بنــت ليـآ منكـ وقـعت..تشــيلكـ من القــــآع شــيل

[كايدة]

لولا البكا ماينشرح خاطر ولاينزاح ويل
خل الكدر يطفي سعير الليلتين اللي خلت
.
دام العيون الليا اهملت تشفي القليل من الغليل
الله يبارك بالعيون اللي ليا ضقت اهملت
.
البارحه يوم الهموم تحط بالصدر وتشيل
والشاهد الله ماحبست بمحجري دمع وفلت
.
الدمعه اللي ماتهز صدور ربعي لاتسيل
اكنها مثل الجمر ولايقولون انزلت
.
اللي وهو مافزلي كنه محملني جميل
اجيه برجولي عشان اشكي له الحال ؟ اكملت
.
ماكل من شافك قوي يفرح ليا جيته ذليل
الناس لي من حست بضعف الشجاع استذلت
.
بعيونهم ببقى مثل ماللهبوب من النخيل
على كثر ماضامها صفق اللواهيب اعتلت
.
وشلون احس ان العذاب اللي على متني ثقيل
وانا ادري ان اللي تصبرني على الحزن وصلت
.
معشوقتي لاضاق صدري من ليالي الحزن ليل
ياكثر ماشربت معي من علقم الحزن وكلت
.
معشوقتي ما للفرح برجوعها يمي سبيل
الا مثل ما للربيع من الزهور ليا ذبلت
.
معشوقتي من عمر جيل ومدرسة مليون جيل
معشوقتي ورث السنين اللي تجلت وانجلت
.
اللي على كثر المصايب كل مافيها جميل
الناس لي كبرت تشين وذيك لي كبرت حلت
.
لامن تثنت للهبوب تميل اللي مايميل
وان مالت عقول الخفاف من الرياجيل اثقلت
.
كن الكلام بثغرها مجرى سبيل للسلسبيل
مسترسله لو ماضميت ولو ضميت استرسلت
.
تقبل على لون المسا لاجات مفتوله جديل
غصبن عن عيون النسا مايرمشن اليا قبلت
.
عشقتها لاني من اللي يعشقون المستحيل
صدقتها لانها لي قالت القول : افعلت
.
الترفه اللي تنطح الفريس وتفك الدخيل
ما الرجال اللي تحملني مثل ماستحملت
.
لو كل خلق الله ملو ماتمل وماتميل
لان الرجال بهالزمن قلو هذيك استرجلت
.
ان كان وقفتهم معي من باب مايخدم بخيل !!
هذيك ماهيب وقفت جنبي .. هذيك تبهذلت
.
خانوا وهي ماهونت عالو وعيت لاتعيل
تبدلتت كل الوجوه وذيك ماتبدلت
.
لانه ليا عز الرجا ما للخليل الا الخليل
ماقد قرت في محجري قصة عن الحزن وسلت
.
كل الذي يجري معي يجري مع الطرف الكحيل
اليا رضيت ترضى عشاني وان تزعلت زعلت
.
تدوي بخفاقي دوي لين احيت الحلم القتيل
عشق بدويه لبدوي لاجت على البذل ابذلت
.
معها عرفت اني قوي حتى وانا مافي حيل
واعدها بمية خوي كان الهموم استفحلت
.
دام الشدايد تكشف بصاحبك معدنه الاصيل
ليت السنين اللي حدتني على الضياع استعجلت
.
بنت ليا منك وقعت تشيلك من القاع شيل
ابرك من وجيه الرجال اللي ليا طحت جفلت



,,,,آتمــــــــــــنى أن تــــروق لـــــــكم,,,,,

[ناثرة الورد]

{{ كــايــده }}
,
,
آآبداع غير مستغرب
دمتـي بهذا الرقي
تقديري ..,

[كايدة]

ناثــــرة الـــورد
ســـــــــــــــــرني توآجــــدكـ,,
وكعـــــــــــــادتك دومـــــــــــآ سبــــاقة فـي المشــــاركـــة للــــرد علـــــى مواضــــيع الاعضـــــاء،، وهــــــــو مــاسـوف ينعـــــكس إيجـــــابـآ عــلى عــــطأوهـــم,,فـــــلكـ كــــــل الحـــــــب والتقديـــــــــر

[الشيخه]

معها عرفت اني قوي حتى وانا مافي حيل
واعدها بمية خوي كان الهموم استفحلت
.
دام الشدايد تكشف بصاحبك معدنه الاصيل
ليت السنين اللي حدتني على الضياع استعجلت
.
بنت ليا منك وقعت تشيلك من القاع شيل
ابرك من وجيه الرجال اللي ليا طحت جفلت




الكايدهـــ


اسم اقف له احترام وتقدير على ما قدمت لنا من قصيده


وزان حالك يالغلا فى ما طرحتى


مرحبا بك ومسهلا من الكويت لقطر ولا يوفون بحقك خير من اسعدنى تواجدها

فى منتدانا



بحفظ الله ورعايته


اختك :

الشيـــــخــــــه

[هادي بن فهاد]

كــايــده

الله الله

جميل ماقدمتي اختي الكريمه

تحياتي

[كايدة]

المشاركة الأصلية كتبت بواسطة الشيخه

معها عرفت اني قوي حتى وانا مافي حيل
واعدها بمية خوي كان الهموم استفحلت
.
دام الشدايد تكشف بصاحبك معدنه الاصيل
ليت السنين اللي حدتني على الضياع استعجلت
.
بنت ليا منك وقعت تشيلك من القاع شيل
ابرك من وجيه الرجال اللي ليا طحت جفلت




الكايدهـــ


اسم اقف له احترام وتقدير على ما قدمت لنا من قصيده


وزان حالك يالغلا فى ما طرحتى


مرحبا بك ومسهلا من الكويت لقطر ولا يوفون بحقك خير من اسعدنى تواجدها

فى منتدانا



بحفظ الله ورعايته


اختك :

الشيـــــخــــــه

الشيخــــــــــــــــــة
اخجــــــلني اطــــراءوكـ ,,واسعــــدني تشريفكـ لما كتبت
وماقصـــرتي فديــتكـ ع الحفــاوة وانا مو مستغـربة الطيب من اهـل الطـــيب
وتسلمين ياذوق وتفضــلــــــــــــــــــــــي

[كايدة]

المشاركة الأصلية كتبت بواسطة هادي بن فهاد

كــايــده

الله الله

جميل ماقدمتي اختي الكريمه

تحياتي

أسعـــــدني مروركـــــــ الراقـــــي
فلـكـ الشـــــكر

[_طير_شلوى_]

يعطيش العافيه يالكايده
القصيده راقتلي

[someone]

كايده قصيده ولا اروع
بارك الله فيش

[بنت النشاما]

كااااايده
قصيده بقمة الروعه
لاهنتي وصح الله السانش