قصيده ..((ربيعيه))..!!

[ناصر آل ذروه]

مرحبا" أحبتي في هذه الفتره ((يتهيض)) الرجال وكل شخص يحب ((شرحت الصدر)) والخروج إلى ((الأجواء الربيعيه))..!! هنا أرسل لكم... شي من الخاطر يعكس ((خاطر)) وده بشوف ((ذا ..الجو))

يازين مكشاتٍ ليا صار حله=بروضٍ خضاره ماوطته الكواشيت
متنوعٍ عشبه وورده وفله=من كل نوع ونوع عشبه منابيت
وغيمٍ يرد الشوف كاسيك ظله=يسقي مكانك كل مصبحت ومسيت
يحيي خفوقٍ عاش في ظل ((فله))=لاكنه بحيٍ ولا كنه بميت

ونارٍ سناها يكفي لفوح دله=لامن بغيت الكيف منها تقهويت
وخوت صديقٍ لا حكى ماتمله=سوالفه تطرب لها كل موحيت
نفسه خفيفه جامع الطيب كله=شجاعويدمح زلتك كان زليت
هذا هوى بال الحبيشي ودله=ماهيب خوت عاشقين ((الإتيكيت))
اللي حياته كلها في مذله=وراحت حياته لاوجاهه ولا صيت

وأخيرا"

تقبلوا..أطيب الأماني

[عبدالله آل عامر]

أرحب يابو منصور وصح لسانك يالقرم
:
أبيات عز الله إنها تهيّض على الكشتة
:

[ما عدت أنا]

صح منطوقك ،،

ويسلم خفوقك ،،

أبيات يكمن جمالها في حنايا صدور أبياتها ،،

وابتسامه عذبه لك على هذه الصور الجميله جدا ،،

[الغروب]

ناصر آل ذروه

ابيات رائعه تحدثت باحساسنا وشوقنا جميعاً لهذه الاجواء

صح لسانك

كل التقدير

[ملاذي]

صح لسانك ..يابو منصور....!!

كلمات ... أنزلتنا..على تلك... الأجواء..!!


بيض الله وجهك...!!

دمت...لله ...أقرب...!!

[عبداللطيف أبوظهير العنزي]

نـــاصــــر آل ذرووه ...

جبتهــــا عالجـــــــررح .. صـــــح لســــــــانك على هــذي اللــــوحه الرائعـــه والعـــــذبه

لاهنــــــــــت وسجــــل إعجــــــابي يالقـــــرم ...

تحيـتـــــــــــــــــي ...

[مطلق اليامي]

صـــــــ لسانك ــــــــح

و يســـــ خفوقك و إحساااسك ــلم

وعــــــــــــالاخرى عانك ـــلــى

مــــــبـــــ وعساك على القوه ــــدع

تـــقــــ تحيااااااااااااااااااااااااتـــي ــبــل

[فهد ال سليمان]

قد يقال أنني أجامل عندما أقول صح الله لسانك ولاهنت على القصيده

ولكن بالفعل صح الله لسانك على أعذب الابيات الرائعه

عندما قراءة هذا النص علمت أنا ما بداخل هذا الشاعر ماهو الا أبداع

أتمنى المواصلة وأن تتحفنا يابومنصور

[" مــــابه جديــــد "]

لاهنت وصح لسانك والله يجيب المطر والربيع الي يشعربه كل شاعر