قصيدة رثاء في صالح فهيد العواد العجمي

[بركان1]

هذه القصيدة قالها العم والوالد مجول بن ريضه العجمي في اخيه صالح فهيد العواد ...ويذكر بعض مناقبه ويذكر اخاه سعد فهيد العواد وآل عواد جميعهم في فقد غاليهم.


.يا كثر سمحاته.. ويا قل عجفاه
الشاعر القدير مجول بن ريضة العجمي.. يرثي بهذه القصيدة المرحوم بإذن الله صالح بن فهيد العواد العجمي.. حيث انه من الرجال الذين لهم سمعتهم وصيتهم الطيب وسط الرجال الذين يعرفونه رحمه الله.. والشاعر مجول بن ريضة شاعر يقدر ربعه وبني عمه ويحزن لحزنهم ويتأثر بفقد الغالي منهم.
وهذه القصيدة توضح موقف ابن ريضه وحزنه على رفيقه الغالي.

شعر: مجول بن ريضة العجمي ومرفقة معاه صورة الوالد مجول.

الله مـن علـم فجعنـا سمعـنـاه=علـم سمعنـا زوّد الهـم همّـيـن
مرحوم ياللي تفعل الطيـب يمنـاه=طيبه على الدانـي وللـي بعيديـن
يا الله عسى الجنـة مقـره وملفـاه=عساه في خضر الجنـان وبساتيـن
الواجبـة مـن عادتـه مـا تعـداه=ويقسى مـع القاسـي ولليـن يليـن
لو الآجل يشرى لصالـح شرينـاه= لو كـان يكلفنـا كثيـر الملاييـن
من عادته دايم يرحـب بمـن جـاه=ومن عادته ملفى الرجال الحشيميـن
يا كثر سمحاته ويـا قـل عجفـاه= للصاحب الأقصى وللـي قريبيـن
القلب حن و ون مـن بعـد فرقـاه=وما لوم يا ربـع بفقـده حزينيـن
غصبي علينا اللي حصل ما رضيناه=لكـن بحكـم الله قبلنـا وراضييـن
لا شك حنـا يـا النشامـا فقدنـاه=ونبي نتناسى بس ما حـن بناسيـن
المشكلـه والله لا مــن ذكـرنـاه=وهلت دموع الحزن من حاجر العين
وبعده سعد والربع يمشـون ممشـاه=ربع على كل المراجـل حريصيـن
سعد مكانـه جعلنـا مـا عدمنـاه=مـع العيـال الطيبيـن الوفيـيـن
ربعه هل الطولات والطيب والجـاه=اعمارهم يا جعلهـا تعمـر سنيـن
جاه الذي له وقـت وهـو يتحـداه=من توه وخلفه ومن يسـار ويميـن
الموت لا من حان ما يعـرف أدواه=ودربه ترى واحد ومن دون دربيـن
من وقّف آجله لا حشى مـا تعـداه=لا يزيد به يوم ولا نقـص يوميـن
يا الله يا المطلوب تدمـح خطايـاه=وعساه في الجنة بظـل وحواريـن

تاريخ النشر: الجمعة 25/7/2008

[فهد ال سليمان]

أسال الله ان يتغمد العم فهيد العواد

وان يسكنه الجنه وان يصبر أهله

لاهنت ياخي الفاضل وصح لسان مجول بن ريضه

[بركان1]

لاهنت على المرور اخوي فهد
ولا أراك الله بفقد عزيز.

[فرج بن غليس]

اسل اللة ان يتغمد الفقيد فسيح جناته وصح السان مجول بن ريظه

[سعد بن بصيص ال فنيس]

الله يرحمه ويغفرله

عزالله كلن يحبه الكبير والصغير

جعل مثواه الجنه

تقبل مروووري

[بركان1]

لاهنتم على المرور...اخوي فرج بن غليس, وسعد بن بصيص ال فنيس,جزاكم الله خير ,,,ولا اراكم الله بفقد عزيز ,,,ونشالله اتكون آخر الاحزان.

[محمد الغيثاني]

أسال الله ان يتغمد العم فهيد العواد

وان يسكنه الجنه وان يصبر أهله

لاهنت ياخي الفاضل وصح لسان مجول بن ريضه

[بركان1]

تسلم اخوي محمد الغيثاني ...ولا اراك الله بفقد عزيز ...مشكور على المرور