بسم الله الرحمن الرحيم
السلام عليكم ورحمة الله وبركاته
اولا احب اقدم اعتذاري للجميع على الاطاله في اصدار الجزء السادس من القصايد وذلك لظروف خاصه ولكن ابشروا بالعوض ياذيابه وابشروا بكل خير
واليوم جايبلكم شي فيه خير وان شاء الله انه يعجبكم
اتصـــــــــــــــــــــــــــــــــــدق
اتصدق انـي عارفـك قبـل لا القـاك=
يعني لـو اشوفـك بشـارع عرفتـك=
واتصـدق ان كنـي معـك واتحـلاك=
وان كان منت بمقتنـع بـي وصفتـك=
اراهن ان مـن ناظـرك مـا تعـداك=
واراهن انـه صعـب جذبـك ولفتـك=
واراهـن ان كنـك مخـدّر بممشـاك=
واراهن ان لك عين حـورى وتفتـك=
واراهنـك ..واراهنـك ..واتـحّـداك=
اني مـن كفـوف الوسـاده خطفتـك=
الله عطانـي منـك يازيـن واعطـاك=
مـن دون لا اشوفـك بعينـي ولفتـك=
في ذا.. او.. هنيا.. اواهنا.. او.. هناك=
ماهو مهم ...بـس المهـم اكتشفتـك=
ولا عاد منهـم خـوف ذولا ..وذولاك=
انـا مـن العالـم كـأنـي صرفـتـك=
ادري بعقلـك ويــن جـابـك وودّاك=
مالـك عليـه ديـن والله ماشفـتـك=
ولاني بساحـر يـوم اعـدد مزايـاك=
لكن نهـر الشـوق فـاض وجرفتـك=
باحساس اضنّه قاصـرٍ مـن حلايـاك=
شفتـك بقلبـي وبقصيـدي حذفـتـك=
لكـن تعـال وكـل مـاراح يـفـداك=
وحقك علـي ان كانـي مـا عرفتـك=
دكتور العيــــــون
(
يامؤمن الريفـي )انـا جيتـك زبـون=
جيتك على مدح اكثـر النـاس وعنيـت=
جيـت وتعالـى الله عمّـا يشـركـون=
لولاه (يامؤمـن) لطبـك مـا اهتديـت=
راضي بحكـم الله علـي مهمـا يكـون=
عالج عيوني لـو بعـد طبـك عميـت=
ودي اخاشر فالبصـر مـن يبصـرون=
واشوف دربي لا سرحـت ولا ضويـت=
والى قنصت اثبت مـع اللـي يثبتـون=
واشوف طيري كل ما اوميـت ودعيـت=
ياااكثر ما يضـرب خويـي (الطابلـون)=
من كثـر مـا اكلّتـه مطبـاات وكليـت=
وودي اشـوف اللـي علـي يعرضـون=
وبعض الليالي ودي اسـري دون ليـت=
وااشوف نـاس ٍ فالقفـا مـا يرحمـون=
امـا وقفـت لصاحبـي والا مشـيـت=
مـن دون نظـاره ولا هـم يحـزنـون=
يااا كثر ما كسّـرت كشمـات وشريـت=
لكـنٌ يـا دكتـور جعلـك مـا تهـون=
ابغيك كلمـت راس دامـك مـا بديـت=
اسمع......ولا ابغي اللي وزانك يسمعون=
ربي كتب يكشف لك اسـراري وجيـت=
صورة عديل الـروح عنـدك فالعيـون=
واخاف تقطعهـا بموسـك مـا وعيـت=
ولا عليك امر..اطوهـا تحـت الجفـون=
وعقبه لو تقطـع عيونـي مـا شكيـت=
هي راس مالي والعـرب مـا يدركـون=
اني على بـاب الممـات و مـا حكيـت=
ياقـو قلبـي يـوم قـفـن الضـعـون=
اللـي علـى ذاك المـوادع مـا بكيـت=
ويا صبر صبـري والعـواذل يحسبـون=
اني دلهـت مـن الهـوى والا سليـت=
اسكت عساهم مـن سكاتـي يسكتـون=
وانا عن اللي في ضميري مـا انتهيـت=
وادور الفرحـه مـع اللـي يسهـرون=
وان ذكرونـي خـذت فنجـال وسريـت=
اخذت من وقتـك يـا دكتـور العيـون=
عالج عيوني لـو بعـد طبـك عميـت=
واستر علي واللـي معـك لا يفطنـون=
انت الوحيـد اللـي بعـد ربـي دريـت =
الحـــــــب مثل النوم
الحب مثل النوم .. والوصل .. الاحلام=
والشيين من الاحلام..صـد المحبييـن=
نوم ٍ طويل ٍ عمره اشهوور واعـواام=
وان قمت.. ففهمها فرااق وسهر عين=
وانا رقدت وعمري اربع عشـر عـام=
وصحيت في شهر اربعه عام الالفيـن=
نـوم ٍ ثقيـل ٍ كلـه احـلام واوهـاام=
ونصيبي من احلامه الجانـب الشيـن=
صحّى الفرااق اقلوب في عكسه..نيـام=
وغاب الفرح وانا بعكسه الى اللحيـن=
ياحزن كبدي حزن من ضاق ثم حـام=
اخذت فروخه مـادرى ليـه ولويـن؟=
بعد ما شاف العـش عيـدان وعظـام=
خاالي..تفكر فووق ويساار.. ويميـن=
خلا عشاها فيه ومـن الوطـى شـاام=
زبن علـى روحـه وفـل الجناحيـن=
وياوجد حالي وجد من نـام ثـم قـام=
على صياح امـه وهـو دون رجليـن=
عويق وامـه تنعتـه والنعـت سـام=
وهو خابر انه يقسم الصـف صفيـن=
حبا وصاح بصيحـة ٍ تاصـل الشـام=
منهـا تقطّـع فـي خفوقـه شراييـن=
على وليـف ٍ قسـم اظنونـي اقسـام=
واقفى وانا ما اعرف طـرد المقفيـن=
راح وترك في صدري ووسووم واعلام=
وصى علـي طيفـه وقفـى بقلبيـن=
ليتـه تعـذّر كـان مـاهـو بـمّـلام=
بعد ماشااف الـدرب بيسيـر دربيـن=
اشوى عليه شوي..من عـظ الابهـام=
واشوى علي شوي..من دمعة البيـن=
تمشـي بنـا الاقـدام والمـوت قـدام=
وميعادنـا يمفـرق اثنيـن بعـديـن=
ياعيـن لا تبكيـن وعيونـه تـنـام=
عادش الى ما خـاب ظنـي بترضيـن=
لـو الدمـوع اتفيـد فـادن الايـتـام=
ولو الكـلام يفيـد عـادت فلسطيـن=
ولـو النبـاات يطّلعـه دمعـة هيـام؟=
شفتوا على وجهـي ورود وبساتيـن=
الحب سجن..وبعد الاحبـاب الاعـدام=
وقلوبنـا السجّـان مـدري مساجيـن=
الحب نوم ٍ عمره اشهـوور واعـوام=
....=
وانا تراااي انعست مـن مـدة ايـاام=
لحدن يصحينـي يالاقـداار ..تكفييـن=
كيك وعســــــــــــــــــل
بعض العرب حبـه يـوردك الجنـون=
ولا يوصف لـه غـلاه احكـاك لـه=
مايقنعه وصف الغلا لـو وش يكـون=
لو كل حـرفٍ بالحريـر يحـاك لـه=
الموت جـاك وهـو تقلبـه الضنـون=
ولا لك الا الصبر....وش وداك لـه؟=
ان قلت ضايق..قال : هونهـا تهـون=
مايدري ان ضيقتك لـه وبكـاك لـه=
تقعد تحبه وانـت ساكـت ومغبـون=
يمكن بيوم يقال لـه مـا اوفـاك لـه=
وكانك مشكك هو يمون .. او ما يمون=
تخيّل ان عفـت الصبـر فرقـاك لـه=
غلاه من فـوق الغـلا ماهـو بـدون=
وحكاه سمعك يجبـرك بارخـاك لـه=
ودك تحطـه فالعيـون مـن العيـون=
وتبسط على رمضى الثرا يمنـاك لـه=
وتظله من الشمس في ظـل الجفـون=
ولا يمـر اذنـه سـوا لبـاك لــه=
وتسج مـن غيـره لونهـم يذكـرون=
ومنين ما سجت القـدم ممشـاك لـه=
فلو ٍ يميلـه التـرف ميـل الغصـون=
غصن ٍ ليـان ومكرمـه بسقـاك لـه=
جديله الى اقفى ستـر منـه المتـون=
كنّـي بريحـه لالتفـت لدعـاك لـه=
يزها الملابس ..اي لبس ..واي لون=
وفالليل وجهـه لا ظهـر قـداك لـه=
كيك وعسل لكن ماهو فـي صحـون=
ودعاك من عين الحسود اغطـاك لـه=
الله لا يعطيـه نـاس س ينضـلـون=
ويستر عليـه مـن النحـل لا ياكلـه=
الوصف والتعبير في وصفـه يخـون=
غير اطلب الله يستجيب ادعـاك لـه=
وعذال قلبـك فـي محبتـه يخسـون=
سكينهـم عـن قطـع حبلـه حاكلـه=
ناس ٍ عن اعراض العرب ما يعرضون=
وحلوقهـم دافـع الـبـلا متواكـلـه=
اللـي مـن لحـوم الاوادم ياكـلـون=
ودايم على نفـس الشكـل والشاكلـه=
يدعيهـم الشيطـان للذنـب ويجـون=
هـذا يقـطـع لــه وذاك يواكـلـه=
فـي سلمهـم اولا بالاكـل الاقربـون=
واطيبهم اللـي صيدتـه شكـواك لـه=
من جاك منهم لا تبّيـن لـه سنـون=
واضرب يمينه لا بغـى يسـراك لـه=
يا جعلهم فدوة ثـر الغـض الفتـون=
اللي على الدرب الطويل اخطـاك لـه=
طيفه الى نـام البشـر زارك بهـون=
وطيفك الى نـام البشـر سـرّاك لـه=
حبه دفان ومقبـرة خضـر الطعـون=
بيـن العظـام العـوج كنـك ناكـلـه=
فلو ٍ غلاه يـوردك حـوض الجنـون=
ولا يوصف لـه غـلاه احكـاك لـه=
وحبيت اني اقدم قصيدة كيك وعسل في مقطع صوتي لطلب احد الاصدقاء العزيزين لي ان انزلها مقطع صوتي
ليه المسا عوق الشقـاوي وطبّـه؟=
وليه الهبوب تصحي القلب لا بـات؟=
وليه القمر يدعـي جريـح المحبّـه؟=
ويقول له يا هيه..ما فات ..ما مـات=
جرحك ظهر لو قلـت للوجـه خبّـه=
وللحزن في ضحكك رسوم وعلامات=
وليه المطر بالذات ريحـه.. وصبّـه=
كنّه رسول بيـن الاحبـاب بالـذات؟=
اشتـاق فيـه لشوفـتـك واتنـبّـه=
للي نسيته مـن مواقـف ونظـرات=
لا استانس الخافق ذكر مـن يحبّـه=
ورجع يراجع فالوناسـات مـا فـات=
يا مرتـع القلـب الحزيـن ومربّـه=
يزيين بك مثل الذهب صدر الابيـات=
هيهات ينسى القلب شخـص ٍ لعبّـه=
وهيات يدله خاطري منـك هيهـات=
سبك مديح ومـدح غيـرك مسبّـه=
تقول واذني صوتها تقول لك هـات=
ونبع الغلا عنـدك وعنـدي مصبّـه=
ومن الولا .. في خافقي لك ..ولاياات=
وطيفك حطب عيني..وعيني مشبّـه=
والشوق برد ٍ ما انقطع لو للحظـات=
ومكانك الصدر ولـك القلـب شبّـه=
بين الظلوع اللـي فردهـا التنهـات=
ولك بيـرق ٍ فالقلـب حبـك يهبّـه=
شامخ ولا هزه من العـذل غـارات=
محبتـك فالوقـت ذا مــا تشـبّـه=
الا بخيمـة بـدو بيـن العـمـارات=
ان شفتني ضايق واهوجس واسبّـه=
اخاف غدر الوقت.. والوقـت دورات=
لا تحسب ان دمعي نـزل دون سبّـه=
ابكي من الفرقا وهـي مابعـد جـات=
الـيـوم كــل امورنا..مستتـبّـه=
وبكره ماندري وش معه من مسرّات=
اربّ قلبـك مثـل قلـبـي اربّــه=
ما يخلفه شور العـرب والمسافـات=
هــــــــــذي جزاتـك
الله يجـازي مــن يـسـوّي سـواتـك=
وبذنووب مـن سـوّا سواتـك يجازيـك=
مشيـت درب الثقـل وتـحـب ذاتــك=
مـاتـدري انــه للمهـالـك يـوديـك؟=
وغـرّك جمالك...يـا خسـارة حـلاتـك=
ماتـدري ان ماغيـر طبعـك يحلـيـك؟=
بتـقـول زيـنـك يشـفـع لسيئـاتـك=
الحسن ماهو عـن وفـا الحـب يعفيـك=
لـو التواضـع والوفـا مــن سمـاتـك=
بعـت الحبايـب كلهـم ..دين..واشريـك=
لكـن عجـزت اغيـرك ..يـا جـراتـك=
على الغيـاب اللـي بـلا عـذر ينجيـك=
خطاي....فـي توضيـح وشـي غلاتـك=
وخطاك....فـي توضيـح وشـو تغليـك=
مـافـاتـك التجريح...والعـذر..فـاتـك=
وتبغي رضاي الحيـن!! ماعـاد يمديـك=
صحيـح احبـك .. بـس هـذي جزاتـك=
باعلـمـك درس ٍ يفـيـدك ويحـيـيـك=
تدري وش ابيض من خفوقك؟؟...عباتـك=
وتدري وش اللي غرني؟؟...نظرتي فيـك=
ادري بتستغرب..تـصّـبـر وجـاتــك=
قصيـدة ٍ مـن واحـد ٍ كــان يبغـيـك=
وتبغـي تناظـر وانـت عايـش مماتـك=
شف وحدتـك والنـاس تجلـس حواليـك=
وتبغي تشوف اشجع رجـل فـي حياتـك=
شفني......وانا راحل...على كثر ما اغليك=
العقـــــــــــــــــــــاب
يـالـعـقـاب الـلـي عـلـى الـمـشـراف وسـع لــي تـرانــي=
ضـايـق (ن) مــن عـامــا الاول وادهـلــه قـبـلــك وادلــه=
يـوم ربـي قـد كـسـاك بـريــش وش لــك فــي مـكـانــي=
مـاتـخـاف مــن الـعـقـوبــه يــوم تـاتـيــه وتـحـلــه=
دام لـك جـنـحـان وش تـبـقــي بـمـشــراف الـبـيـانــي=
خـل مـشـراف الـفـقـيـر الـلــي بــلا جـنـحــان خـلــه=
ذا مـكـانــي يــوم رمــح الـغــدر مــن حــره زوانـــي=
مــا لـخـتـالــي عـلــي حـجــه وانــا سـلــه ودلـــه=
وهـو عـلــى مـاقـيــل شـمـاعــة هـمـومــي لابـلانــي=
صـاحـب(ن) يـاكـل يـديـه وهـو عـلــى مـذهــب ومـلــه=
وهـو مـلاذي عـقـب خـالـقـنـا جـمـيــع الــى ضـوانــي=
ظـيـقــة فـالـصــدر ولا جـاتـنــي لـلــدمــع خــلــه=
لابـديـتــه مـاحـســد راع الـتــرف واهــل الـمـبـانــي=
يـحـسـبـون ان فـرقـهــم واضــح عـلــي واقــول لـلــه=
سـجـة فــي راس مـشـرافــي وانــا اغـطــرف الاغـانــي=
والله انـهـا فـي عـيـونــي عــن مـيــة فـنــدق وفـلــه=
فـيـه احـس انـي عـلـى احـسـن حـال وانـي شـخـص ثـانـي=
واتـحـلــل مــن حــرام الــهــم لاجـيــنــه واحــلــه=
وذا مـكـانـي عـقـب مـاصـبـري عـلـى كـبــدي كـوانــي=
والله ان كـنــي عـقــب فـرقــاه بـيــن كـفــوف مـلــه=
واحـد(ن) زلـه حـشـاي ومـسـكـنــه بـيــن الـمـحـانــي=
مـسـكـنـه بـيـن الـمـحـانــي والـحـشــا والـصـدرزلــه=
قـلـتـهـا لـه قـبـل لا وقـتـي عـلـى الـشـعـر يـحـدانــي=
خــايــف مالله يـتــمــم واعـــرف ان فـــلان عــلــه=
قـال خـل اشـكـوكـك الـلــي تـتــرك الــراوي ظـمـانــي=
مـايـصـيـبـك فـي جـبـيـنـك مـن خـلـقــك الله تـشـلــه=
قــلــت ذا والله بـــلاي واشـــوف وش مـــدة زمــانــي=
لايـكـون الـلـي كـتـب لـي (فـارقــه مــن غـيــر زلــه)=
لا تـضـيــق مــن الـتـشــاؤم واحـتـمــالات الأ نــانــي=
خـايـف(ن) اشـرب بـعـد كـاس الـنـصـر كــاس الـمـذلــه=
قـال وش تـبـغـي بـحـكـي الـحــزن والـدنـيــا فـهـانــي=
لاتـعـيـشـنــا زمــان الـحــزن قـبــل يـحــل حــلــه=
قـلـت مـاتــدري وانــا الــداري بـعـاقـبــة الـتـمـانــي=
غـيــر عـاهـدنــي وريـحـنــي واشــل الـحــزن كـلــه=
قـال شـفـت الـمـوت لـو بـيـدي مـاهـو كـفــو لـخـذانــي=
بـس لاتـشـره عـلـي لــو لـبـسـونــي غـصــب حـلــه=
قـلـت اجـل وانـا وفـاي مـن الـجــدي حـتــى الـيـمـانــي=
مـرتــضــي غــيـــرك ولااظــنـــه ولاظــنـــي لابالله=
قـال اجـل سـلـم عـلــى روحــك وانــا كـلــي تـهـانــي=
يـــوم عــرســك والله ان اهـــل مـجــدولــي وافــلــه=
وراحـت اسـنـيـن الـتـلاقـي مـشـيـهـا مـشـي الـثـوانــي=
مــادرى عــن حـبـنــا الا ظــل مـحـبــوبــه وظــلــه=
غـيــر حــول يـالـعـقــاب وخــل مـشـرافــي تـرانــي=
ظـايــق(ن) مــن عـامــا الاول وادهـلــه قـبـلــك وادلــه=
قـلـتـهـا مـاقـصــدي انــه يـقــال صــح الله لـسـانــي=
قـلـتـهـا لـعـيـون مــن سـبــب كـتـابـتـهــا لـعـلــه =
مـــــــــــــــاجور
ماجـور ياللـي مـن فراقـك تعلمّـت=
ان الزمـن يومـيـن طيّب..وخـيّـب=
فاجئتنـي بمفارقـك مــا تولـمّـت=
كـذا بـدون اسبـاب عنـي تغيّـب؟؟=
مامـت مـن فرقـاك لكـن تألـمـت=
وراسي مشيّب لو ما راسـي مشيّـب=
ولولا السحا من عاذلـي مـا تلعثمـت=
طاولته اللـي فـي يـدي مـن قريّـب=
اضحك واسولف وان لحقني سهر نمت=
لكـن قـسـم بالله مـانـي بطـيّـب=
اكافح اهل الشمت بالسمت ..والصمـت=
ومن شوفتـك صدفـه قعـدت اتهيّـب=
اخاف اشوفك واكسر الصمت ..والسمت=
وادعيـك تـو النـاس وانـا مغيّـب=
جيشك علي ما فـاز وانـا استسلمّـت=
وذل المحبـه ذل مـا هــو يعـيّـب=
تدري من المخطي ولـو مـا تكلمـت=
ياللـي لضنـي ضنتـي مـا تخـيّـب=
والمعــــــــــــــــــذره على القصـــــــــــور
25-04-2007, 06:18 PM
العرض العادي
المواضيع المتشابهه
