لآ ((ضـآق صـــدري)) .. وازعـجـتـنـــي .. هـمــومـــي ..(نص وشيله)

[احمد بن جوفان]

السلام عليكم و رحمة الله وبركاته

............................

يمسيكم \ يصبحكم ... بالخيـر ...

(( مصافحه اولى ))

..

اتركَم مع هذي الابيات المتواضعه .. وان شاء الله تحوز على رضاكم ..


..

لآ ضآق صدري وازعجتني همومي=اترك جميع الناس واسـري لحالـي
اسوق رجلي يـم ذيـك الحزومـي=واطلق بنآت الفكـر والجـو خالـي
واجلس على الرمله واشب الجرومي=واقـرب العزبـه وابهـر دلالــي
واجر صوتـي واشتكـي لنجومـي=واسرد لها بالصوت كل ما طرالـي
من حرها .. قامت تنـاد الغيومـي=لين انتثر ماهـا علـى حزنهـا لـي
لا يآ وجودي .. وجد ذرب العلومي=سمـوه ربعـه .. ياكريـم السبالـي
يفز لامن شـاف ضيـف ويقومـي=ولآ فكـر بملـيـون ولا ريـالـي
طبعه شجاع وعادةٍ(ن) لـه يشومـي=عن الردى والعيب في كـل حالـي
ثم دارت الأيام وعـاش محرومٍـي=صابه مرض مـا تحتملـه الجبالـي
يصيـح انـا والله خابـت عزومـي=وخلوه ربعـه مـا حواليـه والـي
طبعي كذا إليـا ابلشتنـي همومـي=اترك جميع الناس واجلـس لحالـي
ويالله يـا عالـم بكـل العلـومـي=تفـرج لمنهـو عذبـتـه الليـالـي

وسلامتكم ...

.
.

وهذا رابط شيلة الأبيات .. بصوت شاعرها ..




اخيكم / احمـد بن خالد الجـوفان .

[مبارك الجوفان]

يا هلا والله ومرحبا فيك ابو خالد
صح لسانك على القصيده الطيبه
وما الومك اذا ضاق صدرك الله يكون بعونك ويسهل امورك


ابن عمك مبارك بن فهد الجوفان

[الشيخه]

صح الله اللسانك ولاهنت يا احمد


بانتظار جديدك القادم


تحياتى لك

[محمد نادر سويد]

الاخ احمد الجوفان

صح لسانك وبيض الله

وجهك ولاهنت

تقبل تحياتي

اخوك

[سعيّد ابوجعشه]

أحمد الجوفان صح الله السانك على القصيده الجزله ولاهنت

وفي

انتظار جديدك

[محمد الغيثاني]

صح الله اللسانك ولاهنت يا احمد


بانتظار جديدك القادم


تحياتى لك

[منصور الوذين المري]

الجوفان
صح السانك
ابيات طيبه وصوت اطيب
لاعهنت عيني

[ابونايف الوعيلي]

صح لسانك اخووي احمد الجوفااان


ولاهنت على الابيات الجميلة



ابونايف الوعيلي

[واصل بأذن الله]

صح لسانك ياشاعر الضيقه والله يعينك ونتمنى منك الكثير والبعد من الضيقه ............ وعساك على القوة وعساك دائما مرتاح ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,