ما صاب ابن لعبون من حب ميّ-لاشك والدنيا على الخلق دورات

[محمد المحيريق]

لو كل شيٍ في الزمن بيتهيّا=كان الدعاوي كل ابيها سهالات
لكن حظي كل ما قلت عيّا=عيا يطاوعني على كل مشهاة
وانا طموحي فوق نجم الثريّا=باسعى ما ادم الحظ حيٍ ولا مات
ان كنت من شمس العنا ما آتفيّا=عز الله اني عشت عمري معاناة
اليا متى باعيش عمري كذيّا=ما بين ضيقة خاطر وبين حسرات
همّ الزمان وبعد سمح المحيّأ=خلوني اسهر تالي الليل ونّات
عايش مع العربان والجسم حيّا=لاكنني بالحس من ضمن الاموات
ما صاب ابن لعبون من حب ميّا=لاشك والدنيا على الخلق دورات
آحاه من كثر الحزن والجفيّا=متى تجي لايامنا الابتسامات
واعيش عمري بالسعادة هنيّا=وارتاح من وجه الشقا والمضرات

محمد المحيريق