قصيدة لي تعبر عن نفسها وأرجو أن تحوز على رضى الجميع وأرجو التعليق
يا صاحب الجوال نبغى رسالة=تحيي عروق(ن) في المعاليق يباس
أنا أشهد أني بأعتبرها جمالة=ما دام مصدرها من الدر والماس
وأبياتي أضمنها بختم الوكالة=ما هي مثل منظوم غيري من الناس
آصوغها وأعطي عليها كفالة=باقة تعطرها المشاعر والإحساس
وأن كان غيري في نظركم حثالة=من كلمتك يا أغلى البشر ما علي باس
ما أمشي دروب المهزلة والجهالة=ما عمري آخاوي رديين وأنجاس
والإنسان ما يكفيه زاهي جماله= إن كانت أخلاقه حبر فوق قرطاس
ما كل من جادلك تبغى جداله=ولا كل واحد سيرته ترفع الراس
يا اللي على شانك كتبت المقالة=صداقتك عندي لها نهج وقياس
يا صاحب أخلاق الوفا والجزالة=أهديك شعر(ن) لأهل الأشعار نبراس
لك في خفوقي يا غناتي دلالة=من بعد عرفك ما يجي فيه هوجاس
وسلامتكم
20-11-2009, 12:08 AM
يا صاحب الجوال
العرض العادي
المواضيع المتشابهه
