يامي وعيلي منسبي لـ ال فروان

[فيصل بن محمد]

يالله يارب(ن) كريم(ن) ومنان= دعاك عبدك راجي(ن) منك الإحسان
انك تقديني على الحق يارب =وانك تثبتني على حب الإيمان
أنا فقيرا لك ترى ذنوبي جسام= ذنبي فعلته راجي منك غفران
وانك تخليلي محمد وترعاه= من كل هم وغم ونزغات شيطان
محمد(ن) بوصيك واسمع كلامي= وصية تحفظ على مر الأزمان
محمد(ن) خللك قريب من الله =قم في صلاتك وأحفظ آيات قران
وأمك ترى المصطفى وصاك فيها= وصيتة(ن) سمعت بها صكه الأذان
وقد قال ربي في كتاب(ن) منزل =وصاك وقال بوالديك إحسان
فلا تقل لهما أف ولا تنهرهما= وقل لهم قولا(ن) كريما(ن) بتحنان
واوصيك شورك لا توليه المره= قبلي ترى قيلت على مر الازمان
ووصيك في خالك لا تحاول تغضبه =خالك ترى معرب في سلوم همدان
واخوانك الي في الشدايد عضودك =لاخططو ضدك من الناس عدوان
ولا تخلي صدوف الليالي تضدهم =خلك لهم مثل القمر فوق لا بان
ومن بعدها ربعك لزوم تعزهم =قم في محبتهم ترى هم لك اعوان
قدر رفيق(ن) يستحق القدر والوفاء= وجنب رفيق(ن) مايجي منه سفطان
ولازم تذكر شي عنك ينومس= منسبك واصلك من فصايل كحيلان
جدك بشير الي فعوله تجمل=شيخ وشجاع شاعر فصيح لسان
كل القبايل حافظه من قصيده =همدان يام وسلاطين قحطان
وجدك سعيد ان مات مامات ذكره= ذكره ينومس يشبه الشيخ راكان
يعرف مقاصيد الرجال وكلامها= قالو مغورب جعل ماواه لجنان
وجدك جبران بن صقب افتخر به =في المعركه يصهل كما يصهل حصان
قد انتعت عند الحلال ورده =بعد ما خذا اثنين مع وقت الاذان
وقد انتعت في وجه قوم كثيره= ثم رد للسله مع ناس شجعان
وجدك محمد جعل ربي يسلمه =رجل وفي صادق مع الناس ماخان
دين كريم وصادق في وعوده= المرجله طبعه على مر الازمان
انا افتخر واعتز لامن ذكرته =فخر يخليني مع الذيب سرحان
بيته ذرى لامنك جيت وزبنته= والله ما يقدر على لمسك انسان
اقول قولي وافتخر في قبيلتي= يامي وعيلي منسبي لـ( ال فروان)
من ال عوير والدبيسي عزوتي =وشيوخنا ساس الكرم ال هضبان
انا افتخر في يام ربعي وعزوتي=علومهم وصلت الي حد لبنان
من قال يامي قلت يامي ولي الفخر= ربعي بني عمي ترى شانهم شان
ديارهم بالسيف قد احتموها=من العارض المنقاد الي حد ظهران
قد قال بن حزمه قول سمعته= مايمشي الا المسير والعدو يهان
والخاتمه صلو على سيد البشر= يالله عفوك راجي منك الاحسان

[عبدالله آل عامر]

اقول قولـي وافتخـر فـي قبيلتـي***يامي وعيلي منسبي ل( ال فـروان)
من ال عويـر والدبيسـي عزوتـي***وشيوخنا ساس الكـرم ال هضبـان
انا افتخر في يام ربعـي وعزوتـي***علومهم وصلـت الـي حـد لبنـان
من قال يامي قلت يامي ولي الفخـر***ربعي بني عمي ترى شانهـم شـان

صح لسان قايلها وناقلها

لاهنت يافيصل بن محمد على النقل الرائع

[وعيلي999]

لا هنت ياحسني وبيض الله وجهك ومن انت منه ياصبيان الخوال

[عنـَـاد]

االقصيــدى اكثر من زينــة والله

بس يوم انك تقوول اليـا حد لبنان

ماشووف انها زينة وش جاب لبنان ليــام

صح ان صيت يــام معروف ولكن لبنان ماهيب مقياس

ولاشوف انها زينة ونعم بك وربعك وعيل وال فروان وصقب

كل ابيهــم

ولاهنت

[سعود الخويطري]

بيض الله وجهك يـ فيصل بن محمد



ونعم فـ صبيان يام كافة وعموم همداااان



وصح الله لسان شاعرها ولاهنت ,,,,

[فيصل بن محمد]

الله لايهيـــــــــــــنكم على الرد والمشاركه

[محمد اليامي17]

ونعم

[فيصل بن محمد]

الله لايهيـــــــــــــنكم على الرد والمشاركه

[بندر العجمي]

صح الله لسانك ولسان شاعرها





ولاهنت قصيده وافيه من وافي وونعم في ربوعنا ويستاهلون المدح والثناء






وبيض الله وجهك على هذه القصيده الرائعه