خاص للبنات.......فلسفة شاعر

[سعيد ابو ديه]

يا الله ياللي تولج الصبح في الليل=يامنزل(ن)من محكم الحق تنزيل
ياالله تنصرنا على اهل التظاليل=واتعز دينك وانصر اللي دعاله
واحلى القصايد والحكم والتماثيل=من بعد ذكر الله تاتي تساهيل
لرضاه تسبيح(ن)وحمد(ن)وتهليل=والحمد لله والشكر والثناله
ومن بعد ذكر الله لفظ الجلالي=يا امة الإسلام ياما طرالي
واللي شغل فكري وعقلي وبالي=امر(ن)خطير يهمنا لامحاله
في المجتمع ياهل العقول البيبه=عادات وامور(ن)علينا غريبه
مصيبة(ن) ياكبرها من مصيبه=والمجتمع مشغول كل(ن)بحاله
بين الأمل والياس بيت القصيده=عدوكم ياهل الشرف والعقيده
في كل يوم وهو يسوي مكيده=ياما على باله ويما طراله
جند لغزو افكارنا بالتحايل=كل الطرق حاول بشتى الوسايل
عبر الفضائيات سوا الهوايل=تكفون ياهل الدين كيف المقاله
كيد من اهل الغرب شر(ن) غزانا=واستهدفو حتى مشاعر نسانا
بالمغريات ومحدثات الزمانا=واستيسرو تفكيرهن بالضلاله
يابنت حوا لاتصيرين اسيره=لوهام وافكار ومبادي(ن) حقيره
والمسلمين اهل عفاف(ن) وغيره=يوم الشرف ينخا شهامة رجاله
يالمسلمات المؤمنات العفيفات=لنا تقاليد (ن)حميده وعادات
لا والف لا لا لاماهانو الشريفات=ولا يدنسون اعراضنا اهل النذاله
هذا هو الموجز وباقي التفاصيل=قصه من الواقع وتحتاج تأويل
سمعت صوت(ن) خافت(ن) في دجى الليل=يسئال ولكن من يجاوب سؤاله
وبعد ان تحريت الحقيقه تبينت=انها فتاة وقلت وش فيه يابنت
قالت مصيبه علم الناس لاهنت=عن قصتي واكسب ثواب وجماله
انا فتاة(ن)صرت اسيره بلا حبس=بين المعاصي والذنوب وهوى النفس
والمجتمع غافل ولاهي ولا حس=كل(ن) يفكر في حياته وماله
بين الخطا والصح والشر والخير=استيسرتنا للهلاك التفاكير
ويش السواه الله يجزاك بالخير=الوقت يطوي مثل طي المحاله
قلت اسمعي وانتي بلا شك حره=اقولها مره وتسعين مره
ولا رضت بالشك والريب حره=عفافها شامخ وعسر(ن) مناله
من يتبع يابنت نور الهدايه=والشرع والسنه فلاهو بتايه
والمسلم الصالح تقدي برايه=والدين يسر وشرع ربي عداله
إذا تبين الخير يابنت حواء=فالشرع والسنه طهاره وتقوى
وان كان عييتي فحيل الله اقوى=تري الأمل لو طال عجل(ن) زواله
تذكري يبنت يوم القيامه=بعدين والله ماتفيد الندامه
توبي وسيري مع طريق السلامه=والله ماخيب رجا من يساله
بعض النساء مايحسبون العواقب=وعن هادم الذات ماحد(ن) بهارب
واللي سئال ماظل والنصح واجب=حذرا وحذرا من طريق الجهاله
المسلمه عاشت حياة(ن)كريمه=في دينها ستر وعفاف وحشيمه
هذي الحقيقه والنوايا سليمه=والمبتلا نشكي على الله حاله
الغرب شوفو كيف حالة نساهم=سذج(ن) بلا حشمه قليل(ن) حياهم
الله يقطعهم ويقطع ثراهم=ويا ويل من حب الحياه اهتواله
والختم صلو عد ماشعشع البرق=على النبي المصطفى صفوة الخلق
اللي بعثه الله بالنور والحق=للناس جمعا يحمل اشرف رساله