قصة وقصيدة الفتاة التي اعتزت وانتخت بقبائل يام.....

[مسفر مبارك]

هذا طال عماركم مهوب شاعرولكنه يكتب الشعر في مواقف تصير له لاغير 00
القصيدة هذي سالفتها ان فيه بنت شيوخ من كبار القوم صار لها مشاكل من طرف عيال عمها بينهم بين يبونها وبنفس الوقت تقدم لها واحد من اللي مايرد لهم أمر (000) طال عمارهم والبنت عايفه عيال العم وعايفه الثاني هذا وهي معروفة بزينها وجمالها00 وله سالفة معها 00 وقامت تشكي وتبكي فقال أبيات عن الموقف يوم حز بخاطره وضعها ويوم قامت تنتخي فيه
وقالت:

(ياليت من عزوته من يام)

فقال الشاعرهذه الابيات

أنتخي ثم أعتـزي يابنـت الاجـواد=الى أدلهم الليل وسرت به وحـوش
حنا الى دارت رحى الحـرب ننقـاد=مايردع مانويناه ملـوك وجيـوش
حنا الشرف والكرامه من زمن عاد=وحنا السهم في مناحر كل مخروش
يام ٍ كما جمر الغضـى لـه توقـاد=يحرق لهيبه من زبن عالي العروش
لا والذي ثبت السمـا بـلا عمـاد=ماننثني مادام في العيـون رمـوش
ياللي نثر في صلاته دمـع الزهـاد=احفظ دموعك ليوم الطعن والهوش
ياما مشينا علـى دروب الامجـاد=وياما روينا بالدم ديـار ٍ عطـوش
خيولنا من فرحها تمسـي سهـاد=نغزي ونغنم ونشبع كـل مهـروش
حريبنـا ميـت ٍ او بيـن الاصفـاد=نبيع ونشري فيه بريـال وقـروش
لعيون زين المهـا غـض الانهـاد=مزيونة ٍ خضبـت كفهـا بنقـوش
يشهد السيف ويشهد رمحي والزناد=ان دم صدري تحت ماطاك مفروش
لطيفك بالحشا ملـك ٍ مالـه انـداد=يبقى بقلبي وان دنت مني النعـوش
يشهد الله وخلـق الله لـي اشهـاد=منساك مادامت الدنيا بها طـروش
انفجر القلب مـن صـدك والعنـاد=كما تفجير ابن لادن ابـراج بـوش
ارحمني يامن كواني بين الاعضـاد=قلبي تنوشه تباريح الهـوى نـوش
ياعل برق ٍ سـرى يقفـاه رعـاد=يسقي ديارك يا ادعج العين مريوش

منقووووووووووول

[عـسـاه خـيـر]

اخوي مسفر الله لا ايهينك على نقل هذه القصه والقصيده الررائعه

[الفرس]

وعقب ما اعتزت به هو فكها من عيال عمها وال .. طال عمارهم .. واللا بس حارت بيده ..

[مسفر مبارك]

أبــو بدر حياااك الله يالسنافــي ولا هنــت علــى مرورك

[مسفر مبارك]

الفــرس أشكرك علــى مرورك والله لا يهينــك بس عطيني رايــك وحده متعزويه بيــام وش تتوقعيــن

[راعيــة الذوووود]

الله يعطيك الف عافيه على نقل هالقصيده الرائعه و القصه
سلمت يمنااااك

[مسفر مبارك]

حياااااااش الله راعيــة الذوود ولا هنتـي على مرورش

[مسعطر]

حنا الى دارت رحى الحـرب ننقـاد=مايردع مانويناه ملـوك وجيـوش
حنا الشرف والكرامه من زمن عاد=وحنا السهم في مناحر كل مخروش
يام ٍ كما جمر الغضـى لـه توقـاد=يحرق لهيبه من زبن عالي العروش

قصيدة و قصة جميلة..

و تبشر بالسعد لأنتخت في يـــام..

و صح لسانك و نقلك الجميل يا ابو مبارك

تقبل مروري و تحياتي..

[مسفر مبارك]

أرررررحب يامسعطــر ولا هنــت يالقــرم على مرورك حياااك الله وأسعدتني بمرورك

[يوران]

يام ٍ كما جمر الغضـى لـه توقـاد = يحرق لهيبه من زبن عالي العروش

صح لسانك ولسان شاعرها

ولاهنت يامسفر