بنت الشيوخ اللي يسمون العنود=يطغا على ريح الخزامى فلها
تنبت لها ريضان قلبي عود عود=تشفا لها روحي ويبرد غلها
زود على تاج الحلا دهنة اكبود=كلي لها وهي بعد لي كلها
وان طولت سود الليالي والوعود=واصل لها وان طولت واصل لها
مايجرح فؤاد الهواوي زود زود= الا جفا منهو يحب وذلها
وانا احمد الله معه وضعي قود قود= افوح ادلال الغلا وازلها
وارد على جال الغزير من العدود=اللي ضما نزف الجروح ايعلها
مايهتني بالي ولايرتاح كود=لاشاف زول ام الجدايل فلها
مااحلا من اعيون العنود الا العنود=واجمل من وجيه العذارى ضلها
ان سولفت تنثر سوالفها ورود=وان سلهمت لي بالعيون فحلها