شوقه قوي ما غايشه بالعرب شوق

[مطلق اليامي]

بسم الله الرحمن الرحيم


السلام عليكم ورحمة الله وبركاته

الحمدلله والصلاة والسلام على رسول الله وعلى آله وصحبه أجمعين



أخواني و أخواتي صباح الخير ولا مساء الخير



هاذي قصيده من أول قصايدي


و عساااااااها تحوز علي رضاااااااااااكم


و لا تبخلون علينا بالنصيحة

الله يعين اللي دموعه بـه حـروق=فارق علي جمر الحطب راح حـراق
ويجر صوته حزن والهـم طـاروق=ويدري بفرقا الزين ماهـي بتنطـاق
ويدري بقلبه ما سمع لـه بمنطـوق=ساكت و يدري به علي الزين مشتاق
شوقه قوي ما غايشه بالعرب شوق=شوق الخدود اللي كما البرق بـراق
تبرق و يبرق لك شرفها علـي ذوق=لو أن حب الزين موجود من عـاق
ما رحت أنا ندمان والقلب محـروق=ياقلب وصبر خل من راح من سـاق
لا تطرد اللي صـد ياتيـك ملحـوق=تاتي لك أشواقه وراء قلـب لحـاق
ياتي و يرجع عندك بقلـب منتـوق=ما يدري أنك ناتـق القلـب نتـاق
الله يعين اللي دموعه بـه حـروق=فارق علي جمر الحطب راح حـراق
ويروح في دنيا مطرها لـه بـروق=من حر قلبه زاد بـه سـم مـاذاق

وسلا متكم


أخوكم مطلق اليامي

[الغروب]

اخ مطلق اليامي

صح لسانك ....قصيدة مميزة ....واخراج اكثر تميز ....تقبل مروري الشاكر

ودمت دائمآ للشعر مبدع

[! شيخـــــة المنتــــدى !]

لا تطرد اللي صـد ياتيـك ملحـوق *** تاتي لك أشواقه وراء قلـب لحـاق

صح لساااااانك مليوووووووون ولاهنت يا الياامي ابيات جزله ومعبره ، مبدع كالعاده
بيض الله وجهك وتسلم يمينك

تقبل تحياتي ووافر اعجابي

[محمد الغيثاني]

مطلق جزل ووافي

ابدعت يالسنافي
بس نبي جديد بعد

في انتظارك

[شيخة الغلا]

صح لسانك يالقرم

قصيده جميله وجزله من جزل

دمت في سما الإبداع

تقبل مروري

[الشيخه]

صح الله اللسانك


ابدعت فى ما طرحت



تحياتى لك


الشيـــــــــــــــــخه

[الاب الروحي]

الله يعين اللي دموعه بـه حـروق
فارق علي جمر الحطب راح حـراق
ويروح في دنيا مطرها لـه بـروق
من حر قلبه زاد بـه سـم مـاذاق


جزل جزل جزل

وصح لساااااااااااااانك

ودعتك الله