وين الرجال اللي مشاكيل وقروم

[منصور بن منيخر]

السلام عليكم ورحمة الله وبركاته

عزيل من رافق مقاريد ورخوم=سود القلوب اللي من الحقد مليا
اللي سوالفهم كما ريحة الثوم=يغلون من طيب الأجاويد غليا
من بينهم كني غريب من القوم= وهذي سوات اللي نواياه عليا
وين الرجال اللي مشاكيل وقروم=مثل الحرار اللي براس الجبليا
شقر الحرار ولا يقرب لها البوم=ولاهيب تنزل فوق حدب السهليا
مثل الذي جنسه مع الناس معدوم=صادق ولامن قال هرجه فعليا
أبو محمد طيب الراس شغموم=وافي ولامن غبت عنه أتصليا
يا خوك عيني حاربت لذة النوم=وعلي السهر يا خوك صعب أحتمليا
لا يا فهد قلبي له أيام مهموم=وأنا علي الله ثو عليك أتكليا
أشكي وكني ساري الليل منجوم=ولا يشيل الحمل كود الجمليا
أمن الكسل كني لي أيام محموم=لكن لا شفتك يروح الكسليا
يا شيخ ويش الراي في جيلنا اليوم=ويش الحلول الصايبه والعمليا
الحر هذا الوقت ما يدرج الحوم=والبوم في قمة جبلها نزليا
والسيف من جور الزمن صابه أثلوم=حتي الكديش اليوم شاش وصهليا
ولانيب من رفقة هل الطيب محروم=مثلك يكفي لو ضربت المثليا
وأدري بصدقان الرخي فالرخي كوم=ويا قلهم يا شيخ وقت الصمليا
أن جاء نهار(ن)فيه همات وعزوم=فيهم علي ما قيل خاب الأمليا
صحيح للعالم تقاليد وسلوم=غير الحثاله من صحبها حثليا
والناس تكره من به الكبر والزوم=مهذار وجهه ما يعرف الخجليا
وليا دعيته يقعد شوي ويقوم= وأن سمع له هرجه لغيرك نقليا
قلته وأنا ماني علي اللاش ملزوم=الأرض للطيب وسيعه وخليا
لا صرت لا ظالم ولا نيب مظلوم=وما همني هرجة عذول(ن)عذليا
وشرواك من روس القبايل معي دوم=كم واحد(ن)لا غبت عني سأليا
وألا الردي من رافقه يلحقه لوم=أدنات كلمه منك صد وزعليا
لو كان يملك مال كامل وجمجوم=فرقاه فوق الكبد مثل العسليا
ولا خير في رجل(ن)بغيض(ن) ومذموم=اللي ليا جوه الطراقي بخليا
أمن البخل وده تروح السنه صوم=همه علي الدنياء يصر الهلليا
جتك القوافي كنها بارق أغيوم=وألا كما مخزون بيت النحليا
فيها من الحاضر سواليف وعلوم=عن ما جري يا شيخ واللي حصليا
والختم صلي الله علي خير معصوم=كسر صنم مكه وأزال الجهليا

[ابومحمد الشامري]

لا هنت يا ابن منيخر على القصيدة الجزلة والرائعة صح لسانك يا السنافي على هذه الرائعة الشعرية

[راكان اليامي]

لا يـا فهـد قلبـي لـه أيـام مهمـوموأنـا علـي الله ثـو عليـك أتكليـا
أشكي وكنـي سـاري الليـل منجـومولا يشيـل الحمـل كـود الجملـيـا
أمن الكسل كنـي لـي أيـام محمـوملكـن لا شفتـك يــروح الكسلـيـا
يا شيخ ويش الراي في جيلنـا اليـومويـش الحلـول الصايبـه والعملـيـا
الحر هذا الوقـت مـا يـدرج الحـوموالبـوم فـي قمـة جبلـهـا نزلـيـا
والسيف من جور الزمن صابه أثلـومحتي الكديش اليـوم شـاش وصهليـا
ولانيب من رفقة هل الطيب محـروممثلـك يكفـي لـو ضربـت المثليـا
وأدري بصدقان الرخي فالرخـي كـومويا قلهـم يـا شيـخ وقـت الصمليـا
أن جاء نهار(ن)فيـه همـات وعـزومفيهم علـي مـا قيـل خـاب الأمليـا
صحيـح للعالـم تقالـيـد وسـلـومغيـر الحثالـه مـن صحبهـا حثليـا
والناس تكره من بـه الكبـر والـزوممهذار وجهـه مـا يعـرف الخجليـا
وليـا دعيتـه يقعـد شـوي ويـقـوموأن سمع لـه هرجـه لغيـرك نقليـا
قلته وأنا ماني علـي الـلاش ملـزومالأرض للطيـب وسيـعـه وخلـيـا
لا صرت لا ظالـم ولا نيـب مظلـوموما همنـي هرجـة عذول(ن)عذليـا
وشرواك من روس القبايل معـي دومكم واحـد(ن)لا غبـت عنـي سأليـا
وألا الردي مـن رافقـه يلحقـه لـومأدنـات كلمـه منـك صـد وزعليـا
لو كان يملك مـال كامـل وجمجـومفرقـاه فـوق الكبـد مثـل العسلـيـا
ولا خير في رجل(ن)بغيض(ن) ومذموماللـي ليـا جـوه الطراقـي بخلـيـا
أمن البخل وده تـروح السنـه صـومهمـه علـي الدنيـاء يصـر الهلليـا
جتك القوافـي كنهـا بـارق أغيـوموألا كمـا مخـزون بيـت النحلـيـا
فيها من الحاضـر سواليـف وعلـومعن ما جري يا شيخ واللـي حصليـا
والختم صلي الله علي خيـر معصـومكسـر صنـم مكـه وأزال الجهلـيـا
وسلامتكم,,,,


يابن منيخر ياخوي قصايدك عيني عليك بارده تهيض لاهنت ياذيب وماشاءالله عليك
وسجل اعجابي بقصيدك الرائع

[أبو محمد]

صح لسانك يابن منيخر

[حبيب]

صح الساااانك يابن منيخرررررر


ولاهنت وبيض اللهة وجهك


قصيده جزله من جزل


وتستاهل التثبيت

[MSH3AL]

صح لسانك

والله لايهينك على الجزله من راسك الجزل


تقبل

سلاااااااااااااامي

[الـكـادي]

صح السانك ولاهنت على القصيده الي تثلج القلب

[فهد بن محسن]

ابن منيخر

ارحب

وصح لسانك يالقرم وبيض الله وجهك .... عز الله قصيدة جزله

تحياتي لك

ولا تحرمنا ابداعك يالغالي

[محمد الشامري]

الله عليك يابن منيخر

صح الله لسانك

ولاهنت على ذا القصيده الجزله

[منصور بن منيخر]

أشكر الأخوة الكرام
علي هذا الرد الطيب
والله لا يهينكم وبيض الله وجيهكم