زهور الشـــــــــــــــــــــــــــــــام

[فيصل بن محمد الوعيلي]

اخواني رواد هذا الصرخ الشامخ اليكم قصيدتي في امي اتمنى ان تنال اعجااااااااااااابكم

انا بكتب قصيده حب وبسميها زهور الشام=قصيدة حب في امي عسـى ربـي يخليهـا
ياجعل الله يعطيها الجنان ولا يجيها السـام=اهي دنياي اهي حلمي اهي قلبـي اسميهـا
انا بقول لش ياأمي ترى فكري معش بالزام=تناجيني صور طيفش وهذي ضحكتش بيها
ترى صورتش في بالي وعلى صدري تراها وسام=تجي في خاطري واقـول ياربـي تخليهـا
حلفت بربي الخالق لا اصير لها سند وحزام=على مر الليالـي ياعسـى ربـي يقويهـا
فداش عيوني الثنتين وانتي الطاهره بالـلام=فديتش من بحر هالكود الي اقصى شواطيها
وياكم يوم قد عانت عشان ارتاح انا ونـام=وهي تسهـر وتتألـم يجعـل الله يحميهـا
واذا امي تريد اني اصير لها مـن الخـدام=طلبت الله في نفسي على الطاعـه يقديهـا
ولو فكـرت ازعلهـا طلبـت الله فالاعـدام=لانها امي ولي زعلت الا ياكيـف برظيهـا
صحيح انها حنونه لاكن الخاطر يجي لـوام=ياكيف انك تزعلها ورب العرش مرضيهـا
ونبـي الله محمـد ساقنـا للبـر بالالـزام=وقال أمك وكررهـا ثـلاث موصـي فيهـا
فــلا يالله يالمطـلـوب لا يالله يـاالعـلام=تسوق ارواحنـا للمغفـره وانـك تزكيهـا

وسلامتكم
11 ربيع الاول 1428

[مهرة النسيان]

الله يخلي لك امك ويخليك الها .......
قصيده رائعه والا م تستاهل اكثر ,,
تقبل مروري ,,

[راشد العتل]

ياجعل الله يعطيها الجنان ولا يجيها السـام=اهي دنياي اهي حلمي اهي قلبـي اسميهـا
فـلا يالله يالمطـلـوب لا يالله ياالـعـلام=تسوق ارواحنـا للمغفـره وانـك تزكيهـا

اللهم امين ..

صح لسانك مدد يالوعيلي قصيده جزله و وافيه
يشرفني ان اسجل اعجابي بها ..
والله يحفظلكم الوالده ويطول بعمرها

تحياتي \ ابومحمد

[عايض ال مطلق]

فيصل الوعيلي

صح لسانك

قصيده تحملة كتلة مشاعر لأنسانه تعتبر اساس كل انسان على وجه الأرض,,


كيف لا وهي (الأم)


لاهنت وجمل الله حالك

وننتظر منك الجديد


تحياتي

[سعود الخويطري]

وياكم يوم قد عانت عشـان ارتـاح انـا ونـام = وهـي تسهـر وتتألـم يجـعـل الله يحميـهـا
واذا امي تريد انـي اصيـر لهـا مـن الخـدام = طلبت الله فـي نفسـي علـى الطاعـه يقديهـا

....
..
.

فــلا يالله يالمـطـلـوب لا يالله يـاالـعـلام = تسـوق ارواحنـا للمغفـره وانــك تزكيـهـا


اللهم امين يارب العالمين




صح الله لسانك يابومحمد




وبيض الله وجهك وقصيدة فاخر وفريدة والام اغلى مانرى في هذة الدنيا




وسلمت يمناك يالمبدع , ودائما بـ أنتظارك




وتقبل سلامي واشواقي

[بندر العجمي]

صح لسانك على القصيدة الجزلة



لا هنت يا مبدع والله لايشينك




وبيض الله وجهك يالوعيلي وننتظر جديدك طال عمرك



اخوووووووووووكـ

[ابومحمد الشامري]

صح لسانك اخي العزيز فيصل قصيدة رائعة ومعبرة بيض الله وجهك

[فيصل بن محمد الوعيلي]

الاخوان ولاخوات الاعزاء
مهرة النسيان
راشد العتل
عايض ال مطلق
سعود الخويطري
بندر العجمي


شرفني مروركم الكريم وصح الله ابدانكم وبيض الله وجيهكم على الاطراء والكلام الجميل