شكلك حدك تعبان ! ..
محمد :: يعني شرايك .. جاي المكتبة ادرس حق مادة نسبة نجاحي فيها 0.001% ! ..
:: اخذ FA وعيدها بالصيفي ! ..
محمد :: تدري إذا عدتها راح اتأخر جم كورس ! ..
:: جم ؟ ..
محمد :: كورسين ! .. وراح ينزلي انذار ثاني ! ..
:: هممم .. مستحيل راح تنجح محد ياخذ فل مارك بهل امتحان او 48 !
محمد :: نزيين شرايك انبلش دراسة عشان لانضيع وقت

وبعد ساعات جاهم ال security :: ياالله ياشباب حنأفل ! ..

( ثاني يوم ) ..

راح حق دكتور الفيزيا بيسأله جم سؤال

:: tell me please how can i help you ??

محمد :: i just wanna ask about some questions

:: yeah sure sure .. but first can you remind me about your name ?

محمد :: Mohammad my name is Mohammad ..

(ثالث يوم) (رابع يوم) (خامس يوم((سادس يوم) .. الدراسة مستمره .. (سابع يوم) .. ابي الآيدل سليوشن مال آخر ثلث جباتر .. (ثامنيوم) .. الو فلان دامك منت مقدم الامتحان عطني النوت مالك إلي كنت تكتب فيه معالدكتور .. (تاسع يوم) .. وتستمر الدراااااسة ..

عاشر يوم .. يوم الأمتحان !

... Every one should have space between him
and his Brother ! .. No questions in the first 15 mints .. No one talk to any one ! .. Read the questions first ! .. You can start now ... and Best wishes !

محمد ::شهالأسئلة ! .. اوف ماني عارف احل ولا شي ! .. اول سؤال طاف .. ثاني سؤال طاف .. ثالث .. رابع .. ليي نهاية الأسئلة

الدكتور :: !! Mohammad You didn't Do well in the exam
You Get F ..
Your Grade is F !

:: محمد .. محمد .. يالله قوم يمه وراك امتحان .. يالله يمه قووم بسك نووم

قام مخترع ..

محمد :: اوف !!! الساعة جم !!! .. الساعةسبع ونص يمه مابقى شي على امتحانك ... اعوذ بالله من الشيطان الرجيم .. حلمت حلم يضيق الخلق ! ..

:: انفث على يسارك ثلاث وتعوذ من الشيطان يمه ..

محمد :: بقولج شي يمه .. مالي خلق اروح امتحن ..

:: ليش شفييك !! ...

محمد :: مادري احس ماراح اسوي زيين ! ..

:: شلي يخلييك تقوول جذي ؟ ..

محمد :: يمه بالعقل اول مدتيرم شديت حييلي ودعييت ربي ويبت 5 من 20 ! ..

وثاني مدتيرم شدييت حييلي ودعيت ربي ويبت 7 من 24 !! ..

اجل الفاينل جم باخذ ! ..

:: استغفر ربك ياوليدي .. انت سوييت إلي علييك وبذلت السبب ..

وهذي حكمت ربك .. الله يكتب حق عبده النجاح والله يكتب حق عبده السقوط ..

ان كان كاتب لك النجاح راح تنجح .. لو شيصير محد راح يقدر يوقف قبال طريجك .. ربك له حكمه دايمن .. ويمكن يبي يختبر صبرك .. وثق تماما انك مارح تضييع دامك مع ربك

(باقي 10 دقايق على إمتحان .. بالطريج رايح الجامعة) ...

.. (دش قاعة الأمتحان) ..

Mohammad ! come site here ..

.. This is your exam .. read the questions very well .. if you need any thing ask me ..

(بقلبه) .. شفيه الدكتور صاير طيب ..

بسم الله الرحمن الرحيم ..

يارب توفقني ويكون لأمتحان سهل

.. اللهم لاسهل إلا ماجعلته سهلا وانت تجعل الحزن إن شئت سهلا ..

وهذا إسمنا كتبنا .. اول سؤال .. حله .. ثاني سؤال .. هم حله .. ثالث سؤال .. هممم .. اخليه حق آخر شي .. رابع سؤال حله .. خامس .. سادس .. ليي آخر لأمتحان ماخله ولا سؤال كل الأسئلةحلها ! .. يقول اول مره أحل امتحان فيزيا وانا واثق من الحل .. لا وراجعت بعد

dector i finish ..

Really ! .. You still have 10 mints ..

its ok i dont need it ..

شهالثقه ...

:: الوووو !! ..

محمد :: الحمدالله الحمدالله ! احس حليت زيين ..

:: صج ! .. شلون كان مستوى الأمتحان ؟؟ ..

محمد :: الحمدالله مستوى كان زيين مو صعب وايد ! ..

:: زيين الحمدالله .. ها اقوول ناجح ! ...

محمد :: لأ انطر خل تطلع النتيجة !! ..

:: انشاالله ناجح ! ..

(بيوم النتيجة) ...

محمد :: يارب يارب يارب ...

:: قاعد تحاتي ..

محمد :: إيي والله مالي خلق اعيدها .. ولا لي خلق اتأخر !! ..

:: انزيين انا سابقك بروح اشوفنتيجني ..

محمد :: ok انا شوي والحقك ..

(بعد ربع ساعة) ..

:: الوحمود .. نزلت درجات الفيزيا ..

محمد :: لا والله ! .. بشر !! ..

:: مادري بس الدرجات وايد نازلة مافي احد ياب A ..

محمد :: من صجك ! ..

:: إي والله .. في أثنين بس يايبين A- .. والباجي كلهم تحت بيين ال C و ال D ..

محمد :: في F ؟؟؟ ..

:: إي في .. إنزيين جم رقمك ..

محمد :: بجي انا اشوفها بنفسي

(وصل عند الدرجات) ..

(قاعد يشوف رقمه) ..

:: ها جم ! ..

محمد :: أي شي !!!!!! ..

:: شفيك جم خذت !! ..

محمد :: لحظة لحظة ! ..

:: ترى قمت احاتي اكثر منك جم خذت !!!! ..

محمد :: A- !!!!!

:: نعم .. أنت من صجك؟؟

! >>> وللمفاجآت بقية !!

[m!ss-83]

بسم الله الرحمن الرحيم

محمد :: والله العظيم A- !!!!! ..

:: اي شي شلووون !! ..

محمد :: لا تسألني انا مو مصدق ! ..

:: طلعت انته اجل الطالب إلي قاعدين يقولون عنه ! ..

محمد :: اي طالب ! ..

:: قبل لا تجي كنت قاعد اطالع الدرجات ولا يجي واحد معه رفيجه ..
قاعدين يشوفون الدرجات .. سمعتهم يقولون إنه اثنين بس إلي خذو A- ..
حسينووه (مغيره بو قلييب) .. والثاني واحد كانت درجاته مو زينه بالمدتيرمز بسب الفاينل جاب اعلى درجة ..
وعشان درجته بالفاينل .. لغو درجات المدتيرمز وخذو درجةالفاينل بس ! ..

محمد :: الووو .. يمه باركي ليي !!!! .. A- بالفيزياا !!!! ...

:: ربي لك الحمد !! .. الحمد الله رب العالمين .. قتلك ياوليدي الله ماراح يضيع تعبك .. دامك بذلت السبب وتوكلت علييه ! ..

رجع البيت وصلى ركعتين شكر وحمد ربه على هالنتيجة إلي صج ماكان يتوقعها ! ..
كان بس يبي ينجح ..

ومع نهايه السنه الثانية ..

نطوي المرحلة الثانية وهي (الأنتفاضة) ..

وندخل بكفاح جديد ومرحلة جديده !

سافرت في بحر الحياة ولم ازل رغم العناء بأول الإبحار

ومضيت في عمق المدى متجلدا

وبخاطري شوق إلى الأسفار
ونظرت في الأفق البعيد فلم ارى إلا غيوما غلفت انظاري
وبمسمعي صمت كئيب صوته والصمت يسبق ثورة الأعصار
لكنني قررت خوض غمارهِ
اطوي الصعاب بعزة وفخارِ
فجعلت من شرع الإله سفينتي
وجعلت اشرعتي هدى المختاري ..

المرحلةالثالثة (الأصرار) ..

وهي الأصرار على التخرج بنفس الوقت إلي كان موجود في الخطة (صيف 2006 ) ..

لو شنو يصير .. لازم يعني لازم ! ..

(سنة 2002-2003) ..

:: هاا عالبركه !! .. يقولون تخصصت ! ..

محمد :: إيي الحمدالله ..
:: عاد مالقيت إلا هل تخصص ! .. حده صعب ! ..
محمد :: صراحة كنت محتار بين الميكانك والكيميا والكهربا ! ..

استخرت وآخر شي قررت ادش كهربا ! ..

:: الله يعينك ! .. يبيله مجابل هل تخصص .. ودكاترتهم مايبيعون برد ! ..
إلي مايشد حيله OUT ! ..

محمد :: لا توصي حريص ! .. إلي قدر يطلع من مواد العلوم .. راح يقدر يطلع من مواد الهندسه ! ..

وتمر الأيام .. وصاحبنا ماشي بمواد الهندسة إلا ...

محمد :: شالمادة إلي ماني فاهم فيها شي !! .. شكو ناخذها مادري !! ..
ستاتك وما ادراك ما الستاتك ! ..

( الستاتك = مادة مليغه من القسم المدني ما أدري عن شنو للحين ما اخذتها بس يقولون مو حلوه )

:: قلنا لك حمود لا تاخذها هل كورس .. بس عنادك ! ..

محمد :: ودي اعرف شالعلاقة الكهربا بالماده ؟ .. هل مثلا راح اخترع
إلكترك سيركت حق طابوقه عشان اتحكم فيها ريموووتلي ! ..

:: خل تعدي هل ماده على خير .. بعدين تحلطم على كيفك ! ..

مرت الايام .. ونوصل حق امتحانات الفاينل لهالكورس..

محمد ::هل ماده شكلها راح تجنني ! .. اكو واحد ياخذ صفر بمدتيرم !!! ..

ويين صارت هذي !! .. والمدتيرم الثاني ماخذ 50 من 100 ! ..

:: ترا حدك حمود بدعت ! .. شبتسوي بل فاينل ..

محمد ::اي فاينل ! .. مافيها فاينل هذي !! ..

:: شنو منت مقدم !! ..

محمد :: مادري مادري لا تسألني الحين لأني مو مركز معاك ! ..

:: شقاعد تفكر فيه ! ..

محمد :: قاعد افكر بالطامه إلي انا فيها ! .. يعني كل ما أخلص كورس وقول خلاص افتكييت من المواد إلي راح تأذيني ..

تطلع لي مواد ثانية ! ..

:: معدلك جم صار الحين ؟ ..

محمد :: الحمدالله رفعته ليي ال 2 وشلت الأنذار ..

بس إذا سقطت بهل مادة راح ينزل معدلي مره ثانية ! ..

وينزلي انذار !..

:: شل حل الحين؟ ..

محمد :: ماكو حل الحين .. بفكر شراح اسوي بعديين اقرر ! ..

(يوم لأمتحان) ..

:: ويين حموود ؟؟ ..

:: مادري قاعد ادق عليه مو قاعد يرد ..

:: شفيه تأخر ما بقى شي على الامتحان ويبلش ..

:: دق عليه مره ثانية اخاف راحت عليه نومة ! ..

:: دقييت هم مايرد

!! >> للأصرار بقية