كن قلبي الكوفة وهو الحجاج ...

[العرجاني محمد]

السلام عليكم ورحمة الله وبركاته.. مساكم الله بالخير جميعا.

واحد من الشباب منَ الله عليه وحج العام الماضي ( والفال لكم إن شاء الله) ,, ومن يوم درينا بنيته للحج وحنا نناديه ياحج مثل مايقولون المصريين لأي واحد يحج ,, وقبل لا يمشي لمكة ارسلته هذه القصيدة .... إللي أتمنى إنها تعجبكم.

هذي نصيحة وإستمع ياحج=ياللي لبيت الله تبي المنهاج
حصن عيونك ومنطقك والفرج=وإحذر تعرض كل ريم(ن) حاج
وخل النوايا يوم جيت تحج=رحمة غفور(ن) واهب(ن) فراج
أدعه وقله ياكريم(ن) نج=عبد(ن) لبيتك ملتجي ومحتاج
وأعذل رفيقك عن قفاة الهرج=خسران منهو في القفا هراج
وإن شفت خلي حول وادي وج=عليه بسمل لا يجيه خجاج
خشف(ن) إلى منه مشى يرتج=قلبي عقب فرقاه جاه خلاج
أبوعيون ناعسات(ن) دعج=طلعة جبينه مثل ضوح سراج
وأبوثمان(ن) مثل وصف الثلج=من حولها جمر الغضى وهاج
وأبو جديل(ن) لا لفحه وهج=كنه غشاني من السونامي أمواج
الزين عنده من كل درب وفج=والملح جم(ن) دايما(ن) هداج
إذا للزين ديرة فالهنوف الكنج=والحكم ثابت والمعارض ماج
خل(ن) حكم قلبي وأنا ماأحتج=كن قلبي الكوفة وهو الحجاج
غار ومسك صدري وخجه خج=برمح الغلا وخلا دمه زعاج
سلم وقله يادلع ياغنج=ياللي بزينك صرت لابس تاج
خلك عقب فرقاك ضاع ودج=ولا غير شوفك ياالسنافي علاج

وســـــــــــــــــــــــــــــلامتكم

محمـد العـرجاني

[راكان اليامي]

سلـم وقلـه يادلـع ياغـنـج
ياللي بزينك صرت لابس تـاج

خلك عقب فرقاك ضـاع ودج
ولا غير شوفك ياالسنافي علاج




لاهنت يامحمد وصح الله لسانك وتسلم يمناك ولا عدمناك ياذيب

[العرجاني محمد]

ومن قال مايهون ياراكان ,,,, تو ماتشرفت القصيدة وأنورت بمرورك ياالقرم ,, والله لايهينك على كل حال ياالسنافي

[حبيب]

الله الله يامحمد

الله يقبل منه وانت تنصحه وتووصيه على خلك خربت ججته ذنبه بيجيك


صح الساانك يا الغاالي


تحياااتي

[العفيفه]

صح السانك ..وترا اذا جيت احج ابي قصيدة زيه

[العنيد]

هههههههههههههه العفيفه تبي قصيدة مثله هههههههههه....وانا بعد<<<لا لا ما بلا امزح ....

هذي نصيحـة وإستمـع ياحـج
ياللي لبيـت الله تبـي المنهـاج

حصن عيونك ومنطقك والفـرج
وإحذر تعرض كل ريم(ن) حاج

وخل النوايا يـوم جيـت تحـج
رحمة غفور(ن) واهب(ن) فراج

أدعـه وقلـه ياكريـم(ن) نـج
عبد(ن) لبيتك ملتجي ومحتـاج

شكل رفيقك ذا مهوووووووووووب هين الله يذكره بالف خير وعااااااااافيه..لك خالص ودي وتقديري على القصيدة الزينه ياالعرجااااااااااني محمد

[العرجاني محمد]

ارحب ارحب ياحبيب ,,,,,,,رفيقي هذا إللي حج الله يستر عليه شكله مخربها مخربها أنصحه وإلا ماأنصحه.. ... وأنا على من الذنوب مايكفيني ياحبيب وتبي تحملني ذنبه بعد , الله يهديك....


صح بدنك ياحبيب وتو مانورت القصيدة بمرورك ياالسنافي,,

[العرجاني محمد]

ياهلا وغلا بالعفيفة ,,,, شرفتيني بمرورك ياالغالية....

.... إذا نويتي الحج قولي لي بس وأبشري باللي تآمرين عليه ..

[العرجاني محمد]

يامرحبا يامرحبا يامرحبا بالعنيد ,,,,,,,,, تشرفت القصيدة بمرورك ياطويل العمر ..

.... والله رفيقي لك عليه .. يعني ماينوثق فيه في بعض الموافق إللي فيها تأثيرات خارجيه وعشان كذا قلت خلني انصحه وعسى الله يهديه...


ابشر ابشر ياالعنيد أنت والعفيفة اي واحد منكم ينوي الحج يبشر باللي يبي بأنصحكم ماهو بقصيدة واحدة بأنصحكم بعشر قصايد .>>>>>>> بس الظاهر إنها ماراح تأثر فيكم ...

[العنيد]

ههههههههههههههههههههههههه الله يرجك في خلاط المولينكس على ذا الرد يا رجااااااااااال ويش تقصد ..هههههههههههههههه عشر قصايد ولا راح تأثر ..

تااااااااااااااايب<<<طيب...يا العرجاااااااااااني انت بس اكتب قصيدة فيني وانشوف اذا تأثر ولا لا<<<<بعدين ما قلت لي وين ابنتوااااااااااااجه انا وانت بالنسبة لقصيدة ست سنــــــــــــــــــين؟؟؟لازم ما اني اعرف تكملة ذا القصيدة هههههههههههههههه لو انها خاصة <<<<<بدوي وقوي عيـــــــــن