حسبي الله على الفرقا ونعم الوكيل :/: هددتني وأنا مجروح من ضدّها

[مليحة العجمان]

بعد ثالث ثلاثه حـل والوقـت ليـل
.....كل عينٍ من العبرة سقـت خدّهـا
أرتعش وأتثبـّت والعبايـر تسيـل
.....لاقـدر أقـول ليـه ولاقـدر أردّهـا
واقفٍ وقفت المحتـار وقتٍ طويـل
.....أنظـر لواقعـي بالعيـن وأصدّهـا
مقدر أهرب من الواقع على المستحيل
.....تقصر الرجل خطوه قبـل لامدّهـا
بين حزن الوداع وبين همّ الرحيـل
.....كـل لحظـه تمـر بهـم وأعدّهـا
حسبي الله على الفرقا ونعم الوكيـل
.....هددتني وأنا مجروح مـن ضدّهـا
اشهد الجدي في مبداه واشهد سهيـل
.....قصتـي تبنـي الاهـرام واتهدّهـا
ماشفالي جروح ولابردلـي غليـل
.....صادت الروح روحٍ بيّحت سدّهـا
كلما قلت شده قلـت يمكـن تزيـل
.....وكل ماقلـت راحـة قلـت لابدّهـا
شرهت القلب عدل ونظرة العين ميل
.....أقنع النفس مير النفس ماودّها
المشاعر لها بيـن الحنايـا صهيـل
.....والخواطر تحـز النفـس واتحدّهـا
اكتب الشعر من دمي.. ودمي ثقيـل
.....كل ماجيـت أمـد القافيـه شدّهـا
اقربي يالقوافي واشربي سلسبيـل
.....من نهورٍ يذوب الذوب مـع ندّهـا
وذعني للحقيقه واشربـي حنظليـل
.....من بحورٍ يساقي جزرهـا مدّهـا
مايشح الكريـم ولايجـود البخيـل
.....كل نفـسٍ طبيعتهـا علـى قدّهـا

[برستيج]

صــح لســـانكـ ..

ولســان شاعـرهـا / حبيـب العازمـي العتيبـي ..

فـي قمـــة الأبـــــداآآع ..

مليحـة العجمـان ..

تقديــري ..

[مليحة العجمان]

صح بدنك

ولاهنت على المرور

[عليل المحبه]

نص مؤثر يامليحه

صح السانه وتسلمين على نقله . .

[مليحة العجمان]

ولاهنت على المرور

[نفل بن فهد]

مليحة العجمان

لاهنتي على نقل النص الرائع

وصح السان الشاعر المحترف حبيب العازمي

[ناثرة الورد]

يعطيكـ العـآإفيه

ولآهنتي على النقـل المميز والرائع
بنتظـآإر جديدكـ

دمتي لمن تحبين

[مليحة العجمان]

مششكورين على المرور

[جـراح]

مليحة العجمان


اختيار موفّق الله يعطيك العافيه

[الجلمود]

يعطيكـ العـآإفيه

ولآهنتي على النقـل المميز والرائع
بنتظـآإر جديدكـ

دمتي لمن تحبين