من يعرف قصيدة ابن كدمه؟؟؟

[الطويل]

السلام عليكم ورحمة الله
من يعرف قصيدة ابن كدمه "جتني فتاة" ولو يتفضل بعد ويقولنا وش سالفتها
وجزاكم الله خير

[محمد الشامري]

ارحب يالطويل

وابشر بالسعد وانا اخييييييييك

وهاذي القصه طال عمرك

الشخص هذا اسمه هادي وينقالهم ال كدمه من قبيله قحطان وسالفته كان جالس في مجلسه ودخلت عليه فتاة تبكي وتنخاه من عيال عمه وطبعا تعرفون نخوه البدوا لما تنخاه فتاة وتفرع قدامه .. يفزع بحميه ونخوة رجاجيل .. المهم لما نخته الفتاة طلع الرشاش ورمى عيال عمها وماتوا واحكموا عليه بالاعدام وسمع الملك عبدالله اطال الله في عمره هالقصيده واعفاء ابن الكدمه من السجن نهائيا واخرجه براءه الله يجزاه خير وهذي هي القصيده....


جتني فتاتن خطاها تمشي بهمه
ثم اعثرت وانثنت قدامي وتنخاني
وعلى الراسها فرعت ثم طشت اللثمه
وتطيح وتقول مظلومه وتنخاني
قلت ابشري والعذر والله ماأهمه
الظاهر ان القدر للموت وداني
وقالت ياعمي لأبوي ياللي ولد عمه
غرامه ابوي من عمه واهو جاني
اشكي عليك الزمن ياعمي من ظلمه
خلاني اعيش.................

والعذر والسموحه يالطويل هذا اللي قدرت اجيبه من القصيده وكاني عينت الباقي ابشر بسعدك وانا اخيييك

ويامرحبا ومسهلا

[خااااالد]

والله وااالفنعم فيه وفي اهله واشهد انه اسنافي >>

[حـــوران]

مرحبا بكم جميعاً

والقصيده عندي كـــامله (بالصوت ولحن جميل) .. وبنزلها .. والقصه تقريبا مثل ماذكرها اخوي محمد الشامري مع بعض الأختلاف .. والقصيده مهيب للقاتل وهذا اللي توضّحه القصيده .. القصيده لشخص زايره وتكلم عن موقف القاتل ..


اظغط هنـــا




وهنا رفعتها من موقع ثاني (للي ماأشتغل معه الاول)

اظغط هنـــا

[الطويل]

حوران عز الله انك حوران وجبتها وانا اخيك وانا صارلي وقت ادورها عسى الله يجزاك الجنه
خالد
محمد الشامري
الله لا يهينكم على الرد
وبعد البحث الطويل توصلت للقصه والقصيده كامله
الشخص ما زال مسجون(الكلام ذا سنة 2004) من 16 سنه
وذا كلام الشاعر سعيدالحازبي صاحب القصيده :
---
أخواني أعضاء وزوار منتديات النداوي الشامخه

السلام عليكم ورحمة الله وبركاته ، أسعد الله جميع اوقاتكم بكل خير وكل عام وانتم بخير ومبروك عليكم شهر رمضان جميعا حعلنا الله واياكم من صوامه وقوامه

اخواني الاعزاء اهدي اليكم هذه القصيده الصوتية مختارة من ديواني الصوتي الذي سبق ان نزل بالاسواق قبل حوالي اسبوعين
اليكم هذه القصيده المرفقه بالملف الصوتي والذي منها


في سجن ظهران زرت اخوي ابن كدمه 0000000وانا وهادي سعود بحسبة اخواني


اخواني: الاخ هادي بن سعود بن كدمه آل الشريف الحبابي أخي من الرضاعه مسجون في سجن ظهران الجنوب منذ ما يقارب 16 سنة بقضية قتل اخيه أبن عمه/ هادي بن مهدي بن فرثان آل الشريف الحبابي
هناك مساعي مبذوله في قضيته عسى ان تتم على خير ،
ارجو من الجميع الدعاء له خصوص مع بداية هذا الشهر الكريم
---


في سجن ظهران زرت اخوي ابن كدمه وانا وهادي سعـود بحسبـة اخوانـي
جينا زيـاره ومعنـا بالرضـاع امـه في قلبها شوق مـدري هـم وحزانـي
وساعة وقف قامت اتناديـه وتضمـه من زود حب الضنا في قلبهـا الحانـي
ومن زود شوقه يـون وقـال يايمـه انا علـى شوفتـك بالحيـل ولهانـي
وقامت تنوح العجوز وسلهمـت يمـه ودموعهـا كنهـا هـمـال ودانــي
صاحت وناحـت وزادت بالبكـا همـه ويقول يامـه كفانـي هـم واحزانـي
ثم انكسر ناضره مـن همـه وغمـه بين الرجاء ولأمل واليـاس حيرانـي
ثم وقف رضا(ن)لها تواضع وحشمـه وقبل يديها ودمعـه فـوق الاوجانـي
ثم التفـت يمهـا فـي خاطـره كلمـه واقفا موادع وهـو مكسـور جنحانـي
ثـم كبلـه حارسـه بالقيـد واختَمـه وامه تنادي بلهفـة شـوق واشجانـي
ونت وناحـت عليـه ونادتـه بسمـه وقفا موادع وهـو راضـي وزعلانـي
وحملني امانة(ن) تبـرا بهـا الذمـه قال انت ياخوي في ذمتـك ورعانـي
ورحت اتفقد عيالـه ثـم لقيـت امـه والحزن في صوتها المشحوب ينبانـي
ثم صار لي موقف الا صـارت مطمـه من موقف صـار واحزنـي وبكانـي
جوني عياله وكل(ن) مـن ملـى فمـه يقول بابـا سنيـن طـوال ماجانـي
وانا اشهد(ن) كل حي يحن لـه دمـه من بعد هذا حصل لـي موقـف ثانـي
جتني فتاة(ن) خطاهـا تمشـي بهمـه ثم اعثـرت وانثنـت قـدام تنصانـي
وعن راسها فرعت ثم طشـت اللثمـه وتطيـح وتقـوم مضيومـه وتنخانـي
قلت ابشري والعسـر والله مـا همـه الظاهـر ان القـدر للمـوت ودانــي
قالت ياعم اين ابوي اللي ولـد عمـه غرامه ابوي ابن عمه وهـو الجانـي
اشكي عليك الزمن ياعـم مـن ظلمـه خالاني اعيش فـي حيـره وحرمانـي
ياعـم تكفـا تلـف الشمـل وتلـمـه ابغاك تفـزع وتنخـا قاصـي ودانـي
قلت الردي جعلها تبكـي عليـه امـه ونتي نخيتـي وانـا بانخـا كحيلانـي
بانخا ابن فرثان صقـر وكـره القمـه وانخاه بسمي وبسم شيـوخ قحطانـي
وادخل على ربنا اللي يكشـف الغمـه وادخل على هادي ابن معيض لاهانـي
وانا دخيل الحضـن والبيـت والذمـه وادخل على الحي واللي وسط الاكفاني
يامارد(ن) للظوامي صافـي(ن) جمـه واللي ورد له ما صدر منـه ضميانـي
الحكـم لله وحكمـك بيـدك وسـمـه لرضاك ما ننكـره لـو كـان ماكانـي
والعاقـل اليـا بـلاه الله كبـر حلمـه يهـون الكايـده ياوجـه سنحـانـي

[محمد الشامري]

الله لايهينك ياحوران

والمهم انك عينت ضالتك يالطويل

ويا مرحبا ومسهلا

[@زايد بن ألغز@]

يابري حالي000 أن أشهد ان عادبه رجال000حرام اني قمت ياعين هاتي وهاش 00ياشيب عيني0000

ونشكرك ياحوران على مجهودك الرائع والامحدود00

شكرااااااااااااا
@ زايد الغزي@

[الطويل]

مشكور يا زايد على المرور وبارك الله فيك

[حـــوران]

العفو يا أخوان

والله لايهين اللي فتح الموضوع اخوي القدير / الطويل

والله يكفيكم الشر

اخيكم

[عـسـاه خـيـر]

قصه .. وقصيده رائعه لاهنتو على هالموضوع