يـقـول الـشـاعـــر

[الرعب]

السلام عليكم ورحمة الله وبركاته

فـي الـزمـن الـمـاضـي هنـاك قصـص وأحــداث ومعـارك بيـن قبـائــل الجــزيــرة العـربيــة !!

ذكــرنا لـهـا هـنـا هـو من باب الـعـلـــم بالـشـيء !؟

ولأخــذ الـعـبــرة والإسـتـفـادة من تـلــك الأحـداث !؟

وليــس الـمـجــال هـنـا للـتـفـاخـر بيـن قبـيـلــة وأخـرى !؟

فـجـميـــع القـبـائــل فـي الـجـــزيـــرة الـعــربيــة تقـف دون حـقـهـا .. ببـطـولــة متـنـاهـيــة ...

حــدث ان غــزت قبيـلــة عـنــزة عـلـى قـبـيـلــة شمّـــر .. وسـميـت تلـك الغـزوة بمنـاخ ظـفــرة ...

فـكـان الـنـصــر حـليــف شـمــر ...

فـقـال الـشـاعــر الـكـبيــر : مبـيــريـك الـتـبـيـنــانــي القـصـيــدة الـتالـيـــــة بمناخ ظفرة :-

يا نجد ناحي ضدنا بالجهامي = قوطر وخلانا بوجه الاجانيب
يا نجد قوطر للجزيرة ونامي = تنام عيني ما غدا له مطاليب
انحيت ياذبّاح عجفا سنامي = دونك من الديان ما يتلف الذيب
وإن شح في نفعه علينا وشامي = ريف المقا وابا السنين المجاديب
اعتق بك خيال تالي الجهامي = شيخ ولد شيخ خياله منه هيب
ونفرح بجيت مسلط بالزحامي = لا شافته خيل المعادي تقل ذيب
لى حزموا فوق المهار الزنامي = يشدن شليل البسر وقت المراطيب
لى إستجفلت حشوان سودا الجهامي = وخف الجهام وصلّب البدو تصليب
يا زبن مذكور ٍ بظفرة وسامي = الى حد ديرة عصفر ٍ جوبته الطيب
جونا عيال القيق ( الدزيدز) مثل التهامي = رود ٍ يريدون الفياض المعاشيب
شرهوا على الديرة خروق الجلامي = يبون بالسبعان منا مكاسيب
وساقوا علينا دايرين الزحامي = وكل يلحّق للمتلِّي مناديب
وسقنا عليه زمل غوش ٍ كرامي = وزغرت بتالي الزمّل بيض الرعابيب
الى وردت الحدبا على النجر زامي = ملح يورّث بالقوايم من العيب
واللي محاضيني سناها عمامي = تخسف بهم بقع النسور المحاديب
وكل يرد لصيرم ٍ بالحزامي = ويركض على حوض المنيه اليا هيب
وحل القول واقرب سواد الجهامي = بعنا لبعيد اللي ورانا بتقريب
وتنا بنا النزرات بين الجهامي = لى ما وقع به مرزق الضبع والذيب
يا ما وطين الضد وطي إنخدامي = غصب ٍ وطيناهم كمى نعلة الهيب
والشيخ بدل هدّته بإنهزامي = وعقب الكتب نوت تلاح المصاليب
وابن مريخان ٍ تزبّن ردامي = من فعل ربعي ملحقين الاجانيب
جبنا شذى حشوانهم والجهامي = مع حلّة اليدان هي والمغاصيب
كله لعيني فرّع ٍبالحزامي = يشرفن واللي طايح ٍ يمّهِن جيب
يدّنه الحمرا طويل الهدامي = وزاغت قلوب محصّنات الرعابيب
ويا خو ريوف القلب صابه هيامي = متدزرس ٍ غادي سواده من الشيب
على الذي منا تحيزم وقامي = ومن طيحته مع ايمن الريع ما جيب
ولا وادعن بأيام فرقى الريامي = الصبر يالأجواد فيه شارة الطيب

وقـال الشـاعــر عـقـلاء الـجهـيلـــي الـشـمــري :-

ياهيــه ياركــــاب هجن مواجيف= متنحرين صــوب ديرة عمامي
ساروا بهن فتخان الايدي من الليف= من واقصــه مافيهوا للمقــامي
قل يا إمتلى دلوك زحمت الشغاريف=وجليتهن من جال الاطوا هيامي
زليت عنهن يوم شفت الاشاويف = وضربت عن طرق المياه المضامي
يوم اشتهيتوا حربنــا والعجاريف = ربعي كسوهن مثل نور العدامي
كرارتن على الرمــــالات وخليف = يذكربها كن النهـــار الظلامي
حنا الذي نذبح ونخــاف ونخيف = حظفن قريصه مايرد الفهــامي
نذبح ونذبح دون هاكاالحناجيف = سلمى ورمانن واجا والعصامي
ياما ذبحنا دون الاثماد وهييف = وتسعرن من دونه عمارن تســــامي
عزالله ان قلوبكم صمع يا خليف = تردون حوض الموت ورد الضوامي
نعمك من العصلان وعيال ابن سيف = كساية العيــــدان ريش النعامي
وولاد علي شوكة الحرب اهل كيف = حريبهم ما يهتنـــي بالمنامي
يادوبحو بقشوشهن والتطاريف = ياما نزا بخشومهن من غلامي
وحضر القرا يا جوك مثل العنانيف = دمامهم يضرب وهـــم بالتيامي
وزمل الطواليات جنك زفازيف = يحدن بثـــر عدوان ريف الصيامي
يحدن بثر شيخ لنا هد بالسيف = اميرنا خيــــال عجفــــا سنامي
نزه الشوارب مايحب التخاصيف = عوق العديم ليا فرس بالبلامي
يامزنتن غرا نشت له رفاريف = تمطر على ضفرا مطرها انهشامي
تصرخ بها حدب السيوف المراهيف= وتفتح بها بقع النســــور الافامي
تمطر وياقع من مطرها كراشيف = وجنايزن غبـــن بهاكالحـــزامي
روحو عن الديره لنـــا به تصاريف = دونه جرب مصر وطاعون شامي
نبي نقلط ميــــرهن للضيـايف = ياصكو البيبــــان دون الطعامي
دزن بعيدان البلنــــزا وتنجيف = دزن لياما اقفــوا فـــروخ الجلامي

[راكان اليامي]

لاهنت يالرعب على الموضوع الجزل

[فزاع]

تسلم يالرعب على القصة والقصيدة ونعم بك وبربعك يالسنافي.

[فهد بن محسن]

الاخ \ الرعب

تسلم والله على ايراد القصه والقصائد الجميله

تحياتي لك ولاهنت

[الرعب]

مشكورين اخواني على مروركم

والله ماكنت حاب ادخل بمجلس انهنت فيه وانتم تناظرون ضيفكم ينهان بكلام ما يقوله الا الجهيل

حسافه والله

ماني عاجز ارد على ابن عمي

لكن المفروض شي ينبلع وشي لا

تحياتي