روائـع للشــاعر محمــد ابـن الذيـــب !!!

[محمد الشامري]

فـديــت كبـدش فـديتــش بـدت اخــوانــش

ياهتلـرت قلبـي الله يرحـم ألمـانـش=الكـبـر لله باحـاكـيـش حاكـيـنـي
وانـا مبركـن اركابـي عنـد بيبانـش=والتاجـر ايصـر والـرزاق يعطيـنـي
مثـل ماطهرتـي التربـه بكرعـانـش=خلـي غرامـش يطهـر مابقـى فينـي
فديت كبـدش فديتـش بـدت اخوانـش=واذا لقيتـش وانـا طفـشـان خليـنـي
خليني اجـر صوتـي واقعـد اوزانـش=يمكن اوزانـش مـن الضيقـه يسلينـي
وان طحت مثل الجمل من جور هجرانش=مـا عـاد تنفـع كثيـرات السكاكيـنـي
واحيان تقـارب مـن احيانـي احيانـش=واشاركـش فـي كثيـرات المضامينـي
حتى اني اصيح يابـن الذيـب بلسانـش=واقول لبيـش مـن بينـي ومـن بينـي
محبوبتي لا انتثر دمعـي علـى شانـش=وش لـه تقوليـن وش اللـي مبكيـنـي
حنـا اتفقنـا انـا منـدوب لحـزانـش=خلي الحـزن والدمـوع تهلهـا عينـي
واذا حظنـتـش هزيـلـي اردانــش= ماغيـر ظانـن وقرطـوعـه يكفيـنـي

وســـــــــلامتكــــــــم

الكـاتـب : محمــد الشـــامري

[محمد الشامري]

قصيــدة ابـن الذيــب للشاعر المعــرفي

ظروفنـا ماتستحـي وايامنـا ماهيـب ريـف=والأرض من كثر القحط ماعاد شفـت اعلافهـا
وحقي على البيت القوي ماهو على البيت الضعيف=وإلـى بغيـت أدمـدم الجمـه علـى غرافـهـا
خليت شمس العشق مركونه على حـد الرصيـف=الخطـه المحبوكـه تحقـق جمـيـع اهدافـهـا
يا اهـل الثنائيـات مضمـون الثنائـه سخيـف=أنـا لحالـي أحكـم الـدفـه مــع مجدافـهـا
والمعرفي (شرطي) وخاواني ورقيته (عريـف)=لكـن تجهلـه العلـوم ارباعـهـا وانصافـهـا
يبغى يسوي مع جنابـي بهرجـه وانـا مخيـف=وهو الـى شـاف الـدروب المستحيلـه خافهـا
والمختلف مجلـة الجمهـور والشعـر النظيـف=ماهي غريبة لالقيتـو صورتـي فـي غلافهـا
بس الغريبة يوم مريت الحساء ياهـل القطيـف=تذكـرت عينـي مدامعهـا عـلـى مشرافـهـا
واليوم مابه عذر يوم ارقـاك يالضلـع المنيـف=الا انـي اتعـب ارجولـي مـن كثـر وقافهـا
واكثر مشاريه الشجر عليـك يافصـل الخريـف=هتكت ستر غصونهـا واسرفـت فـي كلافهـا
انا جويع وجوعي مواصل ماهو قطعـة رغيـف=وعيني من الفرقا حداهـا الهـم عـن محرافهـا
والعفو عند المقدره صوره مـن الحـب العفيـف=هـذا كـلام اللـي قطـار العمـر كلـه طافهـا
اخذت فـأبها شهـر كامـل يسمونـه مصيـف=والشمس تحجبهـا السحابـه والرعـود خلافهـا
وعينت صاحبة الشـداد اللـي تمناهـا الرديـف=(ضيدان) قبلي شافها و(الهاجـري) قـد شافهـا
لكنهـا استثنتنـي وروتنـي اللـي مايشـيـف=واخذت ثـار اسلافـي الغابـر بظلـم اسلافهـا
الفرصه اللي كنها البراق فـي عـرض القنيـف=لقمـة غنـي مدهـا علـى فقـيـر وعافـهـا
ونا طموحي للثقيـل مـن الجواهـر يالخفيـف=مانـي بـأدور عملـة ماينعـرف صرافـهـا
يانحرها وش قصة الارداف والخصـر النحيـف=قدام امـوت فـحظنهـا ولا انتحـر فـاكتافهـا
لايبرد الفنجـال وابلشهـا مثـل بلشـة حنيـف=واخذ بدل خمس عشر فنجـال بعـض اطرافهـا
لـو انهـا حمامـة الولهـان يـاودي ثقـيـف=ماطاحت دموعـي علـى خـدي بعـد رفرافهـا
لكن ياقصر الضيافه ماتقصـر فـي المضيـف=دامك تضـم مـن النفـوس اثقالهـا واخفافهـا
لا ياعنيفه هـدي اللعبـه تـرا الهجـر العنيـف=ماهوب جـزء مـن تقاليـد العـرب واعرافهـا
يابنت حواء عذري اللهفـه لـو امتـد النزيـف=استلطـف جروحـك ويستهوينـي استلطافـهـا
وانا من الجنس الخشن وانتي من الجنس اللطيـف=ومشاعـري باحاداهـا واعشـارهـا والافـهـا
تصرخ غلا محتاجلك محتاجلك يااغلـى وليـف=والنفـس فطرتهـا ترجعهـا علـى ميلافـهـا
واشتاق لك شوق المسافر مـن بـلاده للنكيـف=لو اتحداهـا مـن السنيـن الممحـلات أعجافهـا
الموت من فرقاك مثل الموت بالسيـف الرهيـف=والعمـر واحـد والنهايـه واحـده باصنافـهـا
ماعاد عندي شي أقولـه بـس بأنـوه وأضيـف=إلى لقيتي صورتـي فـي المختلـف واغلافهـا
تغطرسي مثل القمر عالـي وقولـي للرصيـف=الشمـس تحجبهـا السحابـه والرعـود خلافهـا

وســـلامتكـــم

منقول من الاخ فهد بن محســن

[العوووود]

الله لايهينك يابومنصـــور على نقل قصـــايد الشــاعر محمد بن الذيب بيض الله وجهك يالذيب الامعط

[محمد الشامري]

ارررررررررحب يابومحمد

ولا انت تهوون

ووجهك ابيض يالقرم

ولاهنت على مرورك وردك لبى كبدك

[السنافي]

لاهنت يابو منصوور على الجهد الطيب

[حبيب]

لاهنت يابو منصووور وفكره طيبه

جعلك قوي يالسنافي

تحياتي

[محمد الشامري]

ااارحب يالسنااااااافي

ولا انت تهووون


ولاهنت على مرورك وردك ياصديقي

[محمد الشامري]

اررررررحب ياحبيب

ولا انت تهوون يالقرم

والله يقويك ويسلمك

ولاهنت على مرورك وردك الطيب

[راشد الذويب]

لاهنت يالسنافي على هذا النقل الأكثر من رائع
دمت بخير

[محمد الشامري]

ارحب ياراشد

ولا انت تهووون

ولاهنت على مرورك وردك يالقرم