مجالس العجمان الرسمي


مجلس قصائد قيلت في قبيلة العجمان ويام كافة يعنى بقصائد التي قيلت في امراء وفرسان واعيان قبيلة العجمان وقبائل يام كافة وذكر مفاخرهم

رد
 
أدوات الموضوع طرق مشاهدة الموضوع
  #1  
قديم 24-11-2012, 09:06 PM
الناهسي الناهسي غير متصل
 
تاريخ التسجيل: Nov 2012
المشاركات: 3
معدل تقييم المستوى: 0
الناهسي is on a distinguished road
قصيدة مهداه للشيخ فهد ابن قروش والعجمان

بسم الله الرحمن الرحيم
السلام عليكم ورحمة الله وبركاته

سجلت في هذا المنتدى محبة فيكم واناالشاعر فايز بن فاهده الناهسي ضيف عليكم من قبيلة ناهس وهذه أبيات متواضعة إهداء لابن قروش ولي عندكم طلب هو ضيافتي عندكم أن تصل هذه الأبيات لابن قروش ولكم مني كل الشكر واتمنى ان تعذروني عن القصور

سلام يابن قروش اعداد هتان=مزن به البراق عقرب ولاحي
ياشيخ ياللي بالمهمات مزبان=يافزعة المضيوم لا منه صاحي
ريف الضيوف ومزبن لا بدى الشان=ديوان قصرك باشقر البن فاحي
كنز الشجاعة والكرم ياكحيلان=في بيتك الخطار عصر وصباحي
ماهي غريبه فالعلا نجمكم بان=يشهد بطيبك كل من جا وراحي
اقولها ويقولها قاصي ودان=ما للجمايل والوفا والصلاحي
إلا ابن قروش من عطيبين الاكوان= امن ال شامر عزوتن ماتزاحي
يام القبيلة ومركز الجد عجمان=لا جا نهار فيه زرق الرماحي
حرابة تروي القنا وحد شامان=صويبهم يخطي سهوم الفلاحي
فرسان فوق الخيل بالحرب ظفران=شجعان لا هيب صريف السلاحي
اهل التراحيب اللي بالعسر كرمان=فزاعة تهدي طوال اللواحي
قلته وانا من ناهس خو شهران=من لابتن حرابهم مااستراحي
لكن علي وجه الزمن قشر وشان=وضاقت عليه من جميع النواحي
ونصيت قرم ن حاضر كل ميدان=قسمه من الطيب الفقار الشناحي
ابو نغيمش لا بدى اللازم وبان=ابشر بوجهن طلق رضي سماحي
كريم والكريم بامر الله امعان=لو باح جود الناس جوده ماباحي
انخاك يافهد او الذيب سرحان=نخوة عروبة تطلق الي السراحي
بين الفقر ومقابلة وجه ديان=لاقام بي الحظ عود وطاحي
روابعي تزمي ومكسور جنحان=والحر مايشهر لكسر الجناحي
يحرم على مااسوم وجهي بحقران=ال مدعين الطيب وهم شحاحي
منصاي من تبنا له البيض حران=جزل الفعايل والنوايا صحاحي
ان هو قضى اللازم فشكر وعرفان=وان ماتيسر له فمدحه مبحاي
مثل فهد كريم ووسيع ابطان=يلبس من امدحه وسام او وشاحي
وختامها سلامتك يابو راكان=وعفاك وانا ارجي العذر والسماحي


وسلامتكم جميع

التعديل الأخير تم بواسطة : الناهسي بتاريخ 24-11-2012 الساعة 10:49 PM.
رد مع اقتباس
  #2  
قديم 11-01-2013, 01:55 AM
سمو الرووح سمو الرووح غير متصل
 
تاريخ التسجيل: Jan 2007
المشاركات: 31,715
معدل تقييم المستوى: 44
سمو الرووح is on a distinguished road
رد: قصيدة مهداه للشيخ فهد ابن قروش والعجمان


صح الله السناك وتسلم يمكناك

ويستاهلون العجمان فهم أهل الكرم والطيب والشجاعة من غير قصور بالقبايل الأخرى

دمت بحفظ الله.

 

التوقيع

 


تستطيع أن ترى الصورة بحجمها الطبيعي بعد الضغط عليها
كلنا تميم المجد
 
 
رد مع اقتباس
  #3  
قديم 09-04-2013, 07:18 AM
سيل الوادي سيل الوادي غير متصل
 
تاريخ التسجيل: Oct 2010
المشاركات: 93
معدل تقييم المستوى: 9
سيل الوادي is on a distinguished road
رد: قصيدة مهداه للشيخ فهد ابن قروش والعجمان

يستاهل بن قروش وعلى طريق المدح


يـاشـيـخ يـالـلــي بالـمـهـمـات مــزبــان
يـافـزعـة المـضـيـوم لا مـنــه صــاحــي

رد مع اقتباس
رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
طرق مشاهدة الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع إلى

 


الوقت في المنتدى حسب توقيت جرينتش +3 الساعة الآن 02:41 PM .


مجالس العجمان الرسمي

تصميم شركة سبيس زوون للأستضافة و التصميم و حلول الويب و دعم المواقع