الله يريحمها

[مبارك الجوفان]

غابت عني ولا ادري وش حالتها 00 ولا أدري وشلون قلبي بتنام عيونه

قلت أقوم أنشد عنها بنت خالتها 00 عله رتاح قلب تلعب فيه ظنونه

صدت عني ما تبيني أشوف دمعتها 00 قالت ياولد البنت بالعود مدفونه

ماتت وغابت بالسما أحلى نجمتها 00وحزن النجم والقمر إنخطف لونه

ماتت ومات بالحديقة أغلى وردتها 00وبكى الشجر والزهرقاموا يرثونه

وقفت مذهول وزاد بجسمي رعدتها 0وقفت صامتن وعقلي جنت جنونه

رحت المقابر علي الحق جنازتها 00 لقيتها مكفنه وقبرالبنت يحفرونه

وصلت المقابر ومحدن فيه حرتها 00 غير امها وأبوها وأخوها يعزونه

شالوها يبغون يحطونها بحفرتها 00 وغطوها بالتراب وقلبها يدفنونه

لولا خوفي من الله ثم فضيحتها 00 لأقول هالبنت جسمها لا تدفنونه

إلتفتلي شخص أظنه من جماعتها 00 يقول هالولد علامه تبكي عيونه

غمضت عيني ماأبي تزل دمعتها 00 بس بان الحزن والناس يشوفونه

وإنزلت دمعة من قوة حرارتها 00 احرقت خدي وخلته احمرن لونه

قلت انا اللي روح روحي فدتها 00 قلت انا من روحي وقلبي يفدونه

قلت انا من تركتني وحيد بدنيتها 00 وانامن عشقها وحبها دايم يصونه

أحبها واسالو عين ياكثر ما بكتها 00 و اسألوكل هالبشروهالعالم وكونه

أبيات شعري يا ما ويا ما تغنتها 00 تقول أبيات شعرك قلبي يطربونه

من لام روحي عله يعيش حسرتها 00 ويعيش طول الدهر تبكي عيونه

يا لايمين قلبي شوفوا صورتها 00 بعدها تبون تلومونه لكم تلومونه

ما أبي غيرها أبي أسعد بضمتها 00 ماأريد غير قليبي تنجلي حزونه

فوق قبر هالبنت تعالت ضحكتها 00 يا عسى قبرالبنت بالسما يرفعونه

لعنبو عين عقبك ما تحدر دمعتها 00 ولعنبوخلقن كان إسمك ما يطرونه

لعنبو روحي كان تكتمل فرحتها 00 ولعنبو الحزن لو فارق يوم بسجونه

روحي فقدتها ودموع عيني رثتها 00 بأبيات شعر مكسرة ماهي بموزونه

يالله يا كريم تغفر لها كل زلتها 00 وتغفرلها ذنب كل الملا يقترفونه

يا كريم إجمعني بها بجنة عدتها 00حج البيت والصيام وخمس يصلونه

يا ليتني ساكن اليوم بوسط حفرتها 00وروحي بجنب روحها اليوم مدفونه

[عايض ال مطلق]

يعطيك العافيه اخوي مبارك

مشاركه جميله

تم نقلها لقسم المواهب

ننتظر جديدك الافضل

اقبل تحياتي

[مبارك الجوفان]

القصيده ما قلتها وانا ما اعرف اقول ولا بيت ولا شطر لكن جتني على الايميل وذاك اليوم فيني نوم وحطيتها بدون اي مقدمات
واشكرك يا اخوي الغالي عايض على التنظيم

[اميرة الرووح]

اخوووووي مبارك الجووفااااااان وصح لساااااااااااااااااااااانك ولاهنت

[بندر العجمي]

صح السانك



ولاهنت على الجزاله


ودام حضورك


اخوووووووووووكـ

[عجمي ولي الفخر]

صح لسانكـ

وعزالله ان هالقصيده تحز بالخاطر

يعطيك العافيه على ما صغت لنا

تقبل مروري

سلآلآلآلآلآلآم

[عـسـاه خـيـر]

اخوي مبارك لاهنت على هالنقل وقصيده رائعه .