(كنسلت مجمل علاقاتي رومنسيا=ولابقالي علاقه من علاقاتي)

[حـــوران]

الســــلام عليكم

هــذه القصيــده تعتبر (توبه)

بس ابو محمد قلبه اخضر مدري هي توبه نصوح أو لا

الحمدلله أنا مرتاح نفسيا ً=ماعاد يسمع من الضيقه تنهّاتي
مانيب ساري , ولاراقي , ومتبين=على خشوم المنيفات الطويلاتي
ماقام يعرضلي الهاجوس حصريا ً=وإيسبب إكثار روحاتي وجياتي
(كنسلت مجمل علاقاتي رومنسيا ً=ولابقالي علاقه من علاقاتي)
مانيب رايح ولاكاشخ ومتزيّن=(الزين لأم الجدايل والنهيداتي)
لحقت شفي ورى ترفات وإمزيّن=ومليت تصفيف حكي .. وسرد كذباتي
قعدت أفكر ، وأقول أنا وش إمعيّن .؟=قللت حسْناتي ,, وكثـّرت سياتي
فمدامه الدرب هاذا دربن إيشيّن.!=بلحق على نفسي ..وبمسح ملفاتي
العرض يأخواننا "داين ومتديّن"=ومن قرب أعراض غيره.! عرضه بياتي
وأنا ولوأنحسب مانيب متديّن ؟=على الأقل أشكر الله في صلواتي
يقوله اللي من اللذات ماعيّن=(إلا الغثا والمصايب والمطماتي)
هونت فالوقت وأثره ،، ماهو إبهيّن=لعبّي وشطبيّ وأخلف حساباتي
والحظ ماكنه إلا وجه مصريا ً:=مسروق من عقب تحويش الجنيهاتي .!

للعذب

فهيــد بن عصيــدان
وسلامة قلوبكم

[الغروب]

حوران مشكور عالنقل وصح لسان شاعرها

[حـــوران]

المشاركة الأصلية كتبت بواسطة (لولين)

حوران مشكور عالنقل وصح لسان شاعرها

ô§ô لولــين ô§ô

تشرف الموضوع وناقله بــ تواجد اسمش

وصح بدنش

وتشكرين كثير الشكر على المرور الغالي

لش الأحتــرام

[عـسـاه خـيـر]

قصيده جزله
لاهنت اخوي حوران على نقلها صح السانك والسان شاعرها فهيد بن عصيدان

[حـــوران]

المشاركة الأصلية كتبت بواسطة عـسـاه خـيـر

قصيده جزله
لاهنت اخوي حوران على نقلها صح السانك والسان شاعرها فهيد بن عصيدان

الغــــالي

~*¤ô§ô¤*~عـسـاه خـيـر~*¤ô§ô¤*~

وينك غايب؟ لك فتره فاقدينك ؟ وحشتنا

نوّرت الصفحه وشرفتنا بتواجدك الغالي على قلوبنا

صح الله بدنك , ولاحرمنا الله من شوفك

تقبل كل الأحتـرام لشخصك الخلوق والراقي

[الملكة]

قعدت أفكر ، وأقول أنـا وش إمعيّـن .؟= قللـت حسْناتـي ,, وكثّـرت سيـاتـي
فمدامه الـدرب هـاذا دربـن إيشيّـن.!= بلحق علـى نفسـي ..وبمسـح ملفاتـي

ونعم التفكير... اعتبروا يا عالم

والحـظ ماكنـه إلا وجـه مصـريـا ً:=مسروق من عقب تحويش الجنيهاتـي

وصف عجيب

ابيات جميلة..صح لسان شاعرها..والله يتمم عليه التوبة..

حوران.. تسلم يمينك... على النقل الجميل..

[حـــوران]

المشاركة الأصلية كتبت بواسطة الملكة

قعدت أفكر ، وأقول أنـا وش إمعيّـن .؟= قللـت حسْناتـي ,, وكثّـرت سيـاتـي
فمدامه الـدرب هـاذا دربـن إيشيّـن.!= بلحق علـى نفسـي ..وبمسـح ملفاتـي

ونعم التفكير... اعتبروا يا عالم

والحـظ ماكنـه إلا وجـه مصـريـا ً:=مسروق من عقب تحويش الجنيهاتـي

وصف عجيب

ابيات جميلة..صح لسان شاعرها..والله يتمم عليه التوبة..

حوران.. تسلم يمينك... على النقل الجميل..

اختنــا القديــرة والخلوق

~*¤ô§ô¤*~الملـكـــه~*¤ô§ô¤*~

الله يبــارك في هالموضــوع اللي جابش له

ويكفيني شرف مرور اسمش عليه

والله يتمم التوبه على الجميــع

لش كل التقدير والأحترام

تقبل كل الشكر

[صالح ال كحله]

حوران لا هنت على النقل


وصح الله السان ابن عصيدان
ههههههههههه

والحـظ ماكنـه إلا وجـه مصريـا ً:
مسروق من عقب تحويش الجنيهاتي .!


اشهد انه بيشين وجهه


تقبل كل الود

[حـــوران]

المشاركة الأصلية كتبت بواسطة صالح ال كحله

حوران لا هنت على النقل


وصح الله السان ابن عصيدان
ههههههههههه

والحـظ ماكنـه إلا وجـه مصريـا ً:
مسروق من عقب تحويش الجنيهاتي .!


اشهد انه بيشين وجهه


تقبل كل الود

اي والله بيشين

ارحب ياصــالح

وذي الســاعه المباركه اللي شفت اسمــك في ذالموضوع

صح الله ابدنـك وشرّفت ونــوّرت

لك التقــــدير والاحترام

[الفرس]

العـرض يأخواننـا "دايـن ومتـديّـن"=ومن قرب أعراض غيره.! عرضه بياتي
وأنـا ولوأنحسـب مانيـب متـديّـن ؟=على الأقـل أشكـر الله فـي صلواتـي
يقولـه اللـي مـن اللـذات ماعـيّـن=(إلا الغثـا والمصايـب والمطمـاتـي)

حــــــــــــوران


ان شالله انها توبه نصوح ..


واللي هذا حكاه مهوب هين .. اللا بالعكس حظه وفر من ملك كل ذا المشاعر ..