للفيصلي فيصل ولد خالد ولد عبد العزيز الفيصلي ( للشاعر سليمان بن بلال )

[مسفر مبارك]

بسم الله الرحمن الرحيم

هذه القصيده للشاعر الكبير/ سليمان بن بلال اليامي. في الامير فيصل بن خالد بن عبد العزيز ال سعود.وقد ألقاها أمام سموه.
حصلتها في أحد المواقع وعجبتني وحبيت أنقلها لكم

للفيصلي فيصل ولد خالد ولد عبد العزيز الفيصلي=سلام في مبداء قصيده حان موسمها وجاء محيانها
مضمونها جينا نسلم ياولد خالد رفيع المنزلي=نعم ولا للكايدات الا جمال(ن) شمخ نيبانها
والموجبه طراتها في حلها ليحان ماهي تجلي=وغلاكم اكبر من جبال طويق ومن ابها ومن ضلعانها
يانادر العش القطامي ماكرك من راس رجم(ن) معتلي=أبن وحفيد ملوكنا اللي تقبس النيران من نيرانها
مجدك تليد سيدي من راس أبوك وراس جدك لولي=جدك معزي فارس الهيجا ليامنه رقص شيطانها
ليث تحدى معجزات(ن)العطاء والاخذ فيها يذهلي=حتى حكم شبه الجزيره وذعنت له وجتمع شتانها
بالدرج والبارود وبشذرة وحد مصقلي=مصقل(ن) ضربه يطير روس الاعداء الطاغيه وامتانها
والمجد الاخر من خوالك يام حامين الجهام ليا أقبلي=يام الكرام اللي وفاهم تارثه الاحفاد من جدانها
وعودهم ماتختلف وعهودهم طول الدهر ماتفتلي=ومن أجل هذا أختار أبوك أنه يناسب شيخ من شيخانها
ياسيدي نلت الثقه من خادم البيتين وانت مجملي=أمير عقل وعدل لك هيبه ووقفاتك رجح ميزانها
تستاهل التقدير ياكنز الملوك اللي تقول وتفعلي=ماهو غريب(ن) ياوريث أخوان نوره ظلها وكنانها
ذادوا سلاطين الجزيره عن حماها والحرايب تشعلي=عدوا زواميها وصالوا في صحاريها وفي خلجانها
حتى توافق لون رايتهاومضمون الشعار الامثلي=في عهد حكام يظل ظلالها الاقصين من جيرانها
هم عزوة المظلوم والمضيوم وسناد الدخيل المبتلي=عون الضعيف ونصرة الدين الحنيف موسعة حدانها
هم فخرنا هم ذخرنا اللي به صعدنا للنجوم الزحلي=وحنا علينا الله ومانه بالولاء ومحارة من خانها
مهما تخلف وختلف من تالي ماينعرف له بولي=ومن لاتزاد به الصفوف لياغدا ماعد من نقصانها
وان شوش الشيطان بعقول الخبول اللي تظل وتخذلي=اللي عدانا جندتها ودخلت في شان ماهو شانها
ضاعوا وصاعو لابنوا حاضر ولا ماضي ولا مستقبلي=تقمصوا بالدين والدين أبترا منها ومن طغيانها
الدين دونه دولة(ن)دستورها نص الكتاب المنزلي=تخدم بيوت الله ورب الكون ينصرها على عدوانها
والشعب كله رهن توجيهات ابو متعب حماسه يعتلي=يبشربنا ليقيل هذي ساعة الخلان في خلانها
نارد بحيضان المنابا مانذل ولانطيع العذلي=ضد لمن عادا حكومتنا ومن لا يحترم صدقانها
هذا وبعده سيدي مهما يقل الشرح ولا طولي=الشعر والتعبير يعجز عن فعايلكم وعن حسبانها
واللي تبوح به المشاعر واقعه بقلوبنا ماينزلي=طاعه.ولاء.وخلاص.وعهود.نموت.وهي على سيسانها
واعيد قافي فالأمير الوافي اللي واجبه مايجهلي=اللي تفاخر به عسير وهل عسير من قديم أزمانها
حضيت عسير بكل خير .خير متقدم وخير مقبلي=من خالد الفيصل.ومن فيصل ولد خالد شمخ بنيانها
وختامها صلوا على صفوة عباد الله نبي مرسلي=صلوا عليه وسلموا عد القنوف اللي تهل أمزانها

م ن ق و ل