الناصره لنبي الأمه/عبدالله ابن راجس الدوسري

[المسعري]

علموا الدّنْمرك من هو رسول العالمين=علموها كيف تبت يدا الجاني وتَبّ
علموها ياهل الحق وش معنى اليقين=وغضبة المليار مسلم لِيا منّه غضَبْ
في محبة سيد الخلق ما نغلي الثمين=اكرم اهل الكون لا شكّ واطهرهم نسَب
الحليم الطاهر البر سِيد المرسلين=بيّن المولى له الفضل في كل الكُتب
قبل ماحنّت له قلوبنا بَاصْدق حنين=حنّ لآقدامهْ وكفّيه محراب الخشَب
الغلا له قد تربّع على عرش الكِنين=والوَلا له راسي(ن) من ورى الضلع الحَدَب
نبتر الكفّ اللعينة ونِجْتثّ اللعين=ندمَغ الحية على الرّاس ماهوب الذّنب
إيه تخسى شِلّة الكفر والحقد الدفين=نفتدي عرضه بالارواح لا حلّ الطلَب
قاطعوهم واذبحوا الكفر من حبل الوتين=واسحبوا قنصل بلدنا ونادوا المُنتدَب
لين تركع كُبْنهوقِن ركوع الخاضعين=والصليب يجيك يزحف على متن الرّكب
لعنبو كبد(ن) تداهن عقب سبّة الامين=تشرق الدنيا بدينه وتغرُب لا غرَب
حرّك المليار مسلم لسان الحاسدين=حاولوا هزّ العقيدة وحَملتْ في الكَرَب
انفجر بركان حبه وهزّ النّايمين=واصطفق موج المحبين من عُجْم وعرب
رددي يا امّة محمد نشيد الفاتحين=واقرأي الانفال واطوِي دواوين الطّرب
لا متى وانّا على الكفر واهْله ساكتين=من بغى الطولات يصبر على حَرّ اللهب
هيه يا روما لنا فيك وعدٍ من سنين=والله الوالي لتحقيق وعدٍ مُرتقب
ابتدا الشعب السعودي وقاد المسلمين=لا بغا الله ينصر الدين حرّك له سِبب
تحت راية كاسب المجد والقرم الرّزين=ابو متعب مَزْبن الدّرك فكّاك النّشب
تحت راية سيدي كُلّبونا جاهزين=لو يخوض البحر خضنا غزيرات المغب
اشهد انّه حاكم(ن) من سلالة حاكمين=واشهد انّه في ذرى المجد والقمة وِثَب
يحفظ الله مملكتنا ويِخزي الحاقدين=والنبي قد عزّه اللي على الغالب غَلب

[سعود الخويطري]

صح الله لسانك ولسان بن رجاس



وتسلم يمناك يالبدوي



تقبل سلامي واشواقي

الخويطري

[محمد الهتلاني]

لا هنت اخوي الغالي البدوي على القصيدة الرائعة في الدفاع عن النبي صلى الله عليه وسلم وصح لسانك ولسان بن راجس.