نكفون..على لسان الكويت

[مترك العمره]

السلام عليكم ورحمة الله وبركاته



اسعد الله مساكم بكل خير


قصيدة على لسان دولة الكويت لما تشهده من اوضاع وآمل ان تنال على رضاكم واعجابكم

تكفون ياهل العرف لا تتركوني=ياهل العقول الناضجه والبصيره
زاد البلا بان التعب في عيوني=شوفوا دموعي فوق خدي غزيره
كله سبايب هرجهم ارحموني=وانا صويبه من جروحي خطيره
ماهوب بحقي منكم تطعنوني=بكثر الفتن والجمر زدتوا سعيره
مافيه احد منكم يفكر بهوني=متنازعين الراي لليل بظهيره
في مامضى انا عروسن فتوني=لهل التقدم كنت انا خير سيره
حتى خواتي اعتلوا وسبقوني=واصبحت في ركب التقدم اخيره
وين الذي فوق السحب شيدوني=وين الذي اعيونهم لي سهيره
وين الذي بالعلم قد طوروني=اهل البحر واهل القرى والعشيره
توحدوا توحدوا وسمعوني=من شان لا تاتي امورن عسيره
واليوم حقي منكم تنصروني=يا اهل العقول الناضجه والبصيره

وسلامتكم