سقى الله يوم كان البدر في كوني يشع بنور

[عبدالرحمن الجبابرة]

السلام عليكم ورحمة الله وبركاته
أتمنى بأن تحوز على رضاكم واستحسانكم

أنا والليل ونجم سهيـل ودمـع ٍ بالمقـل منثـور=أحاسيس ٍعقب ماهـي قصايـد جـات منثـوره
أسى وفراق حـزن بداخلـي يغلـي كمـا تنـور=ويلهـب مثـل مصفـاة النفـط فـي راس تنـوره
سقى الله يوم كان البدر في كوني يشـع بنـور=الى ارخى الليل جنحانه يسامرني بسنا نـوره
حبيب ٍ لي عطاني كل احاسيسه هوى بشعور=الى مـنّ الهـوى هـبّ بنسايـم هفهـف شعـوره
كحيل العين الى منـي نظرتـه يبتسـم بسـرور=عساني ما اعدم النظره ودام السعـد بسـروره
حسين الدل يجبر خاطر اللي خا طره مكسور=ويشفـي بالـدلال الإنكسـار وتشـفـي كـسـوره
غيابـه يـوم عنـي بحسبـه بسنيـن عــد دهــور=الـى منـي فقدتـه صـرت مثـل ديـار مدهـوره
والى منّه لفا ني خالت المزن انبتـت بزهـور=الا يازين يومن تنبت أرضي بزاهـي زهـوره
حبيب ٍ لي لببيـبٍ والوفـا طبعـه كريـم بحـور=ألا ياسعد من يبحر ويرسـي بشاطـي بحـوره
تذكرتـه وانـا مـا قـد نسيتـه نقـشـه المحـفـور=وفي قلبي رسمته نقش لوحـة حـب محفـوره

دمتم بود ووفاء

[مسفر مبارك]

صح لسانك .. مبدع ومتذوق ...!

[ياليل ما اطولك]

غيابه يوم عني بحسبه بسنيـن عـد دهـور
الى مني فقدته صرت مثـل ديـار مدهـوره
والى منّه لفا ني خالت المزن انبتت بزهـور
الا يازين يومن تنبت أرضي بزاهي زهوره


قمـــه في الجمــآل ..

صح لســـآنكـ و داآآم لنــآ فيــض قلمكـ اخي الفاضل ...

مو.دتي

[محمد نادر سويد]

الاخ عبد الرحمن الجبابره

صح لسانك على القصيده

الجزله ولاهنت تقبل تحياتي

اخوك

[محمد الغيثاني]

سقى الله يوم كان البدر في كوني يشـع بنـور=الى ارخى الليل جنحانه يسامرني بسنا نـوره
غيابـه يـوم عنـي بحسبـه بسنيـن عــد دهــور=الـى منـي فقدتـه صـرت مثـل ديـار مدهـوره
والى منّه لفا ني خالت المزن انبتـت بزهـور=الا يازين يومن تنبت أرضي بزاهـي زهـوره
حبيب ٍ لي لببيـبٍ والوفـا طبعـه كريـم بحـور=ألا ياسعد من يبحر ويرسـي بشاطـي بحـوره
تذكرتـه وانـا مـا قـد نسيتـه نقـشـه المحـفـور=وفي قلبي رسمته نقش لوحـة حـب محفـوره

مبدع وامتعتنا بقصيدك الاكثر من رائعه

[سعيّد ابوجعشه]

عبدالرحمن الجبابره صح السانك على القصيده الجزله ولاهنت

وفي

انتظار جديدك

[عبدالرحمن الجبابرة]

أخي العزيز : مسفر مبارك

صح بدنك وسلم فكرك
عسى النور فالك وبيض الله وجهك
لاعدمناك


دمتم بود ووفاء

[عبدالرحمن الجبابرة]

الفاضلة : ياليل ما اطولك

صح بدنك وبيض الله وجهك
حضورك وتذوقك النقي محل تقديري


دمتم بود وفاء

[عبدالرحمن الجبابرة]

أخي الكريم : محمدالنادراشامري

صح بدنك وسلم فكرك
وبيض الله وجهك
حضورك محل تقديري واهتمامي
لاعدمناك


دمتم بود ووفاء

[عبدالرحمن الجبابرة]

أخي الفاضل : محمد الغيثاني
الإبداع في حضورك وتذوقك الراقي
بيض الله وجهك ولاعدمناك


دمتم بود ووفاء