كــذبــت غــلآ....

[محمد المجول]

أكذب عليك إن قلت ماني بكذاب=إلا كذبت وكذبتي غصب لنـّي
خايف تخليني بلا عذر وأسباب=هذي الحقيقه...والخطا ماسكنّي
ودي أثيرك وأفتح لشكك أبواب=وإن ضقت عادي...!(بنثني لك وأغنّي)
( عليك قلبي ذاب ياسيد الأحباب)=(عليك وحدك والمشاعر بلنّي)
لاتتهمني...قلتلك خافقي تاب=عن حب غيرك وإن بغيت إمتحنّي..!
يكفي نفس صوتك على مسمعي جاب=شوق ٍ...يخالطه الغلا والتمنّي
رحلت في كحلك وعينك والأهداب=وطالت مشاوير الغرام...وفتنّي
كل عرق ينبض فيك لين الشعر طاب=ماكنك إلا...(نبض قلبي ومنّي)
ماقلتلك..؟مملوك لك حب وإعتاب..=حتى التجني...راضي ٍ بالتجنّي..!
بتقول لي كذاب..بقول كذاب..=كذبت غلا...كذبتها غصب عنّي..!

[شامخه بعز ابوهاااا]

لاتتـهـمـنـي...قـلـتـلـك خــافـــقـــي تــــــــاب
................عـن حـب غيـرك وإن بغيـت إمتحـنّـي..!
يكفي نفس صوتك علـى مسمعـي جـاب
...............شــــوق ٍ...يـخـالـطـه الــغــلا والـتـمـنّــي


صح لسآنك ولآهنت على هالجزله ..

سبقتني بتنزيلها .. لكن منك آكيد آحلى لآنك راعيها ..


لآتحرمنآ جديدك ..

[شاعرة شمر العنقا]

صح السانك

لاهنت ع القصيده الرائعهـ

وبالتوفيق
بانتظار جديدك دائما

[هادي بن فهاد]

تسلم يمينك يا

.محمد المجول

صح لسآنك ولآهنت على إيراد القصيدة

تقبل تحياتي

[غلا الهيلا]

صح حرفك وبوحك
.
احساس غريب وجميل
تحياتي لك

[M!Ss LeGeNd]

قصيــدة رائعــه ماشاءالله

صح لسانك ياشاعر "

بانتظار جديــدك"

وفقـك الله"

[نفل بن فهد]

محمد صح الله السانك ولاهنت

[king الوادي king]

الشاعر محمد المجول

لاتعليق على النص

ولايستغرب النص من واحد مثلك رمز الجزاله

ولاهنت

وننتظر الجديد منك

[الحيران]

صح لسانك

الله يعطيك العافية

[محمد المجول]

المشاركة الأصلية كتبت بواسطة شامخه بعز ابوهاااا

لاتتـهـمـنـي...قـلـتـلـك خــافـــقـــي تــــــــاب
................عـن حـب غيـرك وإن بغيـت إمتحـنّـي..!
يكفي نفس صوتك علـى مسمعـي جـاب
...............شــــوق ٍ...يـخـالـطـه الــغــلا والـتـمـنّــي


صح لسآنك ولآهنت على هالجزله ..

سبقتني بتنزيلها .. لكن منك آكيد آحلى لآنك راعيها ..


لآتحرمنآ جديدك ..

شامخه بعز أبوها


صح الله بدنج طال عمرج

والله لايهينج على المرور الكريم

اللي نور صفحتي المتواضعه

وزادني شرف

تقبلي تحياتي

أخوج