بسم الله الرحمن الرحيم
اقدم اليكم هذه القصيده
واتمنى ان تنال اعجابكم
على قبر اليتيمـه نـوت ثوبـي بالخـلا شقّيـت=ذكرت الله وشبّت فـي ضلوعـي حـربٍ أهليّـة
عقب وِتْر السبع والخمـس والتسبيـح والتسميـت=طيور الما على سلمـى تغنّـي (طـاق طاقيّـة)
على باقي عرَق ساقي زجاجـة كاهـنٍ شمّيـت=على قِرْنـة حجاجـه نجمـة السِبْـط اليهوديّـة.
على الجنب التهامي لبّسوني خرقـةٍ فـي زيـت=تلالى مثل واري جمرةٍ فـي حـوض صفريّـة.
على ساقة ملوكٍ مـن بـلاد الرافديـن أضحيـت=أركّب سـنّ واقلـع سـنّ لـو مالـه ولا ليّـه.
وفي ريشة جناحٍ من حمـام الأخشبيـن ادويـت=امّذْرِع شـان واقـرع شـنّ وآبرقـع نصيريّـة.
وعلى ظهر النعامة سافروا بي سبعةٍ مـن هيـت=إلى أعتى شعـوب الأرض الادنيّـه والاقصيّـة.
ذبحت العبد الادريسي ونِجْل الطاغية (حِبْرِيـت)=بأرض المغرب الأقصى طبخت من اللحـم نيّـة.
على تابوت نوت احيا واموت افنيت مـا ابقيـت=ضربت الطار واجتاحت عبيـد الـزار كونيّـة.
على قبر اليتيمة نوت أجـدّد حسرتـي لا جيـت=وأقبّـل ضاحكـات المـوت تحتيّـة وفوقـيّـة.
على شانك يانوت اعميت خطلان البشوت اعميت=أقـارع كـل ذو سِـدْنٍ وذو خِـدْنٍ وكوفـيّـة.
على شانك ينوت ادميت روس الخاينيـن ادميـت=أسرّج مِـرْج أمـرّج سِـرْج علويّـة وسفليّـة.
على شانك ينوت اضرب بحـدّ مْصقّـلٍ إصليـت=وكدنـا ننتهـي لـولا خيانـة عيـد الألفـيّـة.
خبيثٍ من بني قومي سقانـي حامـض الكبريـت=قرَت وسطه عجوزٍ من ذوي حضـرم ظفاريّـة.
وبسم اللي لهول اسمه تزلـزل منبـر السوفيـت=نحَرهـا اعلـى ظهرهـا جُبّـةٍ بالسـمّ مطليّـة.
ثلاث دهور اصـارع نافثـات الـزرو ماذلّيـت=غيّب شمس وادفـن رمْـس والأصنـام مرميّـة.
ثلاث ازمان أداقش مسرجات الجانّ فـي تكريـت=ثلاث ازمان تمْرخ لـي ملـوك الجـانّ رجليّـة.
ثلاث سنيـن اعافـر نافخـات الطيـن ماولّيـت=ثـلاث سنيـن أكفّـن قاريـات التيـن بيـديّـه.
وثلاث شهور ألاعي نازلات الطـور مـا ملّيـت=اجاوب جنب خيمـة ضاربـات الطنـب طبليّـة.
وثلاث ايّام تنعانـي سرايـا يـام ليـن اصغيـت=قـدّم كـوع اوخّـر كـوع يابيّـي ويـا بـيّـه.
لذي الفيـروز سـادن معبـد النيـروز مالبّيـت=لغيـر الواحـد المعبـود مـا أبديـت مـا فيّـه.
بوادي برْك طارت بي حراير تُرْك يـوم امسيـت=اعاشر ليـل عاشـر كـل ذي حمـراً نميريّـة.
طباين سبْك تدبْك دبّك ساع اقبلـت سـاع اقفيـت=لسرْدٍ شـرْد جـرْد مـرْد اصيّـح كـل قيسيّـة
ببطن القِرْش اعشّي حايمـات العـرش ماغدّيـت=وحرْش الطرْش اورّدها قليب الهـرش عصريّـة
بوجه الحوت جلّ اللي خلقنـي ضيغـمٌ صنتيـت=هِزَبْـرٍ ماتحـرّك منـه ساكـن ألـف سكنيّـة
ورب البيت مـا خلّيـت منهـم بيـت ماهدّيـت=هـدّم دور وابـنـي دور والآيــات متلـيّـة.
هـل المزمـار عبّـادة لسـان النـار والباكيـت=بني الإفْرَنْج قـومٌ مـن فـروج الزنْـج مبليّـة.
بكى سابور ذو الأكتاف في قصر الملـك بلْهيـت=علـى نَيْكـل سقيفـة عابـد الهيكـل ضحاويّـة.
تغطرس بِطرس النقرس وجينا له على التوقيـت=من ارض الفرس وارض الروم جبنا القوم منهيّة.
بعمّا والنبا والخمـس مـن سـورة سبـأ شدّيـت=بقـوّة مـا تواتـر فـي الليـال العشْـر مكيّـة.
أقمنـا دولـة الأيتـام مـن حِلّـي إلـى حِلّيـت=وآخـر عهدنـا مـا أورَدَتْ ليلـى الأخيلـيّـة.
وانا ما هاضني فيما على بيض الـورَق خطّيـت=شجـاعٍ لقّبـوه (أحمـد) ولـه شلفـا وشبريّـة.
أعرف (أحمد) إلى جاء جاء وانا لا شلت ماحطّيت=تحامينا علـى وضـح النقـا والأرض محميّـة.