فدوةٍ لــ عيــون بــرّاق الــنـــحــر !

[مناحي الصميل]

بسيطه لعلها تشفع لي غيابي

جيش حبّه وسط صدري منتشر = إحتلالٍ داخلي شبر بشبر
شيّد اسطول المحبّه داخلي = والسرايا تنتظر منه الأمر
فلسفة حبّه لها طعمٍ فريد = كل يوم يزيد تكتيك وفِكر
ما قدرت أفهم طريقة منهجه = واسعٍ فكره مثل وسع البحر
بعض الأحيان أشعر انه منهزم = وبعض الأحيان أشعر انه منتصر
غامض بشخصيّته طبعه كتوم = وإرتباطه في .. ضمير المستتر
أعرفه من وقت .. تقريبا سنه ؟! = وحبّني تقريبا .. من أول شهر !!
أمتلك قلبي وقلبه جاز لي = ما يفرّق حبنا كود القبر
حبي استولى على قلبه بعد = وحبه بصدري تمكّن وأستقر
لا نظرت بوجهه السمح البشوش = اول اللي يخطر ببالي ( قمر ) !
قمةٍ فيه الجمال اليوسفي = لا حضرت كلٍ يعانقها .. نظر
لا تحاكي ؟ جاته الأحرف سرى ! = ولا تباطي .. ؟ قلت يالله الصبر !
وان تغلّى .. صرت في حالة عجب = وان مرض ... عيني تعانقها السهر
الخصر شبرين من يدّ الطفل = والشفايا توت وانفاسه عطر
لو أقول من القصايد من اقول = ولو اقول من المشاعر ما ندر
ما وفيته وأشعر اني باخصه = ولو أزيد الشعر كنّي مختصر
العمر يفداه والدنيا فدى = فدوةٍ ( لعيون برّاق النحر ) !!!

وسلامتكم
.

فدوه لـ عيون براق النحر ..

الله الله .

وافي ياابوفهاد .

صح الله لسانك ولاهنت نفداك .

جزل كـ العاده .

[أميرة الإحساس]

صح لسانك اخوي

جد ابيات قمه في الروعه

بانتظار جديدك المميز من ابياتك الراقيه

تقبل مني التحية.

[مهرة النسيان]

لو أقول من القصايـد مـن اقـول=ولو اقول من المشاعر مـا نـدر
ما وفيته وأشعـر انـي باخصـه=ولو أزيد الشعـر كنّـي مختصـر
العمـر يفـداه والدنـيـا فــدى=فدوةٍ ( لعيون بـرّاق النحـر ) !!!

اااالله .. صح قلبك وصح لسانك ..

ولكن لا تشفع في غيابك .. وجودك يشررفنا ..

تشكراتي + تقديري

[الشيخه]

مناحى الصميل


صح الله اللسانك ولاهنت على القصيده الجميله


انتظار جديدك القادم


تقبل منى خالص التحيه


الشيـــــــــــــخه

[مناحي الصميل]

ارحب يا بن دسمه

صح الله بدنك


ولا هنت على مرورك الوافي


اخيك

[مناحي الصميل]

مهندسة العجمان

صح الله بدنش

وشكرا لمرورش الكريم .

[مناحي الصميل]

مهرة النسيان

صح الله بدنش

كما ان وجودي يشرفني هنا

ولكن احكام الظروف .. وانشالله احاول قدر المستطاع بتكثيف تواجدي هنا بين اخواني


شكرا لمرورش الكريم

[فـــــزاع]

صــح الســانك يـا أبـو فهــاد ... وعــز الله انهـا روعــه

لاهنــت يـالصمــيل ... وبـإنتظـــار جـديـدكـ يالغـالـي.

][ تقــبــل مــروري ][

[مناحي الصميل]

الشيخه حياش الله


وصح الله بدنش


لا هنتي على مرورش الكريم


اخيش .