التويجري سحبه رجال الأمن لأنه ألقى هذه القصيدة ضد (...............)؟؟

[saad]

التويجري سحبه رجال الأمن لأنه ألقى هذه القصيدة ضد (...............)؟؟



سلام عليكم .. . .

أمس كنت اتصفح أحد المواقع فاطلعت على قصيدة للشاعر الشاب / ياسر التويجري حول الدعوة لقيادة المرأة للسيارة ( ذكر فيها اسم فضيلة الشيخ العلامة المجدد / محمد آل زلفة !!!!!!!! ) .. وعندما القاها في امسية تم سحبه من الامسية محاطا برجال الامن حسبما قيل لي لأنه تطاول على مفتي الديار العلمانية؟؟؟!!!! ..لا أدري إن كان قد تم نشرها هنا أم لا ..لذا أحببت أن يسمعها من لم يفعل وإليكم الرابط لسماعها:


وهذه هي القصيدة :

افـتــح الـقــرآن يالله او حـديــث الـسـنــه

واعطنـي اقــوى دلـيـل يفـنـد العلمـانـي

كـانـه مكـفـر فعطـنـي مقـضـب المنـسـنـه

والله الـوالـي لجـبـع عـاتـق النصـرانـي

وان غدا عاصـي فرحبـي للـذي وش كنـه

عين نبع من صفاهـا تـروي العطشانـي

شيـخـي الـلـي منـتـه مـنـه ولا أيــة مـنـه

ضلع قلبي بيض وجهي جدي الروحاني

عزكـم يـا العـوده اللـي تكـسـرون الشـنـه

وعزنـا بالـديـن حـنـا شيخـنـا سلمـانـي

الـخـوارج حوطـونـا مـثـل ســـور الـعـنـه

عـذرهـم رايـيـن لازم واحــد مــع ثـانـي

وآخـــر الاراء شـفـتـه واحتـقـرتـه لانــــه

الدلـيـل الـلـي يـؤكـد نـزغـة الشيطـانـي

ودهـــــم ان الــعـــذارا يـركــبــن الــدنـــه

ويتمـشـن بالـشـوارع كــان بالامـكـانـي

علمـوا راع المعـارض كـان يبغـى الجـنـه

لا يبـيـع الا الـرجـال وعـلـم الحـمـرانـي

والله ان البـنـت والله لــو تـســوق بـفـنـه

ان تصـيـر بمملكـتـنـا ثـــورة الشـبـانـي

وان تشـن الحـرب شنـه مـا وراهـا شـنـه

وان يصير الزيت واللي يطلبـن مجانـي

لا تقيـس الــدار هــاذي مــع ربــوع فيـنـا

ولا تـقـارن هالشـبـاب بـواحـد لبـنـانـي

أبـــك ذولا مـجـرمـيـن وعــالــم مـنـجـنـه

عشقهم لحـم الجمـال وطبخـة الضبانـي

الهـلالـي مـثـل شكـلـي لــو يـجـن ينخـنـه

فـي عـطـال القـيـر والا قفـلـة البيبـانـي

فــي طـريـق مظـلـم مــا للمـوبـايـل رنـــه

مقطعـه مـا فيـه حولـه مرمـرة سكـانـي

وش يسوي يا جماعه ؟!.. الله اعلـم انـه

يفتح المصحف ويقرا سورة الرحمانـي!

عـلــم الـزلـفـه يـوقــف لا نـخـيـب ظــنــه

فالقصيـد الـلـي بـحـده خنـجـر عدنـانـي

ايــه شـاعـر والـدلالـه كـسـرة فــي سـنـه

لأنعمى ينطـح بوجهـه نطحـة العميانـي

الله اكبـر يـا قـرى مكـه ويـا اهــل السـنـه

عرضكـم اصبـح نقـاش لواحـد علمانـي












القصيدة بعد الترتيب

افـتــح الـقــرآن يالله او حـديــث الـسـنــه = واعطنـي اقــوى دلـيـل يفـنـد العلمـانـي
كـانـه مكـفـر فعطـنـي مقـضـب المنـسـنـه = والله الـوالـي لجـبـع عـاتـق النصـرانـي
وان غدا عاصـي فرحبـي للـذي وش كنـه = عين نبع من صفاهـا تـروي العطشانـي
شيـخـي الـلـي منـتـه مـنـه ولا أيــة مـنـه = ضلع قلبي بيض وجهي جدي الروحاني
عزكـم يـا العـوده اللـي تكـسـرون الشـنـه =وعزنـا بالـديـن حـنـا شيخـنـا سلمـانـي
الـخـوارج حوطـونـا مـثـل ســـور الـعـنـه = عـذرهـم رايـيـن لازم واحــد مــع ثـانـي
وآخـــر الاراء شـفـتـه واحتـقـرتـه لانــــه = الدلـيـل الـلـي يـؤكـد نـزغـة الشيطـانـي
ودهـــــم ان الــعـــذارا يـركــبــن الــدنـــه = ويتمـشـن بالـشـوارع كــان بالامـكـانـي
علمـوا راع المعـارض كـان يبغـى الجـنـه = لا يبـيـع الا الـرجـال وعـلـم الحـمـرانـي
والله ان البـنـت والله لــو تـســوق بـفـنـه = ان تصـيـر بمملكـتـنـا ثـــورة الشـبـانـي
وان تشـن الحـرب شنـه مـا وراهـا شـنـه = وان يصير الزيت واللي يطلبـن مجانـي
لا تقيـس الــدار هــاذي مــع ربــوع فيـنـا = ولا تـقـارن هالشـبـاب بـواحـد لبـنـانـي
أبـــك ذولا مـجـرمـيـن وعــالــم مـنـجـنـه = عشقهم لحـم الجمـال وطبخـة الضبانـي
الهـلالـي مـثـل شكـلـي لــو يـجـن ينخـنـه = فـي عـطـال القـيـر والا قفـلـة البيبـانـي
فــي طـريـق مظـلـم مــا للمـوبـايـل رنـــه = مقطعـه مـا فيـه حولـه مرمـرة سكـانـي
وش يسوي يا جماعه ؟!.. الله اعلـم انـه = يفتح المصحف ويقرا سورة الرحمانـي!
عـلــم الـزلـفـه يـوقــف لا نـخـيـب ظــنــه = فالقصيـد الـلـي بـحـده خنـجـر عدنـانـي
ايــه شـاعـر والـدلالـه كـسـرة فــي سـنـه = لأنعمى ينطـح بوجهـه نطحـة العميانـي
الله اكبـر يـا قـرى مكـه ويـا اهــل السـنـه = عرضكـم اصبـح نقـاش لواحـد علمانـي

[فهد بن محسن]

تسلم اخوي سعد

على نقل هذه القصيده للشاعر التويجري

تحياتي لك

[صعبة المنال]

طيب السواقه حرام بدليل شرعي والا بدليل مستخرج من كتبكم الخاصه
اختكم صعبة المنال

[أميرة نجد]

علمـوا راع المعـارض كـان يبغـى الجـنـه

لا يبـيـع الا الـرجـال وعـلـم الحـمـرانـي

هل اشترطت الجنه بما ذكره التويجري ؟؟؟!!!!

على العموم كفاه ماجاء

تحياتي لك اخي سعد

[علي العرام]

والله ان البـنـت والله لــو تـســوق بـفـنـه

ان تصـيـر بمملكـتـنـا ثـــورة الشـبـانـي

وان تشـن الحـرب شنـه مـا وراهـا شـنـه

وان يصير الزيت واللي يطلبـن مجانـي


قصيده من شاعر جزل وقادم للساحه بعنف

والله ونعم يا ياسر ...

تحياتي لك

[أبو ناصر]

لاهنت اخوي سعد

وياسر حر في مايقول

وقد القاها حسب علمي من قبل ولم يواجه مشاكل وصح الله لسانه

[saad]

لاهنتو جميعا علي المرور ورد الاخوات صعبه المنال واميره نجد مطروح للنقاش بعدهذا الرد الحماسي ارجومن جميع الاخوان والاخوات الردوالمشاركه واختلاف الراي لايفسد للود قضيه

[صعبة المنال]

يعني راح تسمعون كلامنا لانا نخالف رايكم معشر الرجال ؟
اذ كان نعم فانا اتمنى من الكاتب او احد الاعضاء اللي يقولون ان سواقة المراه للسياره حرام بدليل شرعي او حديث بالرغم ان طلبي مستحيل ان تاتون به ولكن كلها عنصريه من قبل الرجال الذين لايريدون للمراه ان تسوق السياره

اخواني الكرام الاعزاء ان قيادة المراه امر بسيط جدا وفيه فائده عظمى لما يترتب عليه من عدم خروج المراه مع السواق الاجنبي وفيه امور ايجابيه كثيره لاتحصى اما السلبيات اللي تقولون عنها فهي لاوجود لها واعطوا المراه الثقه فالمراه المسلمه تعرف كيف تصون نفسها حتى وان كانت بين الرجال

قيسوا قيادة المراه للسياره بركوبها على الدواب وسترون ان الامران سواسيه

حبيت اقول رايي واتمنى ان يلقى القبول من المعارضين ولا تزلعون تراني اجنبيه بينكم هههههههههههههه

اختكم بنت عتيبه صعبة المنال