مساجله شعريه .......

[عبدالله الوعيلي]

سلالالالالالالالالالالالالام

بعض العرب لو يكن في يوم تنجنّه
ماله بدرب الجميله كفـه شحيحـة

هذاك لو تخسره ماخسرت به جنّـه
لاعاد ماشفت لا مسكه ولا شيحـه

إلا ابتعد عنه رّوح وانسحب عنّـه
يكفيك ماصار من هجره وتجريحه

[أميرة نجد]

وعليكم الســــــــلام

مراحــــــــــب والله بالوعيلي

هاك المشاعـر و القصايـد و الموانـي و المنـار
0000 و الروح و ايتام الخفـوق اللـي تشوفـه .. ربهـا


تدري من المسكين في هالكون كلـه .. بأختصـار:
0000 اللي تحبه روحـك العذبـه .. و هـو مـا حبهـا!!

[عبدالله الوعيلي]

أبرك ضيوف الهوى !! وأغلـى مساييـره
ريحانـةٍ تقطـف اللهفـه مـن أعماقـي

ماهيب من قوم : (ابـو دقّـه وتسكيـره)
من قـوم : (لاحاسبـت ماتاخـذ الباقـي)

لهـا علـى الزيـن تهليـلـه وتكبـيـره
أنعم مـن الـورده اللـي فـأوّل الساقـي

مهيـب أميـره لكنْهـا جنـب الآمـيـره
ذات الحسب والنسب والمستـوى الراقـي

[أميرة نجد]

الله الله يالوعيلي

يا هوه يا كشخـه دموعـك زادتـك عنـدي وقـار
0000 أدخل على الله من دمـوع العيـن و اللـي صبهـا

تعال و أضحك و اترك العالم ورى سـور و جـدار
0000 و ان سالت الدمعه من عيونـك غصيبـه .. غبهـا

تكفـى فديتـك .. قـل لدمعـك لا يزيـد الأنهمـار
0000 تراه يجرحنـي و لـو طـاول ضلوعـي .. شبهـا

خـل البكـاء لعيونـي الثنتيـن و أشعلهـا شـرار
0000 و ان كانها ما ترضي غـرورك .. تعـال و عبهـا

حرام تبكي و انت في قلبـي لـك أقمـار و مـدار
0000 و أغصان روحي كل ما ذعـذع نسيمـك .. هبهـا

في كل حاجه لي قرار .. الا انت مالي بـك قـرار
0000 أفرغت لك قطعة من اقصى الـروح محـد ٍ طبهـا

غصب ٍ على قلبي .. بلا تفكيـر و بـدون اختيـار
0000 أصبحت تسكن داخل ضلوعي كـذا .. مـن ربهـا

فأن شفت روحي تنتظر لقياك .. و تمـوت أنتظـار
0000 خذهـا بيدهـا و اقفـل عيونـك علـيّ و خبـهـا

[عبدالله الوعيلي]

أتعبتهـا فــي مراقـيـه ومشـاويـره
ذي جرتي نـازل .. وذي جرتـي راقـي

قفلت سيـرة علاقـات .. وبـدت سيـره
للـي عليهـا الكـلام وهقـوة الهـاقـي

غيـدا سهـم عينهـا مـن قـوّ تأثـيـره
مخسرٍ سـوق الأسهـم عنـد الإغلاقـي

من قبلهـا الحـظ مـن جفـره لدحديـره
ليـن أوعـزت للزمـان وحـرر وثاقـي

وأعتضت عن قوم : (ابو دقّه وتسكيـره)
باللي : (ليـا حاسبـت ماتاخـذ الباقـي)

[أميرة نجد]

ياليت بعـض النـاس مثلـي و يشتـاق
0000 (( يا جارة الوادي .. و أيـاك أعنـي ))

صـدك ذبـح فينـي مفاهيـم الاشـواق
0000 و اسقى عروقي للفـراق .. و زرعنـي

ما غير واقف لك و اغنـي علـى سـاق
0000 ابعـد بعيـد مـن الخـلايـق سمعـنـي

من تظلـم الدنيـا الـى حـد الاشـراق
0000 مغيـر أغنـي .. و الغنـا مـا نفعنـي

القـرب دافـي .. لكـن البعـد حـراق
0000 تكفـى .. بعـادك للكآبـه .. دفعـنـي

لا تنشد الدمعـه عـن .. أيـام الاحـداق
0000 و لا عن الاحـوال و البـال .. طعنـي

مـا عـاد ياسعنـي مساحـه و لا أفـاق
0000 من ضيقتي .. ما اشوف شـيءً وسعنـي

كتبني التاريـخ .. فـي صفحـة فـراق
0000 و بصفحة الاحزان .. جـار و طبعنـي

دخلت .. انا و الحزن .. (غيبوبة عنـاق)
0000 بعثرتنـي .. و الحـزن عقبـك جمعنـي

مانيب شاعر .. بـس صادقـت الاوراق
0000 و أصبحت نجم .. و حزني اللي صنعني

لي معجبين .. و لي مكانه .. و عشـاق
0000 و لي وضعي اللي فيـه ربـي وضعنـي

و رغم اختلاف الناس في بعض الاذواق
0000 انت الوحيـد .. اللـي بغيـت و منعنـي

انا .. و ليلي .. و أثمن كنـوز الأعمـاق
0000 نشريك .. و انت تقـول طالبـك بعنـي

الله كتـب بأنٌـا نحـبـك .. و ننـسـاق
0000 أتركني أرضى بأمر ربـي .. و دعنـي

انا و قلبـي .. نأخـذ لقلبـك .. سبـاق
0000 أنشد: وصلنا .. قـال : يعنـي و يعنـي

و انا ادري انك تملك احساس و أخـلاق
0000 أحساسك اللـي مـن عروقـي نزعنـي

وش فيك؟ .. ما تفهم؟.. ترى جٌد مشتااااق
0000 سيف الثوانـي فـي غيابـك .. قطعنـي

[عبدالله الوعيلي]

ياأيها الجمهـور واغـلا الأحبّـه
فيكم عوض قلبي وفيكـم عزائـي

الجادل اللي مالك الـروح حبّـه
بنت الشيوخ أهل الشيم والدهائـي

هي ذوق قلبي هي جروحه وطبّه
صحيح تجرح بس فيهـا دوائـي

ودي بقلبك ((اسرقـه وانقلبّـه))
واموت انا ويـاه فـي دار نائـي

ياشامخـه كلمـة وفـاء مستتبّـه
ماتنتقض مادمـت تسمـع ندائـي

انتي جبـل شامـخ ولحـدٍ يذبّـه
ماذبه الا بس ((يامـي فدائـي))


ملاحظه :

كلمة (( يذبّـه )) معناها يرقااه

[أميرة نجد]

صح لسانك

يــا كـريـم الـدمـع .. مــا يـخـدم بخـيـل
0000 شـف غصـون القلـب يـمـك .. دانـيـات

هـزهـا .. و يطـيـح بـيـديـك الحـصـيـل
0000 فكر شاعر .. عاش فـي حلمـه و مـات

و أنـت غالـي عنـد نفسـي .. و الدليـل:
0000 أنــي أســأل عـنـك فــي كــل الـجـهـات

[عبدالله الوعيلي]

صح الله بدنش

عفوا رحت اتعشاا

تلك أيام" تداول والعواقب سالميني
احبسي فيض المدامع يلتئم طعن الحراب

والمداين تزدهر بك ياالنفل ياالياسميني
ياكواكب في مدار" يارموز" في كتاب

يانهار" في ربيع" يامكاسب في يديني
يانهاية ليل داجي يابدايات الصواب

[أميرة نجد]

بالعافيه بس كذا ماتعزمنا

بعد المعزه بعتني ثم تغليت
0000 بعت الخفوق وبعت منهو حبيبك


لا واحسايف قلبي اللي لك أهديت
0000 وعمر ٍ مضى مابين صدّك وريبك


مدري انا وشلون عني تخليت
0000 ولا أدري انا وشلون تهجر قريبك


ولا أدري انا وشلون حبي تناسيت
0000 ولادري انا بعدي من أصبح صويبك


رح قد ماتقدر وللي تمنيت
0000 وانا علي آقول الله ..... حسيبك