_محاورة_خولان بن عامر_و_سعيد ابوديه_مختصره

["بدر العجمي"]

تسهل منا للاخوان
اليكم

اختصار محاورة ليلة الاثنين الفائت فى شبكة مجالس العجمان وكانت مباشره
وحضرها جمهور كثيف

ونشكر الشاعرين الذين وجهة لهم الدعوات واكرمونا بالموافقه

1---خولان بن عامر
2---سعيد ابوديه

بعد ماجاتنا دعوة بدر في منتدى العجمان=سلام الله سلامٍ يروي الضامـي ويروالـه
بعدها ياسعيد الحازبي ماتجهـل العنـوان=وراعي العرف ما يقطع مواصيله وميصاله
على قدر ومعزه مرحبا ياصاحبي خولان=اقوله حشمة(ن)لاهل المحل اللي عنينا لـه
كذا ولاكذا ولا كـذا والمسلميـن اخـوان=ترا من صد عنا ما تنشدنا عـن احوالـه
بعدها ياسعيد الحازبـي يافـارس الميـدان=تجهز واحتزم والقاف كم شخـص تحرالـه
تذكرني عصاء موسى وقصة خاتم سليمـان=لوان البحر الاحمر ما انصفق موجه ولا جاله
ليا ثور عجاج الخيل قلت اسم الله الرحمـن=لشك الموت الاحمر منهو اللي شرب فنجاله
ياكثر اللجه اللي مالهـا معنـا ولا برهـان=وانا في حال ياخولان يؤسف لـه ويرثالـه
ليا ثور عجاج الخيل والبـارود والدخـان=يبان الفارس اللي ناشد ان ابوه عن خاله
تصبر للمصيبه واستعذ بالله من الشيطان=انا ادري انك يابوديه صبرت وحالتك حاله
ترانا يابن عامر لو نعيـش بعالـم النسيـان=تخطينا الحواجـز كلهـا والرجـم نرقالـه
انا الظالم وانا المظلوم انا الجايع وانا الشبعان=وانا اللي في الخلا قامت يمينه تصفق اشماله
الا ياللي بغيت الفيد واصبح فيد بن برمـان=بغى طير ه يجيب الصيد جاب بالموت يشتاله
يقولون العرب ما الحمول الا طويل ايمـان=احد يشقى على غيره واحد يشقى على حاله
يابن عامر بعد هذي وهـذي بـارو الخـلان=حليل الشايب اللي ضاع فكره وانشغل بالـه
متى شمس الضحى ياليلنا المظلم عليك تبـان=سوادك موحش(ن)والفكر مدري وش تراواله
ترى الشرهه يابو ديه على العقال والشيبان=اقوله وانت بتقولـه وكـلٍ مالعـرب قالـه
بعد مات الحريري مابقى سوريّ في لبنان=بعد ماكان يعطي الشام واهل الشام من ماله
ياراعي الذود تالي الوقت لا معزا ولا به ضان=ماباقي من شعيل الا مواطي الخـف واعقالـه
ترا اللي يابن عامر ما يوفي الكيل والميـزان=عسى الله لايبارك يابـن عامـر فيـه ومثالـه

بيض الله وجيهكم

سعيد ابوديه لك كل الشكر والثناء طال عمرك

خولان بن عامر لك كل الشكر والثناء طال عمرك

ليله مميزه فى شبكة مجالس العجمان

والفظل يعود الى تواظعكم

واخلاقكم الراقيه

وقبول الدعوه بكل رحابة صدر
الف الف الف
شكرا ولا يكفون

[بدر العرجاني]

أخي بدر

بيض الله وجهك على دعوة شاعرين من أعلام الشعر

وبيض الله وجيههم على قبول الدعوة

ولا هنت يالذيب على هذا المجهود

[فهاد العجمي]

بيض الله وجيهكم يامحلف على تلبية الدعوة

وبيض الله وجهك يابدر على دعوتك لكبار شعراء المحاورة

وجهد تشكر عليه ولايسعني إلا أن اكرر شكري وامتناني لك ولشعراء محلف لاهنتوا لاخلا ولاعدم

[سعود الخويطري]

كل الشكر والتقدير لـ خولان بن عامر ( و ) سعيد ابوديه


شعار محلف وكانوا خير سفراء لقحطان الاصالة وخير سفراء لفن المحاورة




بيض الله وجيهكم ونطالبكم بالمزيد والمزيد



تقبلوا سلامي واشواقي

الخويطري

[زبون الجاذيه]

الله يعطيك العافيه يابو سعد

[ابومحمد الشامري]

محاورة رائعة كنا من المتابعين لها بشغف واهتمام وحازت على اعجاب الجميع وان شاء الله يشرفونا الشعراء الكبار سعيد ابو ديه وخولان بن عامر في مجالس العجمان بمحاورات اخرى.
والشكر موصول الى منسق المحاورة ابو سعد الشاعر الكبير بدر العجمي.

[فهد بن محسن]

لاهنت يابدر

وبيض الله وجهك على كتبابة واختصار هذه المحاوره

تحياتي لك