×÷•.•°¯`•)» ( قصيدة شاب فقير) «(•°¯`•.•÷×

[علي ال عذبه]

أنا أشهد إن من قالها يسلم لسانه
قصيده جميله جدا
شاب فقير خطب بنت عمه المليونير
وزود عمه طلباته عليه فقال القصيده:


سبحان من يرزق بتوع الملاييـن------------------
------------------ الرازق اللي ما يخيب الرجـا بـه
لي عم عنده معـرضٍ للصواليـن-------------------
-------------------أموت واعرف بس من وين جابـه
وإذا سألته قـال بعـت الدكاكيـن--------------------
------------------ما يدري إني ما هضمت الإجابـه
الشاهد إني رحت له قبـل يوميـن -------------------
---------------------في قصره العامـر ودقيـت بابـه
قال ارحب ارحب عدّ ورد البساتين ----------------
---------------------يا مرحبا باللـي لفـا يـا هلابـه
قلت البقا عـدّ النفـل والرياحيـن--------------------
-----------------يا شيخ شمل اهل الكرم والذرابـه
قال اسلم الله يحفظك لي من العين -----------------
-----------------وآمر أوامر حضرتـك مستجابـه
قلت الصراحة طالبٍ قرب غاليـن------------------
-------------------ودي تزوجنـي كريمتـك يـابـه
ثنّى وقال اهليـن والله وسهليـن -------------------
----------------والكون ترخص لجل عينك رقابـه
لكن ترا عندي شـروط وقوانيـن------------------
----------------قلت اشرط اشرط يا حبيب الغلابـه
قال أولاً مهر العروسـة ثمانيـن------------------
----------------غير الرسوم وغير حق العصابـه
والثانية عمك يبي منـك سبعيـن------------------
------------------رسم الأبـوّة والنسـب والقرابـه
وام العروسة حقها منـك ستيـن ------------------
-----------------عشانها ست الحسـن والمهابـه
واخوانها كلن يبي منـك خمسيـن-----------------
------------------عداً ونقـداً تنـدرج فـي حسابـه
وخواتها الخمس اعطهن من ثلاثين--------------
-----------------عشان تتوثـق عـروق النسابـه
وتجيب طقم عيار واحد وعشريـن ---------------
---------------وخاتم من الماس المصفى ترابـه
واكياس متروسة كعوب وفساتيـن---------------
-----------------ألوانهـا واشكالهـا مـا تشابـه
وموتر بسواقـه وفيـلا بدوريـن ------------------
------------------أثاثهـا مـن بطرتـه ينحكـابـه
واحجز لنا قاعة بقصر السلاطيـن---------------
---------------واحجز بهـا رقاصتيـن وربابـه
وامنع دخول اهل اللحى والبزارين--------------
----------------واعزم أميـر المنطقـة بالنيابـه
هذي الشروط اللي على بالي الحين--------------
---------------وذكرني اللي ما حسبنـا حسابـه
قلت اذكر الله يا عـدو المساكيـن----------------
------------------واستغفـره لا يبتلـيـك بعـذابـه
الظاهر إنك منت عارف أنا ميـن -----------------
----------------أنا لو ارقا فـوق متـن السحابـه
ما جبت حتى نص درزن مواعيـن----------------
--------------واضحك بكيفك واعتبرهـا دعابـه
شروطكم هذي شـروط المجانيـن-----------------
---------------شروطكم شغـل ابتـزاز ونهابـه
شروطكم تقصم ظهـور البعاريـن-----------------
-----------------شروطكـم همّـن وغـم وكآبـه
شروطكم والله سيوف وسكاكيـن----------------
--------------تذبح بنات المجتمع مـع شبابـه
وين الرضا والعطف واليسر واللين--------------
----------------اللي ذكرهـا الله بمحكـم كتابـه
وين الصفات اللي أمرنا بها الديـن ---------------
------------ وين اختفى نهج اهل النبي والصحابـه
يا عم جعل اللي خلقنا من الطيـن----------------
----------------يرد عقلك مـن خطـاه لصوابـه
ويجعل نصيبي عند غيرك قل آمين---------------
------------ويحسن عزا الصابر ويجزل ثوابه
قال انت لو فكرت تفكير صاحيـن ----------------
-------------ما شفت في مجمل شروطي غرابه
حنا بعصـر العولمـة والمزاييـن ------------------
------------ ماهوب عصر الفلسفة والخطابـه
الناس تسعى للرتـب والنياشيـن-----------------
---------------وانت اهتمامك بالشعـر والكتابـه
والشعر ما ينفعك لو هو دواويـن ---------------
----------------ما دام جيبك مثـل بيـت الخرابـه
يا بوك لا تسمع كلام المصاخيـن---------------
------------واسأل مجرب عاش في وسط غابه
قلت الله اكبر يا محـرر فلسطيـن -----------------
--------------من يسمعك يحسبك ذيـب الذيابـه
تراك شايب راس مالـك رياليـن -----------------
------------- والبنت ما تسوى جنـاح الذبابـه
قال انقلع مالت على وجهك الشين---------------
----------------لا عاد اشوفـك عندنـا يالزلابـه
قلت ابشر ابشر لكن الباب من وين---------------
-------------واقفيت من عنده على صوت بابـه
تحيااااااااتي لكم


م ن

[ناصر الحميداني]

صح لسان الشعر وعزا الله انه صادق

ومشكوووووور اخوي على النقل

[علي ال عذبه]

لا هنت يا ناصر على المرور الطيب

[ناثرة الورد]

لا هنت علي الاختيار المميز ....

تقبل ::

كل الشكر و التقدير

[عبدالله بن شيبان]

لاهنت يا علي على نقل هالقصيدة الجميلة
:
وصح لسان قايلها

[قطريــــVIPــه]

صح لسان قايلها ،،وتسلم يد ناقلها
ويعطيك العافيه أخوي علي
بس بصرااحه هذا مو عم

[الخليفه]

هههههههههههههههههههههه

أضحك الله سنك صح لسان من قالها

شروط تهول

[مسعطر]

صح لساااااااانه و لسانك يا علي

تقبل مروري ,,
أستودعك الله ,,

[سمي الزعفران]

صح لسان الشاعر ولاهنت على النقل.
وتقبل مروري

[@صدى الاهات@]

صح الله السان شاعرها وسلمت يمين ناقلها


لاهنت على ذا الاختيار الموفق



تقبل مني خالص التحيه: