عزيزة يابيـــــوت الطين

[الغروب]

عزيزة يا بيوت الطين لك وسط الحشا منزال

شعر / عبدالله سليمان العـمّـار

يشوق العين شوف اللي بقى من شامخ الاطلال =والاقي في سككها كل ذكرى عشقها غالي
أسوق اقدام شوقي للبيوت وخاطري مازال =يعيش بشوفهن ذكرى طفولة تحفظ آمالي
عزيزة يا بيوت الطين لك وسط الحشا منزال =امرك واترك دموع الغلا تحكي لك احوالي
اجي لك كل ما جا للحزن في داخلي مدهال =واجي لك كل مافاض الحنين لشوف مدهالي
اروح البير لين اني اوقف عند حد الجال =واطل بوسطه ودمعي تناثر فيه من عالي
وامر السكه اللي في وسطها حفرة المصقال =وانا اغلى شي ملكته وقتها هو كسب مصقالي
فقدت بها رفيق ٍ لا لقيته قال كيف الحال= رفيق ٍ وافي وطيّب ولا قد غاب عن بالي
واجي عند الشعيب اللي يمر بديرتي لا سال =هنا ذكرى وقوفي في وسطه وسيله قبالي
واروح لبيت عمّي وان طلعت امر بيت الخال =واروح لجدتي واطلع وفي مخباتي ريالي
اطير بفرحتي واللي سالني قلت معي ريال =واروح اشري من الدكان توت مثلج وحالي
واروح لبيت جيراني وادوّر وينه المدخال= انا اذكر يوم انا صغيّر نسيت بوسطه نعالي
هنا اذكر معاليق السراج وحوله المنخال =وهناك الدله اللي عندها مكسور فنجالي
وهنا فراش الحصير اللي جلس به مستريح البال =ينام وما بقلبه شي للأول ولا التالي
كفايه .. بطلع من البيت يوم انه بدا ينهال =مع اني صرت احس ان التراب دموع تنهالي
عسى الله يرحم اللي مات منهم طيبين الفال =ويجمعنا معاهم في وسط جنات وظلالي
تمر سنين من عمري واردد للملا موال= ترى اللي ماله اول ماله بهذا الزمن تالي

راقت لي

منقولة ( جريدة الرياض)

[على دروب الغانمين]

تسلم يمينج على الاختيار العذب للقصيده المعبرة والجزلة

وصح لسانج ولسان الشاعر ولاهنتي

وعلى طاري بيوت الطين تذكرت هذي الابيات :

آنآ يوم شفت البيت متهدم مبنآه

تذكرت زول ٍ كان بالبيت سكآنــي

آنآدي عليه و سآقي العين جآرٍ مآه

و آنآ عارف اني لو تحرّيت ما جآني

[راعية اطيب قلب]

الغروب
كلمات قمه في الروعه


لاهنتي على النقل الرائع

اسعدك المولى واغلاك

[الغروب]

المشاركة الأصلية كتبت بواسطة لليمين در

تسلم يمينج على الاختيار العذب للقصيده المعبرة والجزلة

وصح لسانج ولسان الشاعر ولاهنتي

وعلى طاري بيوت الطين تذكرت هذي الابيات :

آنآ يوم شفت البيت متهدم مبنآه

تذكرت زول ٍ كان بالبيت سكآنــي

آنآدي عليه و سآقي العين جآرٍ مآه

و آنآ عارف اني لو تحرّيت ما جآني

لليمين در

حياك الله

تشرفت بمرورك الكريم واضافتك الثريه على الموضوع

ولك تقديري.

[الغروب]

راعية اطيب قلب

حياك الله

نورتي وشرفتي

باقة معطرة مع جزيل الشكر.

[ناثرة الورد]

.. السلام عليكم ورحمة الله وبركاته ..

{ شُـكـرتي لـروعـهـ الاختيار
لا حُرمنا روعهـ جديدكـِ الراقي ..

دمـتي بهـذا التميـز ~

[الغروب]

ناثرة الورد

شرفني تصفحك ماقدمت

اصدق الامنيات

[king الوادي king]

اغروب لاهنت على النقل المميز والاختيار الموفق

[الغروب]

king الوادي king

حياك الله

تشرفت بمرورك الكريم

وياهلا بك .

[ِِِAL 3ajmiah]

يعطيك العاافية يالغلا .. نقل رااائع ومؤثر ..

صح لساان قايلها ولسانك لاهنتي ..

لاعدمنا جديدك ~