ومن حبي لربعي قد عـروق القلـب مريـه

[راكان اليامي]

سلام الله على فهد وعلى شعب الفهد والـدار=سـلام الله عليكـم كلكـم ياهـل السعوديـه
سلام من غلى اللي له يساق يبـرد الخطـار=سلام برد الخاطر غلـى مـن حـب راعيـه
وسلام الله على الجبرين والجمهور والـزوار=احب أهدي محافضكم شهـادة شكـر مثنيـه
تبناها وطورها وجعل كـل الـدروب ازهـار=وساعد في بنى التعمير ايليـن اسـس مبانيـه
جهوده فالنعيريه جهـود تخطـف الأنضـار=جهوداته على لسـان أهـل سكـان الشماليـه
من اللي يذكر اشكان البلد واليوم وشهو صار=اماني كان مسموعـه وجـات اليـوم مرئيـه
عليها من رضى ربي عليها صـادق المطـار=الى هل المطر شفـت الخليجـي فالنعيريـه
انا مدحت ابن جبرين وراعي الطيب له ذكار=مدحته يوم جاني في قطـر ذكـره وطاريـه
وانا من يوم جاني رقم في نصفه ثلاث اصفار=وانـا متوكـل بالله ومعـزم نـيـة الجـيـه
ركبت الموتر اللي مايهمه طولـت المشـوار=لو ان راعيـه شرقـاوي ولوحاتـه كويتيـه
لك الله ثابت ممشـاه للمركـز مـن الـدوار=وهو يشـر لتسعينـه عقـب ماشقـح الميـه
وتعديت المراكز وانتهضت بشوفت المحـدار=اهلها هم هل الخيـل الصفرلاكبـرت الهيـه
الى العذبه مع ال سنيد وال بحيح عز ووقـار=وسلام الله على الجيبان وانبـاك وضواحيـه
وسقته لين مريت ال حنيتـم والنعـم تكـرار=بعدها هجرة ال نابت رجـال الوقفـة الحيـه
ايلين اقبلت صوب السيح يانعم الذرا والكـار=وقبلته على العصلـى هـل العـز وحراويـه
بعدها هجرة ال بريـد ربـع فعلهـم مشهـار=بعدها هجـرة ال بريـص للطيـب ومرابيـه
بعدهـا سقتنـي ياقـار الا يامبركـك ياقـار=احب الخـط يومـه مـر بـي دار الفهيديـه
وقبل ماروح اقدم عذر وعذري يبغي العـذار=الى الحسناء واهل يبرين وشجعه والعضيليـه
ولا انسى كل غفراني وزبداني هـل المقـدار=لو ان ماهي على دربي لكن ماهيـب منسيـه
ولا انسى يابني سلمان واعلنها علن واجهـار=ولدكم فيه من جود العرب والطيـب ماريـه
بني عمي مطوعة الصعب سقمن على من جار=ومن حبي لربعي قد عـروق القلـب مريـه
انا بمدح بني عمي وذي مـن ميـزة الشعـار=ورجل مامـدح ربعـه تـرا نفسـه دناويـه
وواجب كل مامريت صوب الجوف لي مسيار=بني هاجـر الا ياحـي مـن طريـة ياحيـه
وكرمت محلف اكرمكـم الله ياحمـاة الجـار=مكرمة الضيوف وعون مـن كثـرة عزاويـه
ووجهته على الوادي مغيب الشمس فالصرار=ونعم ياهل الـوادي الـى مـن قيـل ياميـه
سلام الله عليكم لاغـدا جـو النهـار غبـار=على ذا يشهد التاريـخ وحاضركـم وماضيـه
اقولـه والقبايـل ماعليهـا زود ياحـضـار=وكلن فيـه حـق وكلمـة المـري عموميـه
وكرمت وتعديـت وبغيـت اكمـل المشـوار=ولا والله وعيـت الا وانـا وسـط النعيريـه

الـشـاعـر//حـمــدان الـــمـــري