مرثية نظمتها من القلب في أبناء أستاذي الفاضل عبدالرحمن السويح كتابه وصــوتـاً

[خالد بن محمد المحفوظ]

بسم الله الرحمن الرحيم

السلام عليكم ورحمة الله وبركاته

أدهشني الحادث والموقف أمامي وكانوا أعزاء على قلبي وكان برفقتني أبناء عمهم

واصابتنا الدهشه وأرهبنا الموقف ولكن حمدنا الله وشكرناه

فالبكاء والحزن لا يمنع المكتوب وكله بقضاء الله وقدره سبحانه وتعالى

تعلمنا أن الدعاء أفضل وسيله للميت رحمهم الله وغفر لهم

نظمت القصيدة وكان مقصدي من نظمها أن كل من يسمعها أن يدعي لهم بالرحمه والمغفره

والنجاة من النار ويثبتهم يوم السؤال على الإجابة السديده وأن ينجيهم من عذاب القبر وعذاب في النار

وجميع من يرى ويشاهد

وإليكم القصيدة كتابة ً

الموقف اللي شـل قلبي من اقــصاه= ثلاثة أخـوان ٍ بلحظه يـمــــوتـون
قــدام عـيـنـي شـفـتـهـم ثـم قـلـت آه = والناس وقفوا جنبهم حيل يبـكـون
أولاد شيـخ ٍ عــالي ٍ في مــزايــــاه = الكل يشهد له على الطيب والعون
راحوا حـشـاشة جوفـه بيوم ماقساه= تالي نهار الأربعاء قـبل يـمسـون
عبدالله أكبرهم تـرى الموت لاقـــاه = الله يغــفـر لـه خــطـايـاه بالـهـون
واخوانه انـتـثـروا يمــينه ويســراه =وانقبضت ارواح ٍعلى الخير يسعـون
يرحمك يا عـبـدالله الـلي فـقــدنــــاه=وعـساك تسقى من جنان ٍبها امزون
يـبـكـيـك مسجد فــاقدك في مـصلاه=وتبكـيـك سجـاده ويبكيـك مأذون
ويبـكيـك شـيخ ٍ مـعـتدل في سـواياه=وجماعتك واللي وراكم يـصـلـون
وعـبـد الـسـلام اللي جـمـيـلـه مخـاواه= روح وقـفـى مـع عــبـاد ٍ يــقـفــون
بـطــاقــتـه فــي يـــد واحـد بـيـمــنـــاه= يومي لمحته أصبح القلب مـحـزون
وعبد اللطيف اللي صـغــيـر ٍبـمـبــداه =أقـفـى مع أخوانه لـقبر ٍ يــروحـون
الحزن عم سدير داخـــــل قــرايــاه =والكل صار اليوم ياناس مطعون
ظهر الخميس بحوطة سدير ويــلاه =صـلـو عليـهم ثم راحـو ويمشون
وتـوجهـوا للروضه بضـيـق ممشـاه=والكل تحت القبر هو صار مدفون
يا الله تجزى من تصـبّر عــلــى داه= بنيان بالجنه وهو خير ما يـكـون
فـقـد الثلاثه جـرح لا شك ما اقـــواه=وابـوهم اللي سكـّت اللي ينوحون
الله يقـبل كل دعــاويك بــرضــــــاه= ويسمح دروبك ويعطيك مخزون
مـخـزون كـله خــيــر مـا حد يـقـواه=فـيه الثواب اللي ينجي بها الكون
وينجيـك من نــارٍ تـلاهـب شــظـايـاه= ويسقيك من كاس ٍ له الكل يبغون
ويـسـكـن عــيـالـك دار كـل ِيـتـمـنـاه=مسقوفه بعرش الله اللي يعبدون
والله يصبر من على الطيب مــبـــداه =الوالده أللي لهم خيـر محــنــون
وصـلاة ربي عــد ما قــيـل مــــــن آه= على نبي ٍ سيرته خير ما تــكــون

الشاعر: خالد بن محمد المحفوظ.

وإليكم القصيدة بألحان وصوت اخي راشد بن محمد المحفوظ



وللحفظ

اضغط هنا

الهندسه الصوتيه : ناصرالدحوم.

تم نشرالقصيدة في جريدة الرياض يوم الخميس

على رابط

http://www.alriyadh.com/2006/12/07/article207156.html

مع تحياتي

خالد بن محمد المحفوظ.