ياوجد حالي ؟؟؟؟؟؟؟؟؟؟؟ مع الوذين المري

[منصور الوذين المري]

ياوجـد حالـي ويابريـه وياغلـه = من واحدٍ شوفتي له صارت اصعيبه


من بعد مانا معاه اثنيـن فـي حلـه = شتت شعبنا غراب البين واصحيبـه


لاجيت بوصله حالت دونـه الشلـه = ناس حقوده تنف الخيـر باشعيبـه


ومشيره اللـي تـروع منـه الطلـه = دايم على الشر يلحق لـه مشاهيبـه


من بعد ماهو يقهويني مـن الدلـه = والزين من كل مطعومه يجيني بـه


غيراطبوعه علي واظهر شبا السلـه = ماعاد حتى سمعنـا منـه ترحيبـه


القلب غير الغضي ماهو بشـفٍ لـه = لو تكثِر اللوم عذالـي وتمشـي بـه


والعين من بعد خلي دمعهـا تهلـه = واخفي من الناس حزني لا تهذري به


من شافني قال مِنك الحـال معتلـه = وش فيك ياخوك عسى مابه امصيبه


مايدري اني مريض وصابنـي خلَـه = وادواي عند الغضي ماحسن تطابيبه


واعيني اللي على خطه وفطنن لـه = وان مر زوله عرفته ثم اهلـي بـه


ان شفت غيره فكن العيـن محولـه = لو يظهر الزين كلـه مـع تعاجيبـه


يالله عسى واحدٍ مـا يحـزن العلـه = حزنه لحزني سواه اصغير او شيبـه


واللي سواتي عسى ربي يسهل لـه = ويعيضه الله بجمعى عند اصاحيبـه


ويالله طلبتـك تـرده صوبنـا كلـه = معي قـل اميـن ياقـاري تراتيبـه