شيلة مغلق للصيانة.. كلمات سداح وأداء محمد السليس

[عبدالله آل عامر]

بسم الله الرحمن الرحيم
:
أسعد الله أوقاتكم بكل خير اخواني وأخواتي أعضاء مجالس قبيلة العجمان الكرام
:
شيلة من كلمات الشاعر: سداح
:
وبصوت المبدع: محمد السليس
:
أتمنى تحوز على رضاكم؛؛؛
:

ساد الظلام وذعذع النود=وأمسيت أعيد الاسطوانة
وأخذت أطق العود بالعود=وأهز غصن الخيزرانة
وقطفت لي من كل عنقود=ما يتعب الشاعر عشانه
يا هاجسي ما عنك منشود=من راهنك تكسب رهانه
مد الوفا والطيب والجود=على النقا والشعر أمانة
لا تحسب إني غير موجود=جيتك معي ختم الضمانة
بعض المحبة ما بها فود=لا صار ما للود خانة
دايم تقود قلوبنا قود=والوقت يا صعب امتحانه
يا بنت حبل الحب مشدود=كلٍ يتله في مكانه
قامت تمون عيونك السود=ولا بيني وبينك ميانة
لا قلت أحبك عندي شهود=همي ودمي وغليانه
وطيفك يجي ويروح ويعود=أتابعه وأمشي وزانه
دار الزمان ونقص الزود=وضيق وسيعين البطانة
كل الخطايا هينة كود=بيع المشاعر والخيانة
تفضلي من غير مطرود=القلب مغلق للصيانة
اللي لسانه كان معقود=اليوم صح الله لسانه

:

:
للتحميل من هنا
:
تقبلوا تحياتي وتقديري
:

[عليل المحبه]

رايقه ياعبدالله . .

اطربتني فديتك

صح السسان / سداح
وصوت السليس


لاهنت جعل عمرك طويل

[عبدالله آل عامر]

أرحب يا عليل المحبة يفداك اللاش
:
منور الموضوع
:

[الريمي 2009]

صح الله لسان سداح بري حالي

لاهنت على النقل ياعبدالله اطربتنا

[النـوف\نايفه عن كل البنات]

لاهنت عالنقل


وصح ذوووقك

[عبدالله آل عامر]

لاندمتوا وصحت أبدانكم
:
منورين
:

[al7l2]

كـــــــل الــخــطــايــا هــيـــنـــة كــــــــود بـــــيـــــع الــمــشـــاعـــر والــخـــيـــانـــة
تـفـضـلـي مــــن غــيــر مــطــرودا لــــقــــلــــب مــــغــــلــــق لــلــصــيـــانـــة
الـــلـــي لــســانــه كـــــــان مــعــقـــود الــــــيــــــوم صــــــــــــح الله لــــســــانـــــه



الله الله عليكـ

واكثر بيت عجبني هذاا

"" تفضل من غير مطروود القلب مغلق للصياانه ^_* عجيب ""

ذووق واهنيك على اختيارك الراقي تقبل مرووري يا اخووي

[عبدالله آل عامر]

حياش الله أختي الحلا.. منورة
:

[فديت روح العجمي]

مشاركه جميله ومميزه

[حـرهـ على كفٌ صقآر]

يعطيك العافيه

شيلـه جميلـه


كلك ذؤؤق