هذى محاوره جرت بينى وبين الشاعر الكبير جمل القحطانى
وجمل اعتبره شاعر من الطراز الاول ومدرسه شعريه
وبسبب الاصلاحات شطبت وانا عملت لها اعاده هنا
جمل شفنا الجمال الى تهادر عندكم للحين=ولو صفيت 100 فيه 100 حالتـك حالـه
تحسب ان القضيه كلها حبحب على السكين=وراس الذيب باقى فالجبل لو ذبحت اعياله
عبرت البحر ولا فالبحر تلعب على الحبلين=لفوك القوم يابو زيد رجليّه وخياله
أنا بحوّل أوراق القضيّه عالشريف حسين=وراس الذيب في وسط القلص وندوّر بداله
تقول القوم وانت القوم عندك مابهـا ثنتيـن=وراها الشايب الى راس باكـوره تورالـه
عطيتك علم وحذر لا تروح ايسار ولا يمين=وانا اعرفك جمل بس الجمل قافيه جمالـه
عسى ربي يعزّ الدين ويخلي رجال الدين=وأبو باكور ليته يترك الباكوره أشوى له
عقلت العلم وانته يابدر في حلقة التسعين=وجمل قحطان لاركى للحمل في ساعةٍ شاله
عطيته صاع بر ورد لك فالتاليه صاعين=لاكن اسمع ترا راس الولد طالع على خاله
تشيل الحمل ولا ماتشيله كل مابـك زيـن=ليا قالو جمل باقول ربـى كثـر امثالـه
ترى من نفّص أعيونه فقعنا له سواد العين=ولو جمّع عمامه مع خواله ماحموا جاله
ألا ياربعنا العجمان ردّوا الدين لاهل الدين=قبل مانكتف الرجال ونكوش على ماله
نطحت الجمع مير الجمع جاكم عقبها جمعين=تقـول وتعتـزى لاكـن يبرالـك وتبرالـه
معاك الناس حين وحين يارعى المثل مقفين=ولا تجهل زمانك ياوسيع العـرف وحوالـه
تجونا صف واحد يابدر ولا على صفين=جبلنا ماتحرك وانشد أهل العرف والطاله
مادام انْك بذرانا هون الدعوى يابو حثلين=مصير اللي يغنّي يتعبه ترديد مواله
مدام ان الجمل ماغير فتح عين سكر عين=تبا تقول العرب هذا الجمل يجفل من ظلاله
انا رسيتها واليوم لك نخله ولـك سيفيـن=يازين اهروج صاحبنا لا منه نكس اعقاله
اذا ماوسعكم قبرٍ حفرنا ياولد قبرين=وكفن رجالكم ثوبه ووجهه تحت دسماله
إذا رسيتها شف حبتك من عام تحت الطين=ياطيب اللي يعرف البيت مخراجه ومدخاله
ليا لاقيتنا روحت تعلجها علـى اللحييـن=ياكم غيبت شمس الى جهل بالعلم و اهلاله
انا اذكر لاكن اصحابنا ياطيبهـم ناسيـن=وابو حكمه يقول الى من الامثال يحلالـه
ليا قابلتنا راحت عظامك يالبليد إطحين=وصلّى الله وبارك عالرسول محمد وآله
حجزنا لك خصوصي رحلةٍ من فوق ابو دقلين=عسى ربي يحفظ البدر في حلّه وترحاله
.................................................. ......................................
بدر العجمى
استاذى الكبير وشاعرى المفظل
الختام عندك
واشكرك على هالحصه المجانيه التى استفدت فيها بالاحتكاك مع شاعر بحجمك
طول الله فى عمرك
واشكر جميع من شرفنا فى مروره من هنا
تصبح على خير يا الغالى جمل وانت والله تاج فوق الراس
.................................................. .....................................
جمل القحطانى
أخوي الغالي بدر العجمي ( عابر سبيل )
يشهد الله انه شرف كبير اللعب معك
جعلك تسلم وانت غالي على قلب أخوك
لاهنت وتصبح على خير
08-03-2006, 10:31 AM
العرض العادي
المواضيع المتشابهه
