مكالمه جواااال..

[ضيدان بن مترك]

[هذه القصيده من اروع ماسمعت آمل ان تعجبكم


كل البشـر فـي الاتصـالات يخطـون
يخطون واخطي.. عذرنا هاتف فلان؟؟
ومن عادتي ماهتـمّ باللـي يقولـون
من غلط في رقمي .لقى الـردّ غلطـان
الين جااء فـي يـوم ..دق ّ التلفـون
شفت الرقم.. لقيتـه اشكـال والـوان
فتحت جوّالـي ابعـرف مـن يكـون
سمعـت صـوتٍ فيـه بحّـه وفتّـان
قالت لي: انت سعود؟ قلت: ايه بالعون.
لعيونك.. اسمي سعود لو كان ضيـدان
قالت :اتظنّي مخطئه. قلت :وشلـون؟؟
قلبي توقّـف مانبـض فيـه شريـان
بالهـون يابنـت الاجاويـد بالهـون
من عـادة الانسـان يرتـاح لانسـان
تسمّعـي يابنـت وابليـس ملـعـون
اخذي كلام ٍ مصـدره صـدق وجـدان
ماني بقايل لك: انـا انسـان مزيـون
اطرق ولاله شبه في الانـس والجـان
انا محمّـد.. وافـي الهـرج مـوزون
اوزن كلامـي.. قبـل اقولـه بميـزان
وانا الّـذي لاحـبّ ..لايمكـن يخـون
مخلص مدامه حيّ .ويمـوت ماخـان
وانـا اذا حبّيـت.. حبّيـت بجـنـون
حبّـي يفجـر داخلـي الـف بركـان
وانا الّذي ماطـرد ورى مـن يقفّـون
من صدّ عنّي عمد.. بجزيـه حقـران
هذي وصوفي .واكثرالنّـاس يشـرون
وانتي عليـك اليـوم تقديـر الاثمـان
قالت :اشوفك قمـت يامحمـد تمـون
تضحـك وضحكتهـا تقاسيـم فنّـان
قلت :الميانه.. ماهي بضحكة سنـون
احيـان ماتلقينهـاا بيـن الاخــوان
ترى الميانه شيّ واضـح ومضمـون
اذا اجتمع شخصين.. في قلب ولسـان
قالت :كلامـك وافـي ٍ يابـن خلـدون
احيان احسّ ان جلستك بيـن شيبـان
يامحمد .اسمع كلمة البنـت ميسـون
اسلوبك ووقتك.. مضت دونها ازمـان
هـذا زمـن قدواتـه افـلام كرتـون
وهذا زمان ارجالـه اجسـاد وابـدان
قالت.. وغنّت لي على وقتـي لحـون
قلت: اسكتي من بعد ماخاطري شـان
انا ادري ان الوقت.. من دون في دون
لكن فمـان الله وانـس ِ اللـذي كـان
قلته وانا صامل.. وهي عندهـا آذون
لكنّـهـا ماصـدّقـت سـمـع الاذاان
ضاقت ...وخلـق الله دايـم يضيقـون
وانـا قفلـت الخطّ..ضايـق وزعـلان
ونسيت.. والاجواد في الوقت ينسـون
ماسـمّـي الانـسـان الاّ بنسـيـان
المشكله..بنـات حــوّا مايسـلـون
دقّت علي وانـا لهـا شبـه شفقـان
قبل آآتكلّم.. قالت: اسمـع ولاتهـون
اسمي مهو ميسون.. حان الصدق حان
الاسم عمشاء وآخـر الجـدّ مصيـون
مهـره ولا طوّعـت بلجـام وعنـان
قلت: ارحبي مليون تضـرب بمليـون
اقولهـا مليـون مـن قلـب ولسـان
قلت: ارحبي في العين ..ولحافك جفون
وظلالك من الشمس باهـداب الاعيـان
ياعيـن حـر ٍ بالمطاليـع مفـتـون
حـر ٍ شـراه مولّـع الصيـد طربـان





(((منقوووووووووول)))

[عجميه الرس]

غالب


صح لساااانك اخوي

ولاهنت على نقل هالقصيده الحلوووة

[ريـميـة الـعجمـاان]

واأاأاأاأاأاأاو
ثاانكيوو غالب على النقل الروووعه

[خــالد الفطيحــي]

صح لسانك وبيض الله وجهك على القصيده الرائعه
ولاهنت على النقل الطيب

[ضيدان بن مترك]

هذه القصيده من اروع ماسمعت آمل ان تعجبكم]]]]]]]]]]]]]]]]]]]]]]]]]]]]
الأخت..عجميه الرس..
مشكوووووووووره مرووووووووووورش شرف..

[ضيدان بن مترك]

هذه القصيده من اروع ماسمعت آمل ان تعجبكم]]]]]]]]]]]]]]]]]]]]]]]]]]]]
الأخت..ريميه العجمان..
مشكوووووووووره مرووووووووووورش شرف..

[ضيدان بن مترك]

هذه القصيده من اروع ماسمعت آمل ان تعجبكم]]]]]]]]]]]]]]]]]]]]]]]]]]]]
الأخ..خالد الفطيحي..
مشكووووووووور مرووووووووووورك شرف.يالسنافي.

[الجوـوـوـوـري]

صح السان هالشاعر ووتسلم ايدنك على النقل الرووووووووعه

[سعيّد ابوجعشه]

صحت يمينك على النقل ياغالب وصح لسان قايلها