( لا مانسيت الحب )
=========
ويـنـك حـبيب الروح طـوّل غـيابك *** ابعدت عن دربي وصكيت بابك
شـوفـتـك قـلي لامتى مـستحـيـله *** لا مانـسـيـت الحب دمعي دلـيـله
طارالكرى ما يوم غـمضْت جفوني *** ابـيـت ليـلي في عناي وْشجوني
ماذقـت عـقــبك لـذة الـنـوم لـيـله *** لا مانـسيت الـحـب دمعي دلـيـله
مـتى كفوفك باتـصافح كفـوفي *** ويـزول هـمي ياحبيبي وخوفي
وأسعـد بوصـلك لو دقايق قـلـيـله *** لا مانـسـيت الحـب دمعي دليـله
مـن قـال لـك اني نـسـيـت المـوده *** الشـوق لك يـاخل واصل لحـده
حـبـيب قلـبي هل لوصـلـك وسـيله *** لا ما نسيت الـحب دمعي دليله
الـلـه يعـلم في الهـوى ماظـلـمـتـك *** والمعذره يـاصاح لو مافهـمتك
ويـاسِــيْـدي المظـلوم ربي وكيـلـه *** ولا مانسيت الـحب دمعي دليله
لـيـتـك تعـــاني مــثـل مـانا اعاني*** وتحس بي وتحط نفسك مكاني
وتحـيا ظـروف اللي يفارق خـلـيـلـه *** لا مانـسـيت الحب دمعي دلـيله
****************************
للشاعر
مبروك بن سالم بن ماضي