بيض الله وجه من هو حافظ حق الأخوّه

[عاليه الاخلاق]

السلام عليكم ورحمة الله وبركاته
قصيده أخويه أرجو ان تنال اعجابكم

بيض الله وجه من هو حافظ حق الأخوّه=في زمان ماحفظ به راعي الذمه وديعه
مايخون الخوه إلا واحد مابه مروّه=ما تقيده السلوم ولا تقيده الشريعه
ذا رفيق مايسرك لو سقاك دلال ضوه=كل يوم له رفيق يشتري فيه ويبيعه
أبتعد عنه وخله لاتخيل بروق نوه= لو زمى سيله وزبّد ماتبارك به ربيعه
ياهني منهو يصد ولادرى بكثره وشوه= يدعس الدنيا برجله من رفيعه في رفيعه
دام به حيلٍ يشله زاد رفعته وسموه=لين يلقى له مكانٍ فوق خلق الله جميعه
مستقر فيه يمشي شايخٍ بارضه وجوه=لو رفع بيده عصاته جاته الدنيا مطيعه
إن عطى يعطي مروه وإن خذا ياخذ بقوه= وإن عوى ذيبان يربض كل ذيب وسط ريعه
واثق في كل خطوه مالتفت خلفه وتوه=لو بغا مليون سكه ماتضيق به الوسيعه
ول ياوقت تغير وانقلب حدره علوه=قلب قلوب الأوادم والحق الطيب هزيعه
كم خويٍ شفت خيره كم خويٍ شفت سوه=كم مكانٍ شفت فيه هنا وصل وهنا قطيعه
كم رفيق لو نشدته عن مواجيب الاخوه= ماعرف هي من سلومه او قوانين الطبيعه

الشاعر | فهد المري

[سمو الرووح]

صـح الله السان الشاعر / فهـد المـري

وتســـلم يمنــاك علـى الاختـياااار الراااائع للقصيـدة الجزلــه حقــاً

عــزوتـي دوســريـة

كل الشكر والتقدير والاحترام لشخصكِ الكريم .

[ليــه يازمـــن]

صـــح الله لســـانه

ومشــكوره عــلى الاختيار الــرائع

[ِِِAL 3ajmiah]

صح لساان الشاعر ولساانك يالغلا لا هنتي ~

[عاليه الاخلاق]

المشاركة الأصلية كتبت بواسطة سمو الرووح

صـح الله السان الشاعر / فهـد المـري

وتســـلم يمنــاك علـى الاختـياااار الراااائع للقصيـدة الجزلــه حقــاً

عــزوتـي دوســريـة

كل الشكر والتقدير والاحترام لشخصكِ الكريم .

ويمناتس سالمه يالغاليه

وبيض الله وجهتس على المرور