وياحي ممشاً مع بدوان مريه

[راع البلها]

السلام عليكم ورحمة الله وبركاته
اخوكم راع البلها عضو جديد واتمنى ان اول مشاركة لي تحوز على رضاكم وهي قصيده للشاعر/مسفر الكحله

ياهـادي الضيـقـة القـشـرا عمومـيـه
لاوقّـف الشـوط الاول .. فكّـت الثـانـي

لـي سـت اسابيـع .. واخلاقـي تجاريـه
والاسلوب تعبان .. وهو مـن قبـل تعبانـي

ولا يغـرّك .. ملاحـا الصـوت عصريـه
لاتحسب ٍ يـوم اجـر الصـوت طربانـي

(يابوعـدّي) .. يـوم فارقـت السعـوديـه
والراس راكبه .. عشريـن الـف شيطانـي

من يـوم جيـت المطـار .. مبّيـت النيـه
ووداعت ربعي هل النامـوس .. واخوانـي

وقصيت ( بوردي ) مـع البيبـان الاقصيـه
ثـم استوينـا علـى ظهـر .. ام جنحانـي

يـوم افهقـت .. مـن منصتهـا الرئيسيـه
ثـم اقلعـت مثـل خاطـي فـرخ شيهانـي

ثـم غلّهـا .. كابتنهـا .. لعنـبـو حـيـه
وطلع .. طلع .. واشهد انه صـدق فنانـي

وقامـت تخثّـع مثـل بـنـتٍ سحـاويـه
ترقـص علـى دان دان .. ودان يـادانـي

ويـلا هـوت .. فـي المطبـات الهوائيـه
تقول عثـرةٍ احصـان ٍ .. حـدّه احصانـي

اربع عشر ساعة ٍ .. لاشـك عـن (ميّـه)
وانا مابيـن .. اجنبـيّ .. وبيـن قومانـي

هـذاك يقـرا .. وذا .. نـايـم بكرسـيـه
واللي اوزاني .. ماكنّـه جالـس اوزانـي

وجينا ( واشنطـن ) مـع وقـت المغربيـه
في ساحة ٍ .. مابهـا الا صفـق نصرانـي

وجيت الجمارك .. واثر الاوضـاع مقفيّـه
ثم جيت لي .. صاحي ٍ .. في ثوب سكراني

ثم هز راسه .. وقال سعودي ..؟ .. قلت ايّه
ثم سجل اسمي .. وميـلادي .. وعنوانـي

ووقفّت ساعه .. بـلا روحـه .. ولا جيّـه
من مرّني .. خـذ لـه شـوي .. وتعدّانـي

وقـام وقذانـي .. بالاسئلـة الخصوصيـه
يالله جـارك .. مـن البلـوى .. لاتبلانـي

قلـت المقاصيـد .. مكتوبـه .. ومقـريـه
حـب الوطـن جابنـي .. والعلـم عنّانـي

مؤمـن بـكـل الـرسـالات السمـاويـه
مسلم .. موّحد .. ودينـي خيـر الاديانـي

وختم جـوازي ..عقـب مابصّـم .. ايديّـه
ودبّرت .. دّبارة .. العافي.. عن ..الجانـي

والحين .. فـي احـد الولايـات الجنوبيـه
فـي ديـرةٍ ماتعـز الضيـف.. والعـانـي

حتى الحراره ..تحـت (صفـر المئويـه )
ياحي شمس ..(النعيريـه) .. و(قصوانـي)

وياحي .. ممشا ً .. مـع بـدوان (مريّـه )
مربـاع قطعانهـم فـي احـدود عمّـانـي

ابيوتهـم فــي رفــاع الـقـاع مبنـيـه
تلقى الشحـم عندهـم .. وادلال رسلانـي

يـاهـادي الـقـرم يـاحـي السعـوديـه
وياحي شوف الربوع .. وشـوف شيبانـي

[سعود الخويطري]

ارحب ارحب


صح الله لسانك ولسان شاعرها



مشاركه جزله واختيار جزل لنص جميل جدا



ودائما بانتظار ومرحبا بك الف في منتداك


واسمحلي بنقلها لقسمها المختص ( الشعر المنقول )

[راع البلها]

والبقااااااااااااااااااااا
ولاهنت يالغالي

[الجوـوـوـوـري]

يـاهـادي الـقـرم يـاحـي السعـوديـه
وياحي شوف الربوع .. وشـوف شيبانـي





حياك الله بيننا ،، ونورت المنتدى بمشاركتكـ الاكثر من رائعه

[المحترش]

ارحب يا راعي البلها وصحا لسانك والسان

[بحريني سنافي]

ابيوتهـم فــي رفــاع الـقـاع مبنـيـه
تلقى الشحـم عندهـم .. وادلال رسلانـي


اللله الله على ذا البيت _______ عاد يقصد الرفاع ترة هذي منطقة يسكنونها ( المرة ) عندنا

بس اظن يقصد الرفاع كمنطقة دام ذكر اسم منطقة بعد مثل النعيريه

_________

والله انا اشهد القصيييييييييييدة روعة
وصح لسانه

ولاهنت يا راعي البلها

[عجميه الرس]

راعي البلها


صح لسااااااانك اخوووي

ولاهنت على هالقصيده الروووعه

[راع البلها]

وااااااااااااااااااااااااااااااااااالبقا
بكم كلكم
ولاهنتو ويامرحبا بكم

[يوران]

حتى الحراره ..تحـت (صفـر المئويـه )
ياحي شمس ..(النعيريـه) .. و(قصوانـي)

وياحي .. ممشا ً .. مـع بـدوان (مريّـه )
مربـاع قطعانهـم فـي احـدود عمّـانـي

ابيوتهـم فــي رفــاع الـقـاع مبنـيـه
تلقى الشحـم عندهـم .. وادلال رسلانـي

يـاهـادي الـقـرم يـاحـي السعـوديـه
وياحي شوف الربوع .. وشـوف شيبانـي

الله على الابيات الروعه

صح الله لسانك ولسانك مسفر الكحله

ولاهنت ياخوي

[الوافـي]

صح لسان الشاعر ابن كحله

ولاهنت على نقل القصيده

تـقبـل تـحياتـي