التميس

[الغروب]

بسم الله الرحمن الرحيم

السلام عليكم ورحمة الله وبركاته


التميس




كاستين دقيق ابيض فاخر



ننخل الدقيق بمنخل ناعم

ملعقة صغيرة ملح

نص ملعقة صغيرة خميرة فورية

ملعقة صغيرة حليب بودرة

ربع ملعقة صغيرة سكر

" يساعد على تخمير العجينة "


فنجال قهوة زيت




نخلط المكونات

ونعجن بأضافة الماء بالتدرج

" عجينة متوسطة الليونة "



نفرد العجينة



جبن شدر مبشور




الجبن على العجين




قفّل على الجبن



أقلبها وأفردها بالفرّادة وخرمها بالشوكة

حمّي الفرن


والتميس في صينية في الفرن شعلة من تحت


وراقبها حتى تتحمّر من تحت


وبعدها شعلة من فوق حتى تتشقر( هذي أكثر تهذيبا" )





التميس جاهز









:

:

:

لأحــد يطلع ماخلصنا



عندنا الشــاي العدني

جوزة الطيب



شاهي فرط( حبيبات)



4 حبات هيل

4 حبات مسمار( تدق بالهاون )


نبشر قليل جدا" من جوزة الطيب



علبة حليب صغيرة مركز




3 كاسات ماء نقي




فنجال ونص " قهوة " سكر



نغلي الماء والسكر



نضيف 3 ملاعق صغيرة شاهي




ويترك حتى يغلي

ونضيف البهار وعلبة الحليب بالكامل



ويترك حتى بداية الغليان ...ونطفي النار





الشاي جاهز





وبالعافيه

[عليل المحبه]

ربي يعافيش

طلع التميس شغلته شغله
اشوف بريال افضل



لاهنتي على الوجبه الخفيفه

[ناثرة الورد]

.. وعليكم السلام ورحمة الله وبركاته ..

{ دائماً تجوعيني بروعة ما تقدمينه لنا

دمتي ودام قلمكِ لا ينقل الا ما هو رائع دومـا ~

[القرناسة]

يه يه يه شغل عدل

بس الشاي العدني يخلي الواحد يطوطح لوووول


جوزة الطيب يقولون حرام لانها تعتبر ماده مسكره مثل الحشيش


ويعطيج العافيه ع الشغل العدل

[الغروب]

المشاركة الأصلية كتبت بواسطة عليل المحبه

ربي يعافيش

طلع التميس شغلته شغله
اشوف بريال افضل



لاهنتي على الوجبه الخفيفه

عليل المحبه

حياك الله

بالتأكيد التميس شغلته طويله ( احسن شئ الجاهز ) بدون حوسه وعجين وووالخ

تشرفت بمررورك

[الغروب]

المشاركة الأصلية كتبت بواسطة ناثرة الورد

.. وعليكم السلام ورحمة الله وبركاته ..

{ دائماً تجوعيني بروعة ما تقدمينه لنا

دمتي ودام قلمكِ لا ينقل الا ما هو رائع دومـا ~

ناثرة الورد

تشرفت بمرورك الغالي

ولالالالا للجـــــــــووووع لانه لوجربتي التميس ع الفطووور راح تتمنين الجوع

ماشاء الله

ودي واحترامي.

[الغروب]

المشاركة الأصلية كتبت بواسطة القرناسة

يه يه يه شغل عدل

بس الشاي العدني يخلي الواحد يطوطح لوووول


جوزة الطيب يقولون حرام لانها تعتبر ماده مسكره مثل الحشيش


ويعطيج العافيه ع الشغل العدل

القرناسة

حياك الله

شرفني مرورك ...

بالنسبة لجوزة الطيب والله ماعندي خبر اب هالفتوى

و مانعتمد على الكلام العام لان مثل هالامور يافتوى من مكان معروف والا فالاصل الحلال

وفقك ربي .

[ع ـقد م ـنثور]

<<< صرت جذي من الجووووووع ..


عز الله مادش هالمواضيع الا تالي الليل والجوووع ذابحني ..


بروح اخذ بنصيحتج يالغروب توست وجبن وعصير سيزر برتقال ..


لاهنتِ يالغلا ..

[الغروب]

بـوؤوح



مرحبا بك

اسعدني تواجدك الغالي

وبالعافيه والله

هالمرة مسامحينك بس بعدين بنطالبك تطبقين الطبق

مثل ماصار هــــنــــــــا

وكانت النتائج رهيبة ... هــنــــــــا

[سمو الرووح]

شغل عدل وراااائق ههههههههههه وأكيد طعمه لذيييييييذ


لاهنتي يالغلا الغـــــروب اختيااار موفق . ..


:: ::