على جدار الصمت !!

[عايض الوقدان]

لكل بدايه .. نهايه ..!

إلا قصة حب كتبها الزمان بحبر ( الوفاء والاخلاص ) ..!

لها بدايه بدون نهايه ..!

.
.
.

كل الآثار السلبيه المترتبه على اي حاله من الحالات التي يمر بها الانسان ,

يمكن اخفائها .. الا اثار ( الحب ) لا يمكن اخفائها نهائيا ً ..

كثيره هي الاشياء التي تفضح العشاق ..!



كان الله بعون كل عاشق ( نزيه وفي )




.
.
.




هب الوله لين غناني وغناك
ومن ذكرياتي وصلت لباب بيتك

اسمع صدى صوت يدعيني ل ذكراك
وانا بصوتي ومعلوقي دعيتك

تبت يدين الغياب ألوين وداك
خذاك مني وأنا توني لقيتك

الشعر لا مرني صعب يتعداك
على حروفه وقيفانه شكيتك

اكتبك بدموع عيني وأرجع اقراك
يا حظي اللي هويتك وأرتضيتك

شاعرك وأقبل جروحك قبل جفواك
يا اللي نهيت الحزن يوم ابتديتك

ارتاح لا تكثر ظنونك وشكواك
يذكرني الموت أن كاني نسيتك

تكبر بعيني ولا تكبر خطاياك
رغم المسافه وفيتك وأحتريتك

أنت اعتذر عن برود أحساسك وهاك :
قلبي بعد ما روى الشوق وضميتك




آسف على التأخر يا حلمي العام

.

[عايض الوقدان]

نفس المكان اللي ضحكنا به العام
. . . . . . جيته وانا بيني وبين الفرح سور


نفس المكان اللي رسمنا به احلام
. . . . . . جيته وانا ميت أمل ضامي شعور


حزين / حاير / تايه الدرب / منضام
. . . . . . تعيس حظ / وممتلي ظلم / مقهور


الدمع ما ينفع ولا بوح الاقلام
. . . . . . ما دام غصن الوصل ما فوقه طيور


.
.
.

[عايض الوقدان]

كنت أتحلم يوم لامست أياديك ..!

.
.

[عايض الوقدان]

يا قاسيه في جروحي ما تحسين
. . . . . . . وانتي سبب غرقتي وانتي نجاتي



باقي سؤال بخفوقي قبل تمشين
. . . . . . . لو اقدر انساك .. بنسى ذكرياتي ؟





.
.

[عايض الوقدان]

هذا انا يا طاري اليوم من عام :
ملامحي .. تفسير واقع حياتي


على كثر ما غبت عن بال الاحلام
ما غبت عن حزني .. ولا ذكرياتي





.
.



.
.

[عايض الوقدان]

السؤال اللي محيرنا جوابه
كل ماذعذع من الغربي بكينا

ليه ما نرتاح من جور الصبابه؟
دام روح العشق فينا تحتوينا

والملامح نفسها حزن وكآبه
مايغيرها سوى ضمة يدينا

والحظوظ تمرنا مر السحابه
ماحكت فينا ولا هلت علينا

والغياب المر موجعنا عذابه
كل ما قلت انتهانا يبتدينا ..!

يا حبيبي والأمل يخدع سرابه
ما روت الأحلام منه وماروينا

علم احساسك قبل يبدي عتابه
طال عمر ظروفنا لو مارضينا



.
.
.

[عايض الوقدان]

لا تسئليني عن أحوالي انا مدري؟
أحس ماني أنا من لحظة غيابك


يا طول عمر الحزن في صدرك وصدري
ويا قصر عمر الفرح لاجاني وجابك





.
.

[عايض الوقدان]

انا اذكرك في كل الاوقات وانتي :

. . . . . . . . . .نستني عيونك .. وقلبك نساني





.
.

[عايض الوقدان]

ودعتك الله يوم ودعت الاحلام
. . . . . حتى لو أن البعد ماهو قراري


لا تمسحين الدمع عن وجه الايام
. . . . . اللي بكت عن ضيعتي وانكساري



.
.

[عايض الوقدان]

دقات قلبي خطاوي درب الاحزان
. . . . . . . . ومن لحظة غيابك / وفرحي نساني






.
.
.