قالت : انـا مهـره وماقـد عسفنـي اي رجـل= قلت : وأنا فارس ٍ من ( يام ) وآعسف العصيـه

[راكان اليامي]

قالت : انـا مهـره وماقـد عسفنـي اي رجـل= قلت : وأنا فارس ٍ من ( يام ) وآعسف العصيـه
والله انـي لاعسفـش واروضـش علـى مهـل= واعلمـش ان الـدروب الجرهديـه جرهـديـه
مستعد انـي ارتكـي للصعـب وآشـل الحمـل= وادري انـه مابقـى مـن دون حلقـي الا يديـه
شاعـر ومجنـون شعـر واتحرفـن بالجـمـل =الا ودي اقـول انـي اللـي ابتكـرت الابجديـه
كـان ودش بالخبالـه فشوفنـي خلـقـه خـبـل= وان كـان ودش شاعريـه فأنـا آبـو الشاعريـه
وان كان ودش ايتكيـت اجيبهـا لـش بالاصـل= وان كان ودش عربجيـه جبتهـا لـش عربجيـه
والله ان آذم خصـلـه بالرجاجـيـل الـبـخـل= وش تسـاوي لحيـة الرجـال وكفوفـه قصيـه
اللـي يحسـب للديـه ماكـان سواهـا وقـتـل=يعني : اعقلها وتوكل بيـن حسنـه وبيـن سيـه
قال ابن الذيـب ان احلـى البنـات ابـلا جـدل=بنت ( ثالث ثانوي ) وانـا اقـول ( الجامعيـه )
مايشبهـش الا لغـز ومالقـوا لــه اي حــل= ( انتي ) و ( برمودا ) وسبب افراطكم iiبالجاذبيـه
اتسائل اش خلى قريـش مـن اول تقـدس هُبـل= واقول : يمكن أعين (ن) عمي(ن) وأفئدة(ن) غبيه
وانـا اتانـي مااتاهـم دون مااشـعـر بالمـثـل=لا كنهم عـن ديـن ربـي وانـا عـن ايـة iصبيـه
ودي اسلـم علـى ضـيـدان واسـألـه بثـقـل= قلي وش سوت هنوفك بعد ماامست في الحويه ؟؟
ادري ان مالـي صلاحيـه ولا لـي اي دخــل=بـس هـي كـذا لقافـه بفتـح اوراق القضـيـه
وانا ماابشع من جروحي غير ( فقـدان الامـل )=كيـه ولكنهـا اللـي كمـلـت تسعـيـن كـيـه
ابسألش وش سبـة الدمعـه علـى خـد الكهـل=كود من عـوج السنيـن وصكـة الحـظ الشقيـه
احترامي ( للامل ) واللعنه لك يـا( آبـو جهـل)=ليـه مايعـتـق عـبـاد الله عـنـد المقـدريـه
قلبي اللي ماسمـع شـوري ولحـدودش وصـل= ابنشدش ليه الخـوي البارحـه بـار بخويـه ؟؟؟
والله انـي قـد عذلتـه لكـن اعـرفـه عـجـل= وانتي يومش ماانتي كفـوه ليـه تبـدي القابليـه
واعذابـي والله انـه مابـقـى فيـنـي مـحـل= لاجل تطعن خنجـرش يـاام العيـون النرجسيـه
تبعـاً لنيـات البشـر تأتـي تصانيـف العـمـل=يعني :على قـول المثـل يافاتنـه النيـه مطيـه
وانا لو اعرف مسبقـاً انـه بيحصـل ماحصـل= لكنت انا مأيد ( لـوأد البنـت ) منـذ ُ الجاهليـه
وماكان شفتش فـي طريقـي او ياهانـم عالاقـل=ماكان شفتش تنهبيني وانـا ساكـت لـش كذيـه
والله أنها موجعه وجتنـي علـى قـول المثـل=لا ارفعتها جت بشنبي ولاانزلتها بلحيـه iiاجوديـه
لكـن عـادي اوجعـي وانـا وربـي لاحتـمـل=واذا سالتي : انت راضي ؟؟ بملئ فمي اقول : إيه
يكفـي إنّـا عيـال عـم ونعتبـر حسبـة اهـل=ووالله ان آحول دونش لاوصلـت حـد الحميـه
ماذبـح أهـل الـعـراق الا افتـقـاره للـعـدل= الرافديـن يصيـح وتـرد القـصـور البابلـيـه
ألم ترى اني جريح (ن) صـاح يستنجـد فهـل = تابى مرؤتـك الاغاثـة ُ فـي جراحاتـي العتيـه
يعني كـذا علـى بلاطـه قولهـا وابـلا خجـل= ياامـا إنـا نبتـدي او إنـنـا نـوقـف هنـيـه

وســـــلامـــــتـــــكــــــم
علي ال الشهي

[ابومحمد الشامري]

لا هنت يا ابو سالم على القصيدة الجميلة صح لسانك

[محمد الهتلاني]

قصيدة رائعة صح لسانك يا راكان اليامي لا هنت يا الغالي

[راكان اليامي]

اررررررررحب يابو حمد وولاانت يالسنافي

[راكان اليامي]

ارررحب يابن هتلاان وولا انت يالغاالي

[ابن وعيل]

تسلم يابو سالم على القصيده الجميلة

[راكان اليامي]

ومن قال يسلم يابو عبدالله

[محمد الشامري]

الله الله

والله انها من اجمل ماسمعت من الشعر


انا اشهد انه شاعر شاعرها


صح لسانه ولسانك يابوسالم

ولاهنت

[راكان اليامي]

اررررررحب يابن شامر وصح الله بدنك ياذيب

[راشد المري]

يا سلام عليك يابو سالم وعلى الذائقه الشعريه اللي عندك صراحه ذويق مشكور عليهاا وياليت تتحفنا بل المزيد