الي كل من ضاقت به الوسيعه ..مصافحتي الاولى

[راكان بن فيصل الحثلين]

صبحكم الله بلخير.؟



بذور الصبر
لاصار حظـك تالـي الوقـت معـوج
اضرب مثل لنفـس وادمـح كدرّهـا

ذا وقتنا طبعـه كمـا ثـورة المـوج
يهدم قصور الوقـت نفسـه عمرّهـا

حل البعض في قوله الضيق مفـروج
والبعض الاخـر ضيقتـه ماقهرّهـا

اخمد لهيب اليـاس ياصـاح بثلـوج
وازرع بذور الصبـر تجنـي ثمرّهـا

رمضى وقـحـط(ن) يتبعه روض ومروج
بامر الذي قد قـال ((كُن))يامطرّهـا

اطلق لجام الفكـر لاطـال مسـروج
وصب الـدلال الـي تهيـض زفرّهـا

عان الذي صبره يقسّـم علـى فـوج
يصبر ثلاث عقود محـد(ن) صبرّهـا

يصبح وضيـم بداخـل هـم مـدورج
ايوب وعبـره مـن سبقنـا ذكرّهـا

ولا التـي تحمـل جنيـنً بـلا زوج
ينفـخ بهـا والـروح ربـي امرّهـا

عان ولا مدت يد الضعـف والحـوج
ومصدقـه بايـات منهـو ستـرّهـا

ماضرها هرج الجهـل شلـه علـوج
قـد خلـد القـران قصـه خبـرّهـا

ارفع كفوفك لاغدى القلـب مطعـوج
وادعه تعالى يقشـع الـي عسرّهـا

دام الزمن رحله بها دخـول وخـروج
لاتحـرم الـروح العزيـزه اجـرّهـا

[ضيدان بن مترك]

الي كل من ضاقت به الوسيعه ..مصافحتي الاولى ]]]]]]]]]]]]]]]]]]]]]]]]]]]]]]]]]]]]
ألأخ..فارس العجمان..
مشكوووووووووووور.الله يوفقكم وصح السانك بارك الله فيكم امييييييييييييييييييييييييين.

[محمد الشامري]

صح لسانك يافارس العجمان

وصحت يمناك

خاطره جميله لاهنت عليها

[راكان بن فيصل الحثلين]

الاخ...محمد الشامري..؟؟
صح بدنك وصح بدن الشاعر المرزوقي على ذالقصيده
ولاهنت على المرور يامحمد الشامري

[ملكعه بس غير]

ابداع يافارس تسلم على نقله

[الوافـي]

لاهنت على النقل يا فارس

والله يعطيك العافيه

تـحياتـي لك اخي الكريم

[مو شغلكم]

يسلموووووووووووووو..
تقبل مرورررري..

[ابوراشد]

صح لسانك يافارس العجمان وتسلم على القصيده الطيبه

[غرور]

دام الزمن رحله بها دخـول وخـروج
لاتحـرم الـروح العزيـزه اجـرّهـا

صح لسانك ولا هنت

[ظـبـي الـسـلآطين]

ارفع كفوفك لاغدى القلب مطعووج
وادعه تعالى يقشع الي عسرها

اي والله صدقت
ولااهنت
صح لساااااانك